బెంట్లీ బెంట్యాగా వి8 విడుదల: ధర రూ. 3.78 కోట్లు

బెంట్లీ బెంట్యాగా లగ్జరీ ఎస్‌యూవీలో 4.0-లీటర్ సామర్థ్యం ఉన్న టుర్భోఛార్జ్‌డ్ వి8 పెట్రోల్ ఇంజన్ కలదు. 8-స్పీడ్ ఆటోమేటిక్ ట్రాన్స్‌మిషన్ అనుసంధానం గల ఇది గరిష్టంగా 542బిహెచ్‍‌పి పవర్ మరియు 770ఎన్ఎమ్ టార్క్ ప్రొడ్యూస్ చేస్తుంది.

బెంట్యాగా ఎస్‌యూవీలో పర్మినెంట్ ఆల్ వీల్ డ్రైవ్ సిస్టమ్ ఉంది. ఇది ఇంజన్ ఉత్పత్తి చేసే టార్క్‌ను 40:60 నిష్పత్తిలో ఫ్రంట్ మరియు రియర్ వీల్స్‍‌కు సరఫరా చేస్తుంది. బెంట్యాగా గరిష్ట వేగం గంటకు 290కిలోమీటర్లు మరియు కేవలం 4 సెకండ్ల వ్యవధిలోనే గంటకు 0 నుండి 100కిలోమీటర్ల వేగాన్ని అందుకుంటుంది.

బెంట్యాగా వి8 ఎక్ట్సీరియర్ చూడటానికి అచ్చం డబ్ల్యూ12 వేరియంట్‌నే పోలి ఉంటుంది. వి8 వేరియంట్లో రెడ్-పెయింట్ గల ఫ్రంట్ బ్రేక్ కాలిపర్లు మరియు 21-అంగుళాల పరిమాణంలో ఉన్న అల్లాయ్ వీల్స్ స్టాండర్డ్‌గా వచ్చాయి. అయితే, కస్టమర్లు 20 లేదా 22 అంగుళాల అల్లాయ్ వీల్స్ కూడా ఎంచుకోవచ్చు. ఇవి మినహాయిస్తే బెంట్యాగా వి8 లో అప్‌డేటెడ్ ఫ్రంట్ గ్రిల్ మరియు టెయిల్-పైప్ డిజైన్ ఉన్నాయి.

బెంట్లీ బెంట్యాగా వి8 ఇంటీరియర్‌లో కలప మరియు లెథర్ ఫినిషింగ్‌లో ఉన్న స్టీరింగ్ వీల్, గ్లాస్ బ్లాక్ ఫైబర్ ఫినిషింగ్ డోర్లు, డ్యాష్‌బోర్డ్ మరియు సెంటర్ కన్సోల్ ఉన్నాయి. అంతే కాకుండా, హెడ్స్-అప్ డిస్ల్పే గల 8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ మరియు రియర్ ప్యాసింజర్ల ఎంటర్‌టైన్‌మెంట్ కోసం రిమూవబుల్ 12-అంగుళాల టాబ్లెట్ అందివ్వడం జరిగింది.

ఈ సందర్భంగా ఎక్స్‌క్లూజివ్ మోటార్స్ మేనేజింగ్ డైరక్టర్ సత్య బాగ్లా మాట్లాడుతూ, "లగ్జరీ వాహన పరిశ్రమలో బెంట్లీ వరల్డ్ లీడర్‌గా రాణిస్తోంది. విలాసవంతమైన వాహన పరిశ్రమకు బెంట్లీ ఎప్పటికప్పుడు ఒక కొత్త నిర్వచనమిస్తోందని తెలిపాడు." బెంట్లీ బెంట్యాగా వి8 చూడటానికి అచ్చం ఇతర మోడళ్లనే పోలి ఉంటుంది. కానీ, ఎక్ట్సీరియర్‌లో డిజైన్ పరంగా పలు మార్పులు సంతరించుకున్నాయి.

బెంట్లీ లగ్జరీ కారును కొనుగోలు చేయాలనుకునే ఔత్సాహికు కస్టమర్లకు బెంట్యాగా వి8 పరిష్కారం కానుంది. బెంట్లీ బెంట్యాగా వి8 విపణిలో ఉన్న రోల్స్ రాయిస్ కుల్లినన్ మరియు రేంజ్ రోవర్ ఎస్‌వి ఆటోబయోగ్రఫీ వంటి మోడళ్లకు గట్టి పోటీనిస్తుంది.