ఇకపై బస్సులు & ట్రక్కులు కూడా బిఎస్-6 వెర్షన్లోనే అంటున్న భారత్ బెంజ్

భారతదేశంలో అతిపెద్ద సివి తయాయారుదారులలో ఒకరైన భారత్ బెంజ్ వీరి వాహనాలను బిఎస్ 6 ఉద్గార నిబంధనలకు అనుగుణంగా తయారు చేయాలని నిర్ణయం తీసుకుంది. రాబోయే కాలంలో వాణిజ్య వాహనాలు కూడా బిఎస్-6 వెర్షన్లో రానున్నాయి.

భారత్‌బెంజ్ తన కొత్త శ్రేణి ట్రక్కులు మరియు బస్సులను ఇండియన్ మార్కెట్ కోసం ఆవిష్కరించింది. బిఎస్-VI భారత్‌బెంజ్ ట్రక్కులు మరియు బస్సులు చాలా తక్కువ మార్పులతో వస్తాయి. డిజైన్ మరియు స్టైలింగ్ విభాగంలో మాత్రం కొన్ని మార్పులు చేయబడ్డాయి.

ఈ వాణిజ్య వాహనాలలో కొత్త గ్రిల్, సాలిడ్ బంపర్స్ మరియు కొద్దిగా పునఃరూపకల్పన చేసిన హెడ్‌ల్యాంప్స్ ఉంటాయి. పవర్‌ట్రెయిన్ మరియు ఇంటీరియర్ విభాగాలలో కొంత పెద్ద మార్పులు చేయబడ్డాయి. ట్రక్కులు మరియు బస్సులలో ఉపయోగించే ఇంజిన్ మరియు గేర్‌బాక్స్‌ల ఇంజిన్లు సామర్థ్యంలో ఒకే విధంగా ఉంటాయి.

ఇంజిన్ మరియు గేర్‌బాక్స్ కాన్ఫిగరేషన్‌లు వేర్వేరు ట్రక్ మరియు బస్ మోడళ్లను బట్టి మారుతూ ఉంటాయి. ట్రక్కులు మరియు బస్సులు ఇప్పుడు బెస్ట్-ఇన్-క్లాస్ కనెక్టివిటీ టెక్నాలజీతో రావడంతో క్యాబిన్ లోపల పెద్ద మెరుగుదల కనిపిస్తుంది. టెలిమాటిక్స్ మరియు కనెక్టివిటీ సొల్యూషన్ లో ప్రాఫిట్‌టెక్నాలజీ, ప్రోసర్వ్, బస్‌కనెక్ట్ మరియు ట్రక్ కనెక్ట్ వంటివి ఉన్నాయి.

భారత్ బెంజ్ తమ ట్రక్కుల యొక్క సామర్త్యాన్ని మరియు విశ్వసనీయతను మెరుగుపరచడానికి కొత్త టెక్నాలజీపై ఆధారపడుతుంది. యజమానుల యొక్క టర్నోవర్ గరిష్టీకరణకు ప్రాఫిట్ టెక్నాలజీ సహాయపడుతుంది. ఇందులో కస్టమర్ సర్వీస్ ప్లాట్‌ఫామ్ ‘ప్రోసర్వ్' రూపంలో అతిపెద్ద సాంకేతిక నవీకరణ కలిగి ఉంటుంది.

ట్రూకనెక్ట్ మరియు బస్‌కనెక్ట్ ఫీచర్స్ ప్రోసర్వ్ ప్లాట్‌ఫామ్ పరిధిలోకి వస్తాయి. ఇది వినియోగదారులు తమ వాహనాలను ట్రాక్ చేయడానికి మరియు విశ్లేషించడానికి అనుమతిస్తుంది. అంతేకాకుండా విడి భాగాలను ఆర్డర్ చేసుకోవడానికి, పొడిగించిన వారంటీ మరియు రోడ్‌సైడ్ సహాయాన్ని నిర్వహించడానికి అనుమతిస్తుంది.

ఇందులో ఉన్న సాంకేతిక పరిజ్ఞానం వల్ల అదనంగా వాణిజ్య వాహనాలను నిర్వహించడానికి మరియు ఖర్చు సామర్థ్యాన్ని పెంచడానికి సహాయపడుతుందని భావిస్తున్నారు. పూర్తిగా కొత్త వాహనాలను రూపొందించడానికి భారత్ బెంజ్ కంపెనీ కృషి చేస్తుంది.