మారుతి సుజుకి మరియు టాటా మోటార్స్‌కు భారీ షాకిచ్చిన వోక్స్‌వ్యాగన్

ప్రస్తుతం ఉన్న సమాచారం మేరకు, అతి త్వరలో దేశీయ మార్కెట్లోకి పరిచయం కానున్న వోక్స్‌వ్యాగన్ టి-క్రాస్ ఎస్‌యూవీలో ఎన్నో రకాల క్రోమ్ ఎలిమెంట్లు, అప్‌గ్రేడెడ్ సస్పెన్ సిస్టమ్ మరియు పొడవాటి వీల్ బేస్ (100ఎమ్ఎమ్ వరకు అధికం). పొడవాటి వీల్-బేస్ 5 మంది సౌకర్యంవతంగా ప్రయాణించడానికి విశాలమైన క్యాబిన్ స్పేస్ కల్పిస్తుంది.

ఇండియన్ మార్కెట్లో విడుదలకు సిద్దంగా ఉన్న టి-క్రాస్ కాంపాక్ట్ ఎస్‌యూవీని వోక్స్‌వ్యాగన్ MQB A0 ఫ్లాట్‌ఫామ్ మీద నిర్మించారు. టి-క్రాస్ లభించే అన్ని వేరియంట్లలో కేవలం టుర్భో-ఛార్జ్‌డ్ పెట్రోల్ ఇంజన్‌లను మాత్రమే అందివ్వనున్నట్లు సమాచారం. వీటిని 6-స్పీడ్ మ్యాన్యువల్ లేదా 7-స్పీడ్ డ్యూయల్-క్లచ్ ఆటోమేటిక్‌ గేర్‌బాక్స్‌తో ఎంచుకోవచ్చు.

ఇంజన్ ఆప్షన్ల విషయానికి వస్తే.. 1.0-లీటర్ మూడు సిలిండర్ల పెట్రోల్ ఇంజన్ 115బిహెచ్‌పి పవర్ మరియు 200ఎన్ఎమ్ టార్క్ అదే విధంగా 1.5-లీటర్ నాలుగు సిలిండర్ల టుర్బో పెట్రోల్ ఇంజన్ 128బిహెచ్‌పి పవర్ మరియు 200ఎన్ఎమ్ టార్క్ ఉత్పత్తి చేస్తుంది. టి-క్రాస్ ఎస్‌యూవీని సీఎన్జీ ఇంజన్ వేరియంట్లో కూడా లాంచ్ చేస్తారనే వార్తలున్నాయి. కానీ అధికారికంగా ఎలాంటి సమాచారం లేదు.

వోక్స్‌వ్యాగన్ తమ టి-క్రాస్ ఎస్‌యూవీని తొలుత 2020 ఇండియన్ ఆటో ఎక్స్‌పోలో ఆవిష్కరించి, 2020-21 మధ్య కాలంలో విక్రయాలకు సిద్దంగా పూర్తి స్థాయిలో విడుదల చేసే అవకాశం ఉంది. వీలైనంత మేర తక్కువ ధరలో అందించే ఉద్దేశంతో దేశీయంగా తయారైన విడి భాగాలను విరివిగా ఉపయోగించుకోనున్నారు. దీంతో టి-క్రాస్ ఎస్‌యూవీని రూ. 11 నుండి 15 లక్షల మధ్య ధరల శ్రేణిలో రిలీజ్ చేసే అవకాశం ఉంది.

డ్రైవ్‌స్పార్క్ తెలుగు అభిప్రాయం!

దేశీయ ప్యాసింజర్ కార్ల పరిశ్రమలో కాంపాక్ట్ ఎస్‌యూవీ సెగ్మెంట్ అద్భుతమైన ఫలితాలు సాధిస్తోంది. ఈ సెగ్మెంట్లో మెరుగైన అవకాశాలున్న నేపథ్యంలో వోక్స్‌వ్యాగన్ టి-క్రాస్ ఎస్‌యూవీని ప్లాన్ చేసింది. పూర్తి స్థాయిలో విడుదలైతే కంపెనీ యొక్క తొలి అత్యంత సరసమైన బడ్జెట్ ఫ్రెండ్లీ ఎస్‌యూవీగా నిలుస్తుంది.