నిస్సాన్ పండుగ ఆఫర్లు.. ఈ మూడు కార్లపై భారీ డిస్కౌంట్లు

నిస్సాన్ మైక్రా

నిస్సాన్ మైక్రా కంపెనీ యొక్క స్టైలిష్ హ్యాచ్‌బ్యాక్, విపణిలో ఉన్న మారుతి సుజుకి స్విఫ్ట్ మరియు ఫోర్డ్ ఫిగో మరియు పలు ఇతర హ్యాచ్‍‌‌బ్యాక్ కార్లకు గట్టి పోటీనిస్తోంది. ఈ పండుగ ఆఫర్లలో భాగంగా నిస్సాన్ మైక్రా మీద గరిష్టంగా రూ. 51,000 వరకు ప్రయోజనాలను పొందవచ్చు.

వివరంగా చూస్తే, క్యాష్ డిస్కౌంట్ రూపంలో రూ. 25,000, ఎక్స్‌ఛేంజ్ బోనస్ క్రింద రూ. 20,000 మరియు కార్పోరేట్ బోనస్ క్రింద రూ. 6,000 కలుపుకొని మొత్తం రూ. 51 వేల వరకు ప్రయోజనాలున్నాయి. నిస్సాన్ మైక్రా ఆక్టివ్ కారు మీద రూ. 41 వేల వరకు ప్రయోజనాలున్నాయి.

అత్యంత సరసమైన ధరలో విశాలమైన రియర్ స్పేస్‌తో లభిస్తున్న అతి పెద్ద సెడాన్ కారు నిస్సాన్ సన్నీ. దీని ధర రూ. 6.99 లక్షలు ఎక్స్-షోరూమ్(ఢిల్లీ)గా ఉంది. పండుగ ఆఫర్ల విషయానికి వస్తే నిస్సాన్ సన్నీ సెడాన్ మీద రూ. 94,000 విలువైన ప్రయోజనాలు ఉన్నాయి.

డిస్కౌంట్ స్కీమ్‌లో క్యా,ష్ డిస్కౌంట్ రూపంలో రూ. 50,000 లు, ఎక్స్‌ఛేంజ్ బోనస్ రూపంలో రూ. 30,000 మరియు కార్పోరేట్ బోనస్ క్రింద మరో రూ. 14,000 కలుపుకొని మొత్తం94 వేల రూపాయల వరకు ప్రయోజనాలను పొందవచ్చు. ఈ పండుగ సీజన్‌లో బెస్ట్ ప్రైజ్‌లో బెస్ట్ సెడాన్ ఎంచుకోవాలనుకునే వారికి నిస్సాన్ సన్నీ బెస్ట్ ఛాయిస్ అని చెప్పవచ్చు.

నిస్సాన్ ఇండియా తాజాగా తీసుకొచ్చిన మోడల్ నిస్సాన్ కిక్స్. ఈ ఏడాది మధ్య భాగంలో విపణిలోకి వచ్చిన నిస్సాన్ కిక్స్ కంపెనీకి భారీ సేల్స్ సాధించిపెడుతుందని భావించారు. కానీ ఇటీవల కొత్తగా విడుదలైన కియా సెల్టోస్ దెబ్బకు పెద్దగా ఆకట్టుకోలేకపోయింది.

విపణిలో ఉన్న హ్యుందాయ్ క్రెటా, కియా సెల్టోస్ మరియు రెనో డస్టర్ నుండి విపరీతమైన పోటీని ఎదుర్కుంటోంది. నిస్సాన్ కిక్స్ మీద లభించే పండుగ ఆఫర్ల విషయానికి వస్తే ఎలాంటి క్యాష్ బెనిఫిట్స్ లేవు. అయితే ఐదేళ్ల పాటు ఉచిత వారంటీ మరియు ప్రత్యేకమైన రోడ్ సైడ్ అసిస్టెన్స్ ప్యాకేజీలను పూర్తి ఉచితంగా అందిస్తోంది.

పండుగ ఆఫర్లకు సంబంధించి మరిన్ని వివరాలకు మీకు సమీపంలో నిస్సాన్ అధీకృత డీలర్‌ను సంప్రదించండి