ఆటో ఎక్స్‌పో 2018: బిఎమ్‌డబ్ల్యూ 6 సిరీస్ జిటి విడుదల చేసిన సచిన్

Written By:
Recommended Video - Watch Now!
Auto Expo 2018: Tata Tamo Racemo & Racemo+- Details, Specifications - DriveSpark

ఆటో ఎక్స్‌పో 2018: బిఎమ్‌డబ్ల్యూ ఇండియా విభాగం 2018 ఇండియన్ ఆటో ఎక్స్‌పో వేదికగా క్రికెట్ లెజెండ్ సచిన్ టెండూల్క్ సమక్షంలో తొలి బిఎమ్‌డబ్ల్యూ 6 సిరీస్ గ్రాన్ టురిస్మో లగ్జరీ సెడాన్ కారును విడుదల చేసింది. సరికొత్త బిఎమ్‌డబ్ల్యూ 6 సిరీస్ జిటి ప్రారంభ ధర రూ. 58.9 లక్షలు ఎక్స్-షోరూమ్(ఇండియా)గా ఉన్నట్లు బిఎమ్‌డబ్ల్యూ ప్రతినిధులు వెల్లిడించారు.

బిఎమ్‌డబ్ల్యూ 6 సిరీస్ గ్రాన్ టురిస్మో వేరియంట్లు, ధరలు, ఫీచర్లు, ప్రత్యేకతలు మరియు ఫోటోల కోసం...

బిఎమ్‌డబ్ల్యూ 6 సిరీస్ జిటి

ఈ సరికొత్త బిఎమ్‌డబ్ల్యూ 6 సిరీస్ గ్రాన్ టురిస్మో ఇండియన్ మార్కెట్లో ఇది వరకు ఉన్న 5 సిరీస్ జిటి స్థానాన్ని భర్తీ చేయనుంది. భారత్‌లో ఈ మోడల్ కేవలం 630ఐ స్పోర్ట్‌లైన్ వేరియంట్లో మాత్రమే లభ్యమవుతోంది. ఇది విపణిలో ఉన్న మెర్సిడెస్ బెంజ్ ఇ-క్లాస్‌కు గట్టి పోటీనిస్తుంది.

బిఎమ్‌డబ్ల్యూ 6 సిరీస్ జిటి

బిఎమ్‌డబ్ల్యూ 6 సిరీస్ గ్రాన్‌ టురిస్మొ ఇంజన్ స్పెసిఫికేషన్స్

సాంకేతికంగా బిఎమ్‌డబ్ల్యూ 6 సిరీస్ గ్రాన్‌ టురిస్మొ లగ్జరీ సెడాన్ కారులో 2.0-లీటర్ కెపాసిటి గల నాలుగు సిలిండర్ల టుర్బోఛార్జ్‌డ్ పెట్రోల్ ఇంజన్ కలదు. ఇది 5,000-6,500ఆర్‌పిఎమ్ ఇంజన్ వేగం వద్ద 254బిహెచ్‌పి పవర్ మరియు 1,550-4,400ఆర్‌పిఎమ్ వద్ద 400ఎన్ఎమ్ గరిష్ట టార్క్ ప్రొడ్యూస్ చేస్తుంది.

బిఎమ్‌డబ్ల్యూ 6 సిరీస్ జిటి

బిఎమ్‌డబ్ల్యూ 6 సిరీస్ గ్రాన్‌ టురిస్మొ స్పీడ్

బిఎమ్‌డబ్ల్యూ 6 సిరీస్ జిటి కేవలం 6.3 సెకండ్ల వ్యవధిలోనే గంటకు 0 నుండి 100కిలోమీటర్ల వేగాన్ని అందుకుంటుంది. మరియు దీని గరిష్ట వేగం గంటకు 250కిలోమీటర్లుగా ఉంది.

బిఎమ్‌డబ్ల్యూ 6 సిరీస్ జిటి

బిఎమ్‌డబ్ల్యూ 6 సిరీస్ గ్రాన్‌ టురిస్మొ కొలతలు

బిఎమ్‌డబ్ల్యూ 6 సిరీస్ గ్రాన్‌ టురిస్మొ పొడవు 5,091ఎమ్ఎమ్, వెడల్పు 1,902ఎమ్ఎమ్, ఎత్తు 1,538ఎమ్ఎమ్ మరియు వీల్ బేస్ 3,070ఎమ్ఎమ్‌గా ఉంది. 600-లీటర్ల లగేజ్ స్పేస్ కలదు, అవసరాన్ని బట్టి 1800 లీటర్లకు కూడా పెంచుకోవచ్చు.

బిఎమ్‌డబ్ల్యూ 6 సిరీస్ జిటి

బిఎమ్‌డబ్ల్యూ 6 సిరీస్ గ్రాన్‌ టురిస్మొ డిజైన్

బిఎమ్‌డబ్ల్యూ 6 సిరీస్ గ్రాన్‌ టురిస్మొ 5సిరీస్ నుండి ఎన్నో డిజైన్ అంశాలను పొందింది. అయితే, 5 సిరీస్ మరియు 6 సిరీస్‌కు మధ్య తేడా ఏముందంటే... 6 సిరీస్ కారులో కూపే తరహా డిజైన్, డిక్కీ చివరి అంచు వరకు ఉన్న రూఫ్ ఉన్నాయి. అడాప్టివ్ ఎల్ఇడి లైట్లను కూడా 5 సిరీస్ నుండి పొందింది.

బిఎమ్‌డబ్ల్యూ 6 సిరీస్ జిటి

బిఎమ్‌డబ్ల్యూ 6 సిరీస్ గ్రాన్‌ టురిస్మొ ఇంటీరియర్

బిఎమ్‌డబ్ల్యూ 6 సిరీస్ గ్రాన్‌ టురిస్మొ ఇంటీరియర్‌లో లెథర్ అప్‌హోల్‌స్ట్రే, గెస్ట్చర్ కంట్రోల్స్ గల 10.25-అంగుళాల పరిమాణం ఉన్న టచ్ స్క్రీన్ ఇన్ఫోటైన్‌మెంట్ సిస్టమ్, మరియు సరికొత్త 6 సిరీస్ జిటి హెడ్స్-అప్ డిస్ల్పే కలదు. ఫోర్ జోన్ క్లైమేట్ కంట్రోల్, ఎల్ఇడి మూడ్ లైటింగ్ బోయర్స్ అండ్ విల్కిన్స్ డైమండ్ వారి 1,400 వాట్ 16 స్పీకర్ సరౌండ్ సౌండ్ సిస్టమ్ ఉన్నాయి.

బిఎమ్‌డబ్ల్యూ 6 సిరీస్ జిటి

డ్రైవ్‌స్పార్క్ తెలుగు అభిప్రాయం!

బిఎమ్‌డబ్ల్యూ ప్రపంచ వ్యాప్తంగా ఉన్న 5 సిరీస్ జిటి స్థానంలోకి 6 సిరీస్ జిటి కారును ప్రవేశపెట్టింది. ఏదేమైనప్పటికీ 5-సిరీస్ కంటే 6-సిరీస్‌లో బిఎమ్‌డబ్ల్యూ వారి పనితనం అద్భుతంగా ఉంది. కాబట్టి 5 సిరీస్ కస్టమర్లు ఎలాంటి తడబాటు లేకుండా 6 సిరీస్‌ను ఎంచుకోవచ్చు.

English summary
Read In Telugu: Auto Expo 2018: Sachin Launches BMW 6 Series GT In India - Priced At Rs 58.9 Lakhs
Story first published: Friday, February 9, 2018, 12:20 [IST]

Latest Photos

డ్రైవ్స్పార్క్ నుండి తాజా ఆటో అప్డేట్స్ పొందండి
Telugu Drivespark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more