ఆడి కార్ల మీద 10 లక్షల వరకు డిస్కౌంట్లు

ఆడి సెడాన్ సెగ్మెంట్లోని ఏ సిరీస్‌లో ఉన్న ఆడి ఏ3, ఏ4, ఏ6 మరియు క్యూ సిరీస్ ఎస్‌యూవీ ఫ్యామిలీలో ఉన్న ఎంట్రీ లెవల్ వేరియంట్ మీద ఈ ఆఫర్లు వర్తిస్తాయి. ఆడి ఏ3 ప్రారంభ ధర రూ. 33.1 లక్షలు. అయితే డిస్కౌంట్ అనంతరం 27.99 లక్షలకు లభిస్తోంది. మొత్తం తగ్గింపు రూ. 5.1 లక్షలు.

అదే విధంగా ఆడి ఏ4 ప్రారంభ ధర రూ. 41.47 లక్షలు. డిస్కౌంట్ అనంతరం రూ. 35.99 లక్షల ధరతో లభ్యమవుతోంది. మొత్తం డిస్కౌంట్ రూ. 5.5 లక్షలు.

ఆడి ఏ సిరీస్‌లోని హై ఎండ్ సెడాన్ ఏ6 మీద భారీ డిస్కౌంట్ లభిస్తోంది. రూ. 56.99 లక్షల ధర ఇప్పుడు రూ. 46.99 లక్షల దిగువకు పడిపోయింది. ఆడి ఏ6 మీద మొత్తం 9.7 లక్షలు డిస్కౌంట్ లభిస్తోంది. ఎనిమిదవ తరానికి చెందిన ఆడి ఏ6 సెడాన్ 2019లో విడుదల కానుంది.

ఈ మే-జూన్ 2018 ఆఫర్ల కాలంలో ఆడి క్యూ3 ఎస్‌యూవీ మీద కూడా డిస్కౌంట్ లభిస్తోంది. ఆడి క్యూ3 ధర రూ. 34.73 లక్షలు ఉండగా, 2.74 లక్షల రుపాయల తగ్గింపు అనంతరం రూ. 31.99 లక్షల ధరతో లభ్యమవుతోంది.