ఇంటి పైకప్పు మీద ల్యాండ్ అయిన మారుతి బాలెనో: ఎలా సాధ్యం?

అంతా బాగానే ఉంది, అసలు రోడ్డు మీద నుండి ఆ ఇంటి మీదకు కారు ఎలా వెళ్లిందనేది అంతు చిక్కని మ్యాటర్. చాలా ఇరుకుగా ఉంటే ఆ రోడ్డులో అధిక వేగంతో ప్రయాణించే అవకాశం కూడా లేదు. ఇక పోతే మన ఇండియన్ కార్లలో ఇలా గాల్లోకి ఎగిరే ఫీచర్లు లేవు, అందులోనూ అది ర్యాలీ కారు కూడా కాదు. మరి ఎలా...?

అందరినీ ఆశ్చర్యచకితుల్ని చేస్తున్న సంఘటన గురించి వివరంగా...

కారు, కారులో ఉన్న ప్రయాణికులకు ఎలాంటి ప్రమాదం జరగకుండా సంభవించిన ఈ యాక్సెడెంట్ హిమాచల్‌ప్రదేశ్‌లోని మండి జిల్లాలో ఉన్న సర్కాఘాట్‌లో చోటు చేసుకుంది. ప్రాథమిక నివేదిక ప్రకారం, బాలెనో కారు నియంత్రణ కోల్పోవడంలో ఈ ప్రమాదం జరిగినట్లు తెలిసింది.

నిజానికి, కారు అధిక వేగంలో ఉంటే మాత్రమే గాల్లోకి ఎగిరే అవకాశం ఉంది. అయితే, కారు కంట్రోల్ తప్పి ప్రక్కకు వెళ్లినపుడు రోడ్డు అంచుల వెంబడి కొద్దిగా వాలుతో ఉన్న సిమెంట్ దిమ్మెలను ఢీకొట్టింది.

నిర్ణీతం వేగంలో ఉన్న కారు సిమెంట్ దిమ్మెల కారణంగా ఒక్కసారిగా గాల్లోకి ఎగిరింది. డ్రైవర్ అదృష్టవశాత్తు రోడ్డుకు 20 అడుగుల దూరంలో నిర్మాణ దశలో ఉన్న ఇంటి పైకప్పు మీదకు దిగింది.

ఖచ్చితంగా ఇంటి మీదకు ల్యాండ్ అవ్వడానికి మరో కారణం ఉంది. కారు క్యాబిన్ కారణంగా ముందు లేదా వెనుకకు కాకుండా ఖచ్చితంగా ఇంటి మీదనే దిగింది. బాలెనో కారు క్యాబిన్ పొడవుగా ఉన్నా లేదంటే పొట్టిగా ఉన్నా... 100 అడుగుల లోయలోకి పడిపోవడం ఖచ్చితం.

కారు ఇంటి పైకప్పు మీదుకు కారు ఎలా వెళ్లిందనేది ఆశ్చర్యకరమైన విషయం అయితే, అక్కడి నుండి ఆ కారును ఎలా క్రిందకు దించారనేది మరో ఆసక్తికరమైన విషయం. ఇంటి మీద నుండి మళ్లీ రోడ్డు మీదుకు తీసుకొచ్చేందుకు కారు డ్రైవర్ మరియు స్థానికుల తీవ్రంగానే శ్రమించారు.

రోడ్డుకు సమాంతరంగా ఉన్న ఇంటి మీదకు రోడ్డు నుండి మూడు పెద్ద ఇనుప స్తంభాలను వేసి, వాటి మీద ఇనుప ఫలకలతో తాత్కాలిక వంతెన ఏర్పాటు చేసి అత్యంత చాకచక్యంగా కారును వెనక్కి తీసుకొచ్చారు.

ప్రమాదానికి గురైన ఆ కారు మారుతి బాలెనో డెల్టా వేరియంట్. సాంకేతికంగా ఇందులో 1.2-లీటర్ పెట్రోల్ ఇంజన్ కలదు. 5-స్పీడ్ మ్యాన్యువల్ గేర్‌బాక్స్ అనుసంధానం గల ఇది 83బిహెచ్‌పి పవర్ మరియు 115ఎన్ఎమ్ టార్క్ ప్రొడ్యూస్ చేస్తుంది.

ఇంటి టెర్రస్ మీదకు ల్యాండ్ కారు వీడియో మీద ఓ లుక్కేసుకోండి...

రోడ్డు మీద నుండి సెకండ్ ఫ్లోర్‌లోకి దూసుకెళ్లిన కారు: వీడియో

డీజిల్ రైలింజన్లు అస్సలు ఆఫ్ చేయరెందుకు?

భర్తకు మరచిపోలేని కానుకిచ్చిన అతిలోక సుందరి