డాట్సన్ రెడి-గో ఆటోమేటిక్ విడుదల: ధర, ఇంజన్, ఫీచర్లు

రెడి-గో 1.0-లీటర్ ఆటోమేటిక్ వేరియంట్ దేశవ్యాప్తంగా ఉన్న నిస్సాన్-డాట్సన్ ద్వారా విక్రయాలకు అందుబాటులో ఉన్నాయి. డాట్సన్ దీని మీద జవవరి 10, 2018 నుండి బుకింగ్స్ ప్రారంభించింది. బుక్ చేసుకున్న వారికి నేటి నుండి డెలివరీ ప్రారంభించింది.

రెడి-గో 1.0-లీటర్ ఆటోమేటిక్ విడుదలతో ఎంట్రీ లెవల్ ఆటోమేటిక్ హ్యాచ్‌బ్యాక్ కార్ల సెగ్మెంట్లో ఇది రిచ్ మోడల్ అని డాట్సన్ తెలిపింది. రెడి-గో స్మార్ట్ డ్రైవ్ ఆటో ఫీచర్‌లో రెండు రకాల డ్రైవింగ్ మోడ్స్ ఉన్నాయి. అవి, డ్యూయల్ డ్రైవింగ్ మోడ్ మరియు రష్ అవర్ మోడ్. వీటి ద్వారా అన్ని రకాల రహదారి పరిస్థితుల వద్ద అత్యుత్త డ్రైవింగ్ అనుభవాన్ని పొందవచ్చు.

డ్యూయల్ డ్రైవింగ్ మోడ్ ద్వారా ఆటోమేటెడ్ మరియు మ్యాన్యువల్ మోడ్ సెలక్ట్ చేసుకుని ఏటవాలు, పల్లపు మరియు సిటి ట్రాఫిక్ ఇలా ఎన్నో ప్రతికూల రహదారుల్లో డ్రైవ్ చేయవచ్చు.

విపరీతమైన ట్రాఫిక్ ఉన్న రహదారుల్లో నెమ్మదిగా నడపడం ఒక్కోసారి తికమకలో చిన్న చిన్న ప్రమాదాలకు కారణమవుతుంది. ఇందుకోసం రష్ అవర్ మోడ్ ఎంచుకోవడంతో కారు దానంతట అదే నెమ్మదిగా కదులుతుంది. భారీ ట్రాఫిక్ ఉన్న రహదారుల్లో ఈ మోడ్ ద్వారా గంటకు 5-6కిలోమీటర్ల వేగంతో మాత్రమే వెళ్లవచ్చు. నగరవాసులకు ఈ ఫీచర్ బాగా నచ్చుతుంది.

డాట్సన్ రెడి-గో ఆటోమేటిక్ కేవలం 1.0-లీటర్ పెట్రోల్ ఇంజన్ వేరియంట్లో మాత్రమే లభ్యమవుతోంది. ఇంటెలిజెంట్ స్పార్క్ ఆటోమేటెడ్ టెక్నాలజీ గల మూడు సిలిండర్ల పెట్రోల్ ఇంజన్ 67బిహెచ్‌పి పవర్ మరియు 91ఎన్ఎమ్ టార్క్ ఉత్పత్తి చేస్తుంది.

డాట్సన్ తమ రెడి-గో ఆటోమేటిక్ వేరియంట్‌ను సిఎమ్ఎఫ్-ఎ ఫ్లాట్‌ఫామ్ మీద నిర్మించింది. రెనో క్విడ్ నుండి సేకరించిన ఇంజన్ మరియు ఎన్నో విడి భాగాలతో రెడి-గోను రూపొందించింది.

Trending On DriveSpark Telugu:

2018 మారుతి స్విఫ్ట్ బుక్ చేసుకున్నా... రెండు నెలలు వెయిట్ చేయాల్సిందే!!

క్విడ్ కార్లలో లోపం: రీకాల్ చేసిన రెనో ఇండియా

హైదరాబాద్-బెంగళూరు హైవే మీద ఘోర ప్రమాదం!!

డాట్సన్ రెడి-గో ఆటోమేటిక్ హ్యాచ్‌బ్యాక్‌లోని టి(ఒ) మరియు ఎస్ వేరియంట్లలో హ్యాండ్స్ ఫ్రీ కాలింగ్ కోసం ఆడియో స్ట్రీమింగ్ బ్లూటూత్ ఫీచర్ కలదు. రెడి-గో ఆటోమేటిక్ హ్యాచ్‍‌బ్యాక్‌లో ఆల్ బ్లాక్ ఇంటీరియర్, రిమోట్ కీ ద్వారా సెంట్రల్ లాకింగ్ మరియు విశాలమైన క్యాబిన్, లగేజ్ స్పేస్‌తో పాటు అత్యుత్తమ గ్రౌండ్ క్లియరెన్స్(185ఎమ్ఎమ్) ఉంది.

డాట్సన్ రెడి-గో ఏఎమ్‌టి ధర సాధారణ రెడి-గో ధర కంటే రూ. 22,000 లు ఎక్కువగా ఉంది. రెండు రకాల డ్రైవింగ్ మోడ్స్ గల స్మార్ట్ డ్రైవ్ ఆటో ఫంక్షన్ అదనంగా బ్లూటూత్ ఆడియో సిస్టమ్ రాకతో ధర పెరిగిందని చెప్పవచ్చు. ఏదేమైనప్పటికీ ధరకు తగ్గ విలువలను రెడి-గో ఆటోమేటిక్‌ కలిగి ఉంది.

డ్రైవ్‌స్పార్క్ తెలుగు అభిప్రాయం!

ఎంట్రీ లెవల్ హ్యాచ్‍‌‌బ్యాక్ కారును ఎంచుకోవాలనుకునే కస్టమర్లకు డాట్సన్ తమ రెడి-గో ద్వారా విభిన్న వేరియంట్లలో పరిచయం చేసింది. రెడి-గో 800, రెడి-గో 1.0-లీటర్ మరియు రెడి-గో 1-లీటర్ ఆటోమేటిక్ వంటి ఆప్షన్స్ ఉన్నాయి. విపణిలో ఉన్న మారుతి ఆల్టో కె10 ఏజిఎస్ మరియు రెనో క్విడ్ ఆటోమేటిక్ కార్లతో పోటీ పడనుంది.

Trending DriveSpark Telugu YouTube Videos

Subscribe To DriveSpark Telugu YouTube Channel - Click Here