సరికొత్త మైలురాయిని చేరుకున్న బెంట్లీ ఫ్లయింగ్ స్పర్ - వివరాలు

ఒరిజినల్‌గా కాంటినెంటల్ ఫ్లయింగ్ స్పర్ అని పిలువబడే ఈ కారును కాంటినెంటల్ జిటి నుండి వేరు చేయడం కోసం ఫ్లయింగ్ స్పర్‌గా మార్చారు. కంపెనీ పేర్కొన్న సమాచారం ప్రకారం, బెంట్లీ ఫ్లయింగ్ స్పర్ ప్రపంచవ్యాప్తంగా అత్యంత విజయవంతమైన లగ్జరీ స్పోర్ట్ సెడాన్.

బెంట్లీ ఫ్లయింగ్ స్పర్‌లో ఇప్పటి వరకూ మూడు తరాలు మార్కెట్లోకి వచ్చాయి. ప్రస్తుతం మార్కెట్లో లభిస్తున్నది మూడవ తరం మోడల్. తరతరాలుగా ఈ మోడల్ పనితీరు మరియు లగ్జరీ రెండింటిలోనూ మెరుగుపరుస్తూ వచ్చారు. తయారు చేయబడిన 40,000 కార్లలో ప్రతి ఒక్క కారుపై సిబ్బంది సుమారు 100 గంటలకు పైగా అంకిత భావంతో పనిచేశారు. ఈ ప్లాంట్‌లో 250 మంది బృందం ప్రతి ఫ్లయింగ్ స్పర్‌ను చేతుల్తో అసెంబుల్ చేస్తారు.

అసెంబుల్ అయిన తర్వాత, కారు వివరాలను ప్రత్యేక శ్రద్ధతో పరిశీలించి వందలాది నాణ్యతా తనిఖీలకు గురిచేస్తారు. బెంట్లీ కార్యకలాపాలు నిర్వహిస్తున్న 68 వేర్వేరు దేశాల్లో ఈ కారును దాని యజమానికి ప్రత్యేకంగా రవాణా చేస్తారు. బెంట్లీ గడచిన 15 ఏళ్లుగా ఫ్లయింగ్ స్పర్ కారును తయారు చేస్తోంది.

చైనా, అమెరికా ప్రాంతాల్లో సుమారు 50 శాతం వినియోగదారులకు ఈ కారును అమ్మినట్లు కంపెనీ తెలిపింది. ఈ రెండు ప్రాంతాలు ప్రపంచవ్యాప్తంగా బెంట్లీ బ్రాండ్‌కు అతిపెద్ద మార్కెట్లలో ఒకటిగా ఉన్నాయి. ఫ్లయింగ్ స్పర్ మొత్తం అమ్మకాల్సో యూకే కేవలం 10 శాతం అమ్మకాలను మాత్రమే నమోదు చేస్తోంది.

మిగిలిన 40 శాతం కార్లను యూరప్, మిడిల్ ఈస్ట్ మరియు ఆసియా పసిఫిక్ దేశాల్లోని కస్టమర్లు కొనుగోలు చేస్తున్నారు. బెంట్లీ ఫ్లయింగ్ స్పర్ యొక్క విశిష్ట చరిత్ర 1952 నాటిది. 13 సంవత్సరాల తరువాత 1952 మరియు 1965 మధ్య కాలంలో తయారు చేసిన అనేక ఉత్పత్తులో ఫ్లయింగ్ స్పర్ పేరు సంస్థ యొక్క పోర్ట్‌ఫోలియోలో ఓ భాగంగా ఉండేది కాదు.

బెంట్లీ కాంటినెంటల్ ఫ్లయింగ్ స్పర్ పేరును తొలిసారిగా 2005లో ఉపయోగించారు. ఇందులో మొదటి మోడల్ కాంటినెంటల్ జిటి కూపే యొక్క 4-డోర్ వెర్షన్. అప్పట్లో ఈ మోడల్ డబ్ల్యూ12 ఇంజన్ మరియు ఆల్-వీల్ డ్రైవ్‌తో లభించేది మరియు ఇది గరిష్టంగా గంటకు 312 కి.మీ వేగంతో పరుగులు తీసేది.

కాగా, 2013లో బెంట్లీ రెండవ తరం ఫ్లయింగ్ స్పర్‌ను ప్రత్యేకమైన మోడల్ లైన్‌గా ప్రారంభించింది. కాంటినెంటల్ మోనికర్‌ను రెండవ తరం మోడల్ నుండి తొలగించబడింది. సెకండ్-జెన్ మోడల్‌లో 4.0-లీటర్ ట్విన్-టర్బో వి8 ఇంజన్‌ను ఉపయోగించారు. ఆరు సంవత్సరాల తర్వాత మళ్లీ ఇందులో ఓ కొత్త అప్‌డేటెడ్ వెర్షన్‌ను ప్రవేశపెట్టారు.

ప్రస్తుతం మార్కెట్లో లభిస్తున్న మూడవ తరం బెంట్లీ ఫ్లయింగ్ స్పర్‌ను గత ఏడాది ప్రారంభించాలని కంపెనీ నిర్ణయించింది. ఇందులో తేలికపాటి-హైబ్రిడ్ ఇంజన్‌తో సహా కొత్త సాంకేతిక పరిజ్ఞానాలను పరిచయం చేశారు. ఇది ఆల్-వీల్ డ్రైవ్ మరియు స్టీరింగ్‌ను కలిగి ఉన్న బ్రాండ్ యొక్క మొట్టమొదటి మోడల్.

బెంట్లీ ఫ్లయింగ్ స్పర్ ప్రొడక్షన్ మైల్‌స్టోన్‌పై డ్రైవ్‌స్పార్క్ అభిప్రాయం.

బెంట్లీ ఫ్లయింగ్ స్పర్ ఫోర్-డోర్ వెర్షన్ సెడాన్, ఇది లగ్జరీ, కంఫర్ట్‌తో పాటుగా గరిష్టమైన పనితీరును కూడా అందిస్తుంది. భారత మార్కెట్లో బెంట్లీ ఫ్లయింగ్ స్పర్ ప్రారంభ ధర రూ.4.06 కోట్లు, ఎక్స్-షోరూమ్ (ఇండియా)గా ఉంది.