ఆడి మరియు బిఎమ్‍‌‌డబ్ల్యూ మధ్య ప్రకటనల యుద్ధం

కోపంగానైనా... ఫన్నీగానైనా... ట్విట్టర్ వేదికగా జరిగిన సంభాషణ చాలా ఆసక్తికరంగా మారింది. ఏదేమైనప్పటికీ ఈ చిన్నపాటి యుద్దం బిఎమ్‌డబ్ల్యూ మరియు ఆడి ఇరు కంపెనీల ఔత్సాహికులకు మంచి వినోదాన్ని పంచింది. అసలేం జరిగిందో చూద్దాం రండి...!!

బిఎమ్‌డబ్ల్యూ గత వారంలో తమ F82 M4 కారు ఫోటోను ట్విట్టర్‌లో పోస్ట్ చేసింది. అద్భుతమైన ఈ ఫోటో బ్యాగ్రౌండ్‌లో నిప్పురవ్వలు మరియు ఫైర్ వర్క్స్ అత్యంత ఆకర్షణీయంగా ఉన్నాయి. మరియు ఈ ట్వీట్‌కు మంచి స్పందన లభించింది.

బిఎమ్‌డబ్ల్యూ అదే రోజున ఆడి ట్వీట్‌కు బదులుగా, "వెనుక వైపున అప్పుడప్పుడు చూస్తాము, కొన్ని సార్లు రియర్ వ్యూవ్ మిర్రర్‌లో ఈ రింగులు కనబడుతుంటాయి." అంటూ కౌంటర్ ఇచ్చింది. నిజంగా చెప్పాలంటే ఇరు కంపెనీల మధ్య ఆరోగ్యకరమైన ట్విట్టర్ వాదన నడిచింది. ఈ రెండింటి మధ్య సాగిన సంభాషణను ఆ యా కంపెనీల ఔత్సాహికులు మరో స్థాయికి తీసుకెళ్లారు.

ఆడి మరియు బిఎమ్‌డబ్ల్యూ ఒకరినొకరు బహిరంగంగా ఎగతాళి చేసుకోవడం ఇదేమీ మొదటిసారి కాదు. మార్కెట్లో తమ గుర్తింపును చాటుకోవడానికి ఇరు కంపెనీలు కూడా పలుమార్లు ఒకదాని మీద ఒకటి విమర్శలు చేసుకున్నాయి.

అమెరికాలోని కాలిఫోర్నియాలో గల శాంటా మోనికాలో "బిఎమ్‌డబ్ల్యూ ఇప్పుడు నీ వంతు" అని ఆడి సరికొత్త ఏ4 సెడాన్ కారు ప్రకటన బోర్డును ఏర్పాటు చేసింది. అయితే, కేవలం కొన్ని రోజుల వ్యవధిలోనే ఆడి ప్రకటనకు పక్కనే, "చెక్‌మేట్" అనే సమాధానంతో బిఎమ్‌డబ్ల్యూ భారీ ప్రకటన బోర్డును ఏర్పాటు చేసింది.

అంతటి ఆగని పోరు, కొన్ని రోజులకు మరో భారీ హోర్డింగ్ ఏర్పాటు చేసేందుకు దారితీసింది. ఆడి తమ ఆర్8 సూపర్ కారు గల భారీ హోర్డింగ్‌ను బిఎమ్‌డబ్ల్యూ కంటే పెద్ద బోర్డును దాని పక్కనే ఏర్పాటు చేసి, "మీ బంటుతో మా రాజుకి పోలికేంటి" అని కౌంటర్‌ ఇచ్చింది.

ఇరు కంపెనీల మధ్య ప్రకటనల పోరు చిలికి చిలికి గాలివానలా మారింది. ఆడి సంస్థకు సమాధానంగా, భారీ పరిమాణంలో విమానం ఆకృతిలో ఉండే గాలి బుడగ మీద బిఎమ్‌డబ్ల్యూ తమ ఫార్ములా 1 రేస్ కారును ప్రింట్ చేసి, "గేమ్ ఓవర్ (ఆట ముగిసింది)" చివరి కౌంటర్ విసిరింది.

తెలుగు డ్రైవ్‌స్పార్క్ అభిప్రాయం!

ఆడి మరియు బిఎమ్‌డబ్ల్యూ సంస్థలకు ప్రపంచ వ్యాప్తంగా భారీ అభిమానాలు ఉన్నారు. తాజాగా జరిగిన ట్విట్టర్ సంభాషణతో సోషల్ మీడియా వేదికగా అందరి దృష్టినీ ఆకర్షించింది. రెండు జర్మన్ దిగ్గజాల మధ్య జరిగిన వాదనలు ఒకానొక దశలో తారాస్థాయికి చేరుకుని మాటల్లో వేడిని పుట్టించాయి.