బాలెనో, ఐ20 మరియు జాజ్ కార్లకు పోటీగా 37కిమీల మైలేజ్ ఇచ్చే నిస్సాన్ నోట్

నిస్సాన్ మైక్రా కోసం వినియోగించిన వి-ఫ్లాట్‌ఫామ్ ఆధారంగా నోట్ హ్యాచ్‌బ్యాక్ కారును అభివృద్ది చేసింది. ప్రస్తుతం పరీక్షించిబడుతున్న మోడల్ హైబ్రిడ్ వెర్షన్ అని తెలుస్తోంది. పలు అంతర్జాతీయ మార్కెట్లలో నిస్సాన్ నోట్ కారును హైబ్రిడ్ వెర్షన్‌లో విక్రయిస్తోంది.

అయితే రెగ్యులర్ నోట్ వెర్షన్ 1.2-లీటర్ పెట్రోల్ మరియు 1.5-లీటర్ కెపాసిటి ఉన్న డీజల్ ఇంజన్‌ ఆప్షన్‌లో రానుంది. ఇవే ఇంజన్‌లు నిస్సాన్ మైక్రాలో కూడా ఉన్నాయి.

నిస్సాన్ వద్ద ఉన్న హైబ్రిడ్ టెక్నాలజీలో పెట్రోల్ లేదా డీజల్ ఇంజన్ ఉంటుంది. అయితే, కారు మాత్రం ఎలక్ట్రిక్ మోటార్ ఆదారంగానే నడుస్తుంది. ఈ కార్లలో ఉన్న బ్యాటరీలను ఛార్జ్ చేయడానికి ఇందులోని ఇంజన్‌లు పనిచేస్తాయి.

Recommended Video

Toyota Etios Safety Experiential Drive in Bengaluru | In Telugu - DriveSpark తెలుగు

ప్రపంచ వ్యాప్తంగా ఎన్నో ఎలక్ట్రిక్ మరియు హైబ్రిడ్ కార్లలో ఉన్న పరిమిత పరిధి సమస్యను నివారిస్తుంది. ఈ శ్రేణి కార్లు పెట్రోల్ లేదా డీజల్ ఇంజన్ కార్లలా మనకు కావాల్సినంత దూరం ప్రయాణించవు. చార్జింగ్ అయిపోగానే తీవ్ర ఇబ్బందులు ఎదుర్కోవాల్సి ఉంటుంది. అయితే, ఇంజన్ ద్వారా బ్యాటరీలను చేయడంతో ఎక్కడ కావాలంటే ఇక్కడ ఇంధనాన్ని నింపుకోవచ్చు.

నిస్సాన్ ఈ టెక్నాలజీని ఇ-పవర్ అని పిలుస్తోంది. నిస్సాన్ నోట్ ఇ-పవర్ కారులో 1.2-లీటర్ సామర్థ్యం ఉన్న హెచ్ఆర్12డిఇ ఇంజన్ కలదు. ఇది 79బిహెచ్‌పి పవర్ మరియు 103ఎన్ఎమ్ టార్క్ ఉత్పత్తి చేస్తుంది. నిస్సాన్ మైక్రాలో ఉపయోగించిన ఇదే ఇంజన్ నోట్ ఇ-పవర్ కారులో బ్యాటరీ ఛార్జింగ్‌కు ఉపయోగపడుతోంది.

నిస్సాన్ నోట్ ఇ-పవర్ కారు గరిష్ట మైలేజ్ లీటర్‌కు 37.2 కిలోమీటర్లు. అంటే సాధారణ హ్యాచ్‌బ్యాక్ ఇచ్చే మైలేజ్‌కు ఇది రెట్టింపు. నిస్సాన్ తరువాత ఈ పరిజ్ఞానాన్ని షెవర్లే తమ వోల్ట్ హైబ్రిడ్ కారులో అందిస్తోంది.

నిస్సాన్ నోట్ ఇ-పవర్ కారులో బ్యాటరీ ఛార్జింగ్ కోసం ఛార్జింగ్ స్టేషన్ల అవసరం లేదు కాబట్టి ఇండియన్ మార్కెట్లో ఉన్న అవకాశాలను అందిపుచ్చుకోవడానికి నిస్సాన్ ప్రయత్నిస్తోంది. ఇలాంటి పరిజ్ఞానం త్వరగా ఇండియాకు రావాల్సిన అవసరలం ఎంతైనా ఉంది. నిస్సాన్ నోట్-ఇ పవర్ హ్యాచ్‌బ్యాక్ గురించి మీ అభిప్రాయాన్ని క్రింది కామెంట్ బాక్సు ద్వారా మాతో పంచుకోండి...