రూమర్ కాదండోయ్: డబుల్ రైడింగ్ బ్యాన్ అధికారికంగా అమల్లోకి తెచ్చారు

నవంబర్ 23, 2017 నుండి 100సీసీ కన్నా తక్కువ కెపాసిటి గల టూ వీలర్లను కేవలం సింగల్ సీటుతో మాత్రమే రిజిస్ట్రేషన్‌కు అనుమతిస్తున్నట్లు కర్ణాటక రవాణా శాఖ ఓ ప్రకటన జారీ చేసింది. ఇది బెంగళూరు నగరంతో పాటు కర్ణాటక మొత్తం అమల్లోకి వచ్చింది.

సింగల్ సీటు అంటే ఏలా...?

100సీసీ లోపు కెపాసిటి ఇంజన్ గల టూ వీలర్లలో సీటు పొడవు ఇద్దరు కూర్చునేందుకు అనువుగా ఉంటుంది. అయితే, ఈ టూ వీలర్లకు ఆర్‌టిఓ కార్యాలయాల్లో రిజిస్ట్రేషన్ చేయించాలంటే తయారీదారుడి నుండి రైడర్‌ సీటు మాత్రమే ఉన్నట్లు సర్టిఫికేట్ పొందాల్సి ఉంటుంది.

ప్రస్తుతం బెంగళూరు మరియు కర్ణాటక వ్యాప్తంగా ఈ టూ వీలర్లకు సింగల్ సీటును మాత్రమే అమర్చి డీలర్లు విక్రయించుకోవాల్సి ఉంటుంది. అయితే, ఒక్కరు మాత్రమే ప్రయాణించాలని రూల్ వచ్చాక ఇలాంటి టూ వీలర్లను కొనడం శుద్ద దండగని చెప్పవచ్చు.

ప్రస్తుతం రోడ్డు మీద ఉన్న 100సీసీ టూ వీలర్ల పరిస్థితి ఏమిటి ?

100సీసీ టూ వీలర్ల మీద డబుల్ రైడింగ్ బ్యాన్ అనే నియమం నవంబర్ 23, 2017 తరువాత రిజిస్టర్ అయ్యే టూ వీలర్లకు మాత్రమే వర్తిస్తుంది. అంటే ఈ తేదీకి ముందు రిజిస్ట్రేషన్ చేయించుకున్న టూ వీలర్లతో ఎలాంటి సమస్య ఉండదు. అయితే, ఇక మీదట 100సీసీ లోపు టూ వీలర్లను ఎంచుకునే ముందు బాగా ఆలోచించుకోవాలి.

టూ వీలర్ల కంపెనీలకు లాభమా... నష్టమా....?

100సీసీ కెపాసిటి గల బైకులు లేదా స్కూటర్లు కేవలం ఒక్కరి కోసమే అంటే కస్టమర్లు ఇలాంటి స్కూటర్లను దాదాపు ఎంచుకోరు. ఇదే జరిగితే చిన్న చిన్న టూ వీలర్ల సేల్స్‌కు దీని ప్రభావం తీవ్రంగా ఉండనుంది.

Trending On DriveSpark Telugu:

తాజా నిర్ణయంతో నిషేధానికి గురైన బైకులు మరియు స్కూటర్లు

• టీవీఎస్ స్కూటీ పెప్ ప్లస్ స్కూటర్
• టీవీఎస్ స్పోర్ట్
• హీరో హెచ్ఎఫ్ డీలక్స్
• హీరో స్ల్పెండర్ ప్లస్
• టీవీఎస్ ఎక్స్ఎల్
• హీరో స్ల్పెండర్ ప్రొ
• బజాజ్ సిటి 100
• హీరో హెచ్ఎఫ్ డీలక్స్ ఎకో
• హీరో ప్యాసన్ ప్రొ ఐ3ఎస్



పిలియన్ రైడింగ్ నిషేధానికి అసలు కారణం ఏంటి ?

ఇంజన్ కెపాసిటి తక్కువగా ఉండటంతో ఇద్దరు ప్రయాణిస్తున్నపుడు బైకులు క్రిందపడి ప్రమాదాలు ఎక్కువగా జరుగుతున్నాయనే ఉద్దేశ్యంతో కర్ణాటక ప్రభుత్వం ఈ నిర్ణయం తీసుకున్నట్లు తెలిసింది. అయితే, ఇది ఎంత వరకు అమలవుతుందనేది వేచి చూడాలి మరి.



ఈ నిర్ణయంపై ప్రజల స్పందన...

ఈ నిషేధం ఒక మూర్ఖపు నిర్ణయమని ప్రజలు విమర్శిస్తున్నారు. రోడ్లు పాడవడంతో టూ వీలర్ల ప్రమాదాలు అధికంగా జరుగుతున్నాయని వాపోతున్నారు. రోడ్లే సరిగ్గా ఉంటే చిన్న చిన్న టూ వీలర్లతో ఎలాంటి సమస్య ఉండదు. రోడ్ల మరమ్మత్తుల గురించి ఆలోచించకుండా తీసుకున్న నిర్ణయంతో ఇటు ప్రజలు, అటు తయారీ సంస్థలు కొత్త ఇబ్బందులు ఎదుర్కోవాల్సి వస్తోంది.



100సీసీ కంటే తక్కువ ఇంజన్ సామర్థ్యం గల టూ వీలర్లకు ఒక్కరు కూర్చునే సీటు ఉంటేనే రిజిస్ట్రేషన్ అని నిమయం ఇప్పుడు కర్ణాటకలో మాత్రమే అమల్లోకి వచ్చింది. రిజిస్ట్రేషన్ అనంతరం ఈ టూ వీలర్ల మీద ఒక్కరు మాత్రమే ప్రయాణించాలి. దీని అతిక్రమించిన వారి మీద మోటార్ వాహనాల చట్టం ఆధారంగా జరిమానా మరియు చర్యలు తీసుకుంటారు.



డ్రైవ్‌స్పార్క్ తెలుగు అభిప్రాయం!

చిన్న టూ వీలర్ల మీద ఇద్దరు ప్రయాణించడంతో ప్రమాదాలు చోటు చేసుకుంటున్నాయనే ప్రభుత్వం వాదన దాదాపు తప్పు. రోడ్లకు సకాలం మరమ్మత్తులు నిర్వహిస్తే ఎలాంటి ప్రమాదాలు జరగవు. ఇందుకు ఉదాహరణ గతం వారంలో ముంబాయ్‌లో జరిగిన ప్రమాదం.



ముంబాయ్ నగరంలో ఓ స్కూటర్ ప్రమాదం జరిగింది. ఈ స్కూటర్‌ మీద ఒక్కరే ప్రయాణిస్తున్నప్పటికీ రోడ్డు గుంతలమయంగా ఉండటంతో స్కూటర్‌ నడుపుతున్న మహిళ క్రింద పడిపోయింది. వెనకాలే వచ్చిన క్రేన్ ఆమె మీదుగా వెళ్లడంతో అక్కడిక్కడే మరణించింది. ఇందుకు ప్రధాన కారణం రోడ్డు సరిగా లేకపోవడం.