తక్కువ ధరతో అమ్మకానికి వచ్చిన అమితాబచ్చన్ బెంజ్ కార్..!

బచ్చన్ దగ్గర గతంలో ల్యాండ్ క్రూజర్ మరియు రోల్స్ రాయ్స్ వంటి కార్లను కూడా ఉండేవి. అమితాబ్ బచ్చన్ యొక్క మునుపటి మెర్సిడెస్ బెంజ్ ఎస్-క్లాస్ ఇప్పుడు ఒఎల్ఎక్స్ లో అమ్మకానికి ఉంది.

ఒఎల్ఎక్స్ లో ఈ కారు మారుతి సుజుకి సియాజ్ కంటే చౌక ధర పలుకుతోంది, ఎందుకంటే ఎస్-క్లాస్ ను కస్టమర్లు అడుగుతున్న ధర కేవలం రూ. 9.99 లక్షలు, ఇది టాప్ ఎండ్ మారుతి సుజుకి సియాజ్ ధర కంటే చాలా తక్కువగా ఉంది.

అమితాబ్ బచ్చన్, మరియు ఆయన కుటుంబం ఎప్పుడూ ఈ మెర్సిడెజ్ బెంజ్ ఎస్-క్లాస్ కారులో తిరుగుతూ ఉంటారు. అయితే, కాలక్రమేణా, వారు మార్కెట్ లో ఈ కారు యొక్క తాజా వెర్షన్ ను కొనడానికి, పాత కార్లను మార్కెట్లో విక్రయానికి ఉంచుతుంటారు.

అటువంటి కారు ఒకటి మళ్లీ అమ్మకానికి వచ్చింది, అది బచ్చన్ యాజమాన్యంలోని మెర్సిడెస్-బెంజ్ ఎస్-క్లాస్ 350 ఎల్ కార్, గతంలో బచ్చన్ ఈ కారుతో అనేకసార్లు ఎన్నో ఫోటోలలో కనిపించారు.

ఒఎల్ఎక్స్ ప్రకటన ప్రకారం, ఈ కారు 2007 మోడల్, పెట్రోల్ ఇంజిన్ పై ఆధార పడింది. ఇది ఇప్పటికే చాలా చేతులు మారింది, అంటే ఇది ప్రస్తుతం దాని మూడవ వ్యక్తి వద్ద ఉంది.

ఏదేమైనప్పటికీ, యాడ్ ప్రకారం ఉన్న ఓడోమీటర్ రీడింగ్ కేవలం 55,000 కి.మీ. దూరం తిరిగింది.ఇక్కడ చిత్రాలలో కనపడే బూడిద రంగు మెర్సిడెస్-బెంజ్ ఎస్-క్లాస్ లో బచ్చన్ కుటుంబం యొక్క లక్కీ సంఖ్య "5050" ఉంటుంది.

2007 లో లభ్యమయ్యే ఎస్-క్లాస్, వీల్ బేస్ వేరియంట్, ఇందులో 3,498సిసి, వి6 పెట్రోల్ ఇంజన్ తో పవర్ ఫుల్ 365 బిహెచ్పి మరియు 345 ఎన్ఎమ్ టార్క్ ఉత్పత్తి చేస్తుంది.

ఇది మునుపటి తరం డబ్ల్యూ221 మోడల్, అంటే టెక్నాలజీ పరంగా ఇది మరీ పాత కాలం నాటిది కాదు. కారు చాలా విశాలంగా ఉంటుంది, వేహికల్ యొక్క లాంగ్ వీల్ బేస్ ఎంతో చక్కగా ఉంటుంది.

లక్షురి విషయానికి వస్తే మెర్సిడెస్ బెంజ్ ఎస్-క్లాస్ ఎప్పుడూ ముందంజలో నిలుస్తుంది, అందుకే చాలామంది సెలబ్రిటీలు దీనిని ఇతర కార్ల కంటే ఎక్కువగా ఎంచుకుంటారు.

ప్రస్తుతం అమితాబ్ బచ్చన్ తన కొత్త రేంజ్ రోవర్ బయోగ్రఫీ, మెర్సిడెస్ బెంజ్ వి-క్లాస్ ఎంయూవి లను ఉపయోగిస్తున్నారు.

మెర్సిడెస్-బెంజ్ నుండి వచ్చిన లగ్జరీ ఎంయూవి, స్వివేల్ సీట్లు సహా కొన్ని హై-ఎండ్ ఫీచర్లను అందిస్తుంది మరియు దీని రైడ్ క్వాలిటీ మరియు క్యాబిన్ స్పేస్ కు పేరుగాంచింది.

Source: OLX