వీడియో - టయోటా ఇన్నోవా ఢీకొట్టడంతో 30 అడుగుల ఎత్తు ఎగిరిపడిన యువకుడు.

రోడ్డు దాటుతున్న వ్యక్తిని ఢీకొట్టడానికి ముందే ఇన్నోవా డ్రైవర్ సడెన్ బ్రేకులు వేశాడు. అయితే, అప్పటికే దాని వేగం ఎక్కువగా ఉండటంతో తికమకగా పరుగెత్తుకుంటూ రోడ్డు మీదకు వచ్చిన వ్యక్తిని బలంగా ఢీకొట్టింది.

ఇన్నోవా ఢీకొట్టడంతో గాల్లోకి ఎగిరిపడిన వ్యక్తి రోడ్డు మీద కొన్ని మీటర్లు మేర దొర్లుకుంటూ వెళ్లాడు. అంతటితో అయిపోలేదు, ఆ వెంటనే మరో హృదయవిదారకరమైన ప్రమాదం చోటు చేసుకుంది.

క్రింద పడిన ఆ వ్యక్తి మీదకు ఇన్నోవా ఎడమవైపు చక్రాలు ఎక్కేశాయి. అయితే, ఈ ప్రమాదంలో ఘోరంగా గాయపడిన వ్యక్తి ప్రాణాలతో బయటపడ్డాడో లేదో తెలియరాలేదు. అదే విధంగా, ఇన్నోవా డ్రైవర్ కూడా పోలీసులకు పడ్డుబడ్డాడో లేదో తెలియలేదు.

కానీ, కేవలం పది సెకండ్ల వ్యవధిలో జరిగిన ఈ ఘోర ప్రమాదం ప్రతి ఒక్కరి రోమాలు నిక్కబొడుచుకునేలా చేస్తావు. ఊహించని విధంగా ప్రమాదానికి గురైన వ్యక్తి తప్పిదం ఈ యాక్సెడెంటులో గమనించవచ్చు.

అతను అలా పెరుగెత్తుకుంటూ రోడ్డు దాటేందుకు ప్రయత్నించడానికి గల కారణమేంటో తెలియరాలేదు. ఎంత ముఖ్యమైన పని అయినప్పటికీ, జాతీయ రహదారులు దాటేటపుడు జాగ్రత్తగా వ్యవహరించాలి. ఇన్నోవా డ్రైవర్ కూడా అంత వేగంతో వాహనాన్ని నడిపి ఉండకూడదు.

ఈ ప్రమాదం, ఓ మోస్తారు పట్టణాన్ని తలపిస్తోంది. రోడ్డుకు ఇరువైపులా దుకాణాలు మరియు ఇళ్లు ఉన్నాయి. రోడ్డు మీద వెళుతున్న వాహనాలు మరియు రోడ్డు నిర్మాణాన్ని బట్టి చూస్తే ప్రమాదం జరిగిన రోడ్డు జాతీయ రహదారి అని తెలుస్తోంది. జాతీయ రహదారుల మీద ప్రమాదాలు జరిగే అవకాశాలు చాలా ఎక్కువ. కాబట్టి ఇలాంటి రోడ్ల మీద వెళతున్నపుడు మరియు దాటుతున్నపుడు చాలా జాగ్రత్తగా వ్యవహరించాలి.

జాతీయ రహదారులు మీద ప్రయాణిస్తున్నపుడు పల్లెలు మరియు జంక్షన్లు వచ్చినపుడు వెహికల్ వేగాన్ని దాదాపు తగ్గించేసి, రోడ్డును గమనిస్తూ డ్రైవ్ చేయాలి, ఈ ప్రమాదంలో ఇన్నో డ్రైవర్ ప్రమాదాన్ని తప్పించేందుకు బ్రేకులను ఎంతో బలంగా ప్రయోగించాడు. వీడియోలో బ్రేకుల నుండి వచ్చిన శబ్దాన్ని గమనించవచ్చు.

ఏదేమైనప్పటికీ, ఇన్నోవా వెహికల్ స్పీడ్ కంట్రోల్ కాలేకపోయింది. హైస్పీడులో ఉన్నపుడు ఒక వ్యక్తి రోడ్డు మీదకు రావడంతో బహుశా డ్రైవర్ కూడా షాక్‌కు గురయ్యి ఉండవచ్చు. ఈ క్రమంలో ఏం చేయాలో ఆలోచించేలోపే వాహనం ఆ వ్యక్తిని తొక్కించేసింది.

ప్రమాదానికి గల కారణం ఏమైనప్పటికీ, ఓ నిండు ప్రాణం రిస్కులో పడింది. ఒక్క నిమిషం ఆలస్యం అయినా ఫర్వాలేదు మితిమీరిన వేగంతో అమాయకుల ప్రాణాలు తీయకండి. ఎంత విలువైన పని ఉన్నప్పటికీ, ప్రాణాలు అన్నింటికంటే విలువైనవి. కాబట్టి, రోడ్డు భద్రత మీద దృష్టిసారించి సురక్షితంగా గమ్యాన్ని చేరండి!!