జాగ్వార్ ఎఫ్-టైప్‌లో మరో కొత్త వేరియంట్ విడుదల: ధర రూ. 90.93 లక్షలు

జాగ్వార్ ఎఫ్-టైప్ ఇంజీనియం పెట్రోల్ కూపే మోడల్ ధర రూ. 90.93 లక్షలు మరియు ఎఫ్-టైప్ ఇంజీనియం పెట్రోల్ కన్వర్టిబుల్ మోడల్ ధర రూ. 1.01 కోట్లు. రెండు ధరలు ఎక్స్-షోరూమ్(ఢిల్లీ)గా ఉన్నాయి.

జాగ్వార్ ఎఫ్-టైప్‌లో ఉన్న ఇంజీనియం పెట్రోల్ ఇంజన్ గరిష్టంగా 300బిహెచ్‌పి పవర్ మరియు 400ఎన్ఎమ్ టార్క్ ప్రొడ్యూస్ చేస్తుంది. దీనికి అనుసంధానం చేసిన 8-స్పీడ్ ఆటోమేటిక్ గేర్‌బాక్స్ ద్వారా పవర్ మరియు టార్క్ రియర్ వీల్స్‌కు అందుతుంది.

జాగ్వార్ కథనం మేరకు, సరికొత్త ఇంజీనియం ఇంజన్ 52కిలోలు వరకు తక్కువ బరువు ఉంది. దీంతో ఇది జాగ్వార్ ఎఫ్-టైప్ గరిష్టంగా గంటకు 250కిలోమీటర్ల వేగంతో దూసుకెళుతుంది మరియు 0 నుండి 100కిలోమీటర్ల వేగాన్ని కేవలం 5.7 సెకండ్ల వ్యవధిలోనే అందుకుంటుందని పేర్కొంది

జాగ్వార్ ఎఫ్-టైప్ కారులోని ఫ్రంట్ యాక్సిల్ మీద వీలైనంత వరకు బరువును తగ్గించారు. దీంతో స్టీరింగ్ రెస్పాన్స్, బాడీ కంట్రోల్ మరియు రైడ్ కంఫర్ట్ గణనీయంగా మెరుగయ్యాయి. అంతే కాకుండా జాగ్వార్ ఎఫ్-టైప్‌లో స్విచ్చబుల్ ఎగ్జాస్ట్ సిస్టమ్ ఉంది, ఇది డ్రైవింగ్ అనుభూతిని మరింత పెంచుతుంది

జాగ్వార్ ల్యాండ్ రోవర్(JLR) ఇండియా లిమిటెడ్ ప్రెసిడెంట్ మరియు మేనేజింగ్ డైరక్టర్, రోహిత్ సూరి మాట్లాడుతూ, "జాగ్వార్ ఎఫ్-టైప్‌లో 2.0-లీటర్ ఇంజీనియం ఇంజన్ పరిచయం చేయడం పట్ల ఎంతో సంతోషంగా ఉంది. దీని పరిచయంతో స్పోర్ట్స్ కార్ ప్రేమికులకు మరింత చేరువకానున్నామని చెప్పుకొచ్చాడు.

ఇంజీనియం ఇంజన్‌ను తేలికపాటి బరువున్న అల్యూమినియం లోహంతో తయారు చేశారు. తేలికపాటి బరువు ఉండటంతో కారు యొక్క మొత్తం బరువు ఓ మెస్తారు తగ్గింది. కారు యొక్క భౌతిక అంశాలు మరింత మెరుగయ్యాయి.

జాగ్వార్ ఇండియా లైనప్‌లో ప్రస్తుతం ఐదు మోడళ్లు ఉన్నాయి. అవి,

ఎక్స్ఇ ధర రూ. 39.73 లక్షలు

ఎక్స్ఎఫ్ ధర రూ. 49.58 లక్షలు

ఎఫ్-పేస్ ధర రూ. 62.99 లక్షలు

ఎక్స్‌జె ధర రూ. 1.10 కోట్లు

ఎఫ్-టైప్ ధర రూ. 90.93 లక్షలు

డ్రైవ్‌స్పార్క్ తెలుగు అభిప్రాయం!

జాగ్వార్ ఇండియా ఇటీవల 2018 ఎఫ్-టైప్ ఎస్‌విఆర్ మోడల్‌ను విడుదల చేసింది. దీని ధర రూ. 2.65 కోట్లు ఎక్స్-షోరూమ్(ఢిల్లీ)గా ఉంది. జాగ్వార్ ఎఫ్-టైప్ స్పోర్ట్స్ కారు విపణిలో ఉన్న పోర్షే కయిన్ మరియు బాక్ట్సర్ వంటి మోడళ్లకు గట్టి పోటీనిస్తుంది.