డ్రైవింగ్ లైసెన్సుల విషయంలో షాకింగ్ నిర్ణయం తీసుకున్న కేంద్రం

గడ్కారీ ప్రకారం లైసెన్సు పొందేందుకు సులభ ప్రక్రియ, నకిలీ లైసెన్సులన్నీ భారత దేశంలో రోడ్డు ప్రమాదాల సంఖ్యకు మూల కారణం అని, భారత దేశంలో డ్రైవింగ్ లైసెన్సు పొందడం సులభమని, చాలా సందర్భాల్లో లైసెన్స్ లోని ఫొటోకు, వ్యక్తికి పోలిక లేదని, డ్రైవింగ్ లైసెన్సుల్లో పలు లోపాలు ఉన్నాయని చెప్పారు.

గడ్కారీ నాయకత్వంలో రోడ్డు రవాణా, రహదారుల శాఖ దాదాపు పదిసార్లు ట్రాఫిక్ ఉల్లంఘనులకు జరిమానాలు పెంచే కొత్త బిల్లును ప్రతిపాదించింది. చెల్లుబాటు అయ్యే డ్రైవింగ్ లైసెన్సు లేకుండా డ్రైవింగ్ చేయడం వల్ల ప్రస్తుత రూ 500 కి బదులుగా రూ. 5,000 జరిమానా పడుతుంది.

మద్యం తాగి డ్రైవింగ్ చేస్తే జరిమానా ప్రస్తుత రూ.2,000 ఉండగా దీని నుంచి రూ.10,000 వరకు పెంచారు. ప్రమాదకరమైన డ్రైవింగ్ చేస్తే రూ.1,000 కు బదులు రూ.5,000 జరిమానా పడుతుంది.

భారతీయ రహదారులను సురక్షితంగా తీర్చిదిద్దే క్రమంలో రోడ్డు రవాణా, రహదారుల శాఖ ఇది అవసరమని భావిస్తున్నట్టు తెలిసింది. ఈ బిల్లు నేపథ్యంలో నకిలీ లైసెన్సుల గురించి గడ్కారీ వాస్తవాన్ని ప్రస్తావించారు.

టొయొటా యారిస్ - మార్కెట్ లో హోండా సిటి కారులకు పోటి

భారతదేశం పెద్ద దేశం, అధిక జనాభాతో ఉన్న వారిలో డ్రైవింగ్ లైసెన్సు లేకుండా డ్రైవ్ చేసే వారి సంఖ్య చాలా ఎక్కువగా ఉంది, మన దేశ పోలీసు బలగాలలో కూడా చాలా మందికి లేదు.

రోజు రోజుకు నిబంధనలను ఉల్లంఘించే వారి సంఖ్య కూడా చాలా ఎక్కువ, ఇది ఏ మాత్రం మంచి సంకేతం కాదు. ఈ కారణంగా భారతీయ రహదారులు ప్రపంచంలోనే అత్యంత ప్రమాదకరంగా మారాయని, ఈ విషయంలో మంత్రిత్వ శాఖ చాలా కఠినంగా ఉండబోతోందని తెలుస్తోంది.

ఈ చట్టం ఆమోదం పొందేందుకు కొన్నేళ్లుగా ప్రయత్నిస్తున్నామని నితిన్ గడ్కారీ తెలిపారు. సవరణ బిల్లుకు మంత్రివర్గం ఆమోదం తెలిపిందని, అయితే దీనికి ఇప్పుడు పార్లమెంటు దిగువ, ఎగువ సభల నుంచి ఆమోదం అవసరమని తెలిపారు.

కొత్త రూల్స్ ఆమోదించిన తరువాత, ప్రతి నేరానికి కూడా కచ్చితమైన శిక్ష పడుతుంది మరియు ఇది వాహనదారులను సురక్షితంగా డ్రైవింగ్ చేసే విధంగా చేస్తుంది. అయితే, స్థానిక పోలీసులు నిబంధనలను ఎంత కచ్చితంగా అమలు చేస్తారో అనేది ఆధారపడి ఉంటుంది.