డస్టర్ తరహా సక్సెస్ లక్ష్యంతో కప్తుర్: విడుదలకు సన్నద్దం

కప్తుర్ ఎస్‌యూవీని గుర్తించడానికి ఏ మాత్రం వీల్లేకుండా నలుపు మరియు తెలుపు స్టిక్కరింగ్‌తో బాడీ మొత్తాన్ని కవర్ చేసి పరీక్షించారు. ఫ్రంట్ డిజైర్‌‌లోని పగటి పూట వెలిగే ఎల్ఇడి లైట్లు, మరియు ప్రొజెక్టర్ హెడ్ ల్యాంప్స్ గుర్తించడం జరిగింది.

ప్రపంచ మార్కెట్లోకి ప్రవేశపెట్టనున్న కప్తుర్ ఎస్‌యూవీనే పోలి ఉంది ఈ ఇండియన్ మోడల్ కప్తుర్. అదే విధంగా డస్టర్ ఎస్‌యూవీని నిర్మిస్తున్న ఫ్లాట్‌ఫామ్ ఆధారంగా కప్తుర్ అభివృద్ది చేశారు. కాబట్టి దేశీయంగా ఉన్న ప్రొడక్షన్ ప్లాంటులో కప్తుర్ ఎస్‌యూవీని ఉత్పత్తి చేయడం చాలా సులభతరం కానుంది.

ఇండియన్ మోడల్ కప్తుర్ ఎస్‌యూవీలో 1.5-లీటర్ పెట్రోల్ మరియు 1.5-లీటర్ సామర్థ్యం ఉన్న డీజల్ ఇంజన్ ఆప్షన్‌లు రానున్నాయి. పెట్రోల్ వేరియంట్ 105బిహెచ్‌పి పవర్ మరియు డీజల్ ఇంజన్ రెండు రకాల పవర్ (84 మరియు 108బిహెచ్‌పి పవర్) ఉత్పత్తి చేయును.

ఈ ఏడాది పండుగ సీజన్ ప్రారంభమయ్యే నాటికి రెనో కప్తుర్ విక్రయాలకు సిద్దంగా విపణిలోకి విడుదల కానుంది. కప్తుర్ రూ. 10 లక్షల ఎక్స్-రూమ్ ప్రారంభ ధరతో విడుదలయ్యే అవకాశం ఉంది.

డ్రైవ్‌స్పార్క్ తెలుగు అభిప్రాయం!

దేశీయంగా ఎస్‌యూవీలకు డిమాండ్ రోజు రోజుకీ పెరుగుతోంది. కాబట్టి ధరకు విలువలతో, అత్యుత్తమ డిజైన్ మరియు ఫీచర్లతో విడుదలయ్యే వాహనాలకు ఫ్యూచర్ బాగానే ఉంటుంది. కప్తుర్ కూడా డస్టర్ తరహా విజయాన్ని రెనో కు అందివ్వనుంది.