ఇండియన్ ఆర్మీ ఎలాంటి కార్లు ఉపయోగిస్తుందో మీకు తెలుసా?

టాటా సఫారి స్టోర్మ్ :

టాటా సఫారీ ఎటువంటి రహదారులలో అయినా ప్రయాణించడానికి అనుకూలంగా ఉంటుంది. ఇది సైన్యం యొక్క అవసరణూ తీర్చడానికి ఎక్కువగా ఉపయోగపడుతుంది. భారత సైనిక స్థావరాల వద్ద మోహరించిన టాటా సఫారి చాలా ప్రత్యేకమైన ఫీచర్స్ కలిగి ఉంటుంది.

భారత సైన్యం ఉపయోగించే టాటా సఫారీ మాట్టే గ్రీన్ ఆర్మీ కలర్‌లో ఉంటుంది. ఇది 2.2 లీటర్ 4 సిలిండర్ టర్బోచార్జ్‌ ఇంజిన్ కలిగి ఉంటుంది. ఇది 154 బిహెచ్‌పి మరియు 400 ఎన్‌ఎమ్ టార్క్ ఉత్పత్తి చేస్తుంది.

మారుతి జిప్సీ :

భారత సైన్యం ఎక్కువగా ఉపయోగించే వాహనాలలో మారుతి జిప్సీ చెప్పుకోదగ్గ వాహనం. ఇది కఠినమైన రోడ్లలో కూడా ప్రయాణయించడానికి అనుకూలంగా తయారుచేయబడి ఉంటుంది.

ఇది 1.3-లీటర్ సింగిల్ సిలిండర్ పెట్రోల్ ఇంజిన్‌తో వస్తుంది, ఇది 4500 ఆర్పిఎమ్ వద్ద 103ఎన్‌ఎమ్ టార్క్ మరియు 6000 ఆర్పిఎమ్ వద్ద 80 బిహెచ్‌పి శక్తిని ఉత్పత్తి చేస్తుంది. మారుతి జిప్సి 1985 లో ప్రారంభించారు. ప్రారంభించినప్పటినుంచి ఇప్పటివరకు చాలా మార్పులు జరిగాయి.

టాటా సుమో :

టాటా రూపొందించిన ఈ సగటు యంత్రం భారత సైన్యంలోని జిప్సీ వలె చాలా బాగా ఉపయోగపడుతుంది. టాటా సుమో 4 ఎక్స్ 4 ప్రధానంగా వ్యక్తిగత రవాణాగా లేదా భారత సైన్యంలో అంబులెన్స్ అవసరాలకు ఉపయోగించబడుతుంది.

దీనికి ప్రధాన కారణం 7 నుండి 9 మంది ప్రయాణికులు కూర్చునే కారు చాలా విశాలమైనది. అంతే కాకుండా ఇది ఇది సౌకర్యవంతంగా ఎక్కువ మార్గాల్లో ప్రయాణించగలదు. ఇది 3.0 లీటర్ సిఆర్ 4 ఇంజిన్‌తో వస్తుంది. ఇది 3000 ఆర్‌పిఎమ్ వద్ద 83.1 బిహెచ్‌పి శక్తిని మరియు 600-2000 ఆర్‌పిఎమ్‌ వద్ద 250 ఎన్‌ఎమ్ టార్క్ ఉత్పత్తి చేస్తుంది.

హిందూస్తాన్ అంబాసిడర్ :

ప్రభుత్వానికి మరియు సైన్యానికి సేవలు అందించే శక్తివంతమైన ప్రభావవంతమైన కారుగా హిందూస్తాన్ అంబాసిడర్ ప్రసిద్ధి చెందింది. ఇది పెట్రోల్ మరియు డీజిల్ వేరియంట్లో వస్తుంది. డీజిల్ వేరియంట్లో దాని అతిపెద్ద ఇంజిన్ 2.0-లీటర్ ఇంజిన్‌ 4200 ఆర్‌పిఎమ్ వద్ద 52 పిఎస్ పవర్ మరియు 2200 ఆర్‌పిఎమ్ 106 ఎన్‌ఎమ్ టార్క్ ఉత్పత్తి చేస్తుంది. ఇందులో 5 మంది ప్రయాణికులు కూర్చోవడానికి అనుకూలంగా ఉంటుంది.

మహీంద్రా స్కార్పియో :

ఆధునిక మరియు కఠినమైన స్కార్పియో చాలా ఆకర్షణీయంగా ఉంటుంది. మహీంద్రా స్కార్పియో భారతదేశంలోని చాలా ప్రసిద్ధి చెందిన ఎస్యువి. ఇది ఎబిఎస్ ఇబిడి మరియు యాంటీ-తెఫ్ట్ అలారం సిస్టమ్‌తో వస్తుంది.

మహీంద్రా స్కార్పియో 2179 సిసి ఎంహాక్ 4 సిలిండర్ డీజిల్ ఇంజిన్‌ను కలిగి ఉంది. ఇది 4000 ఆర్‌పిఎం 120 బిహెచ్‌పి మరియు 1800-2000 ఆర్‌పిఎంల 280 ఎన్‌ఎమ్ టార్క్ ఉత్పత్తి చేస్తుంది.

టయోటా ఫార్చ్యూనర్ :

ఎలాంటి రహదారులనయినా అధిగమించడానికి ఫార్చ్యూనర్ చాలా ఉపయోగపడుతుంది. ఇది చాలా కఠినమైన రూపాన్ని కలిగి ఉంటుంది. ఐటిబిపి కోసం కారు యొక్క అనుకూలీకరించిన సంస్కరణ ప్రధానంగా పెట్రోలింగ్ కోసం ఉపయోగించబడుతుంది. రేడియో సమాచార మార్పిడితో కూడి ఉంటుంది.

అంతే కాకుండా ఇది సైన్యం కోసం భారీ ఆయుధాలను మోయగల సామర్థ్యాన్ని కలిగి ఉంటుంది. పెట్రోలింగ్ దళాలు కాకుండా ఇతర అధికారులు ఉపయోగించకుండా నిషేధించారు. ఇది 2755 సిసి డీజిల్ ఇంజిన్ కలిగి ఉంటుంది. ఈ ఇంజిన్ 174.5 బిహెచ్‌పి మరియు 420 ఎన్‌ఎమ్ టార్క్ ఉత్పత్తి చేస్తుంది.

మిత్సుబిషి పజెరో :

జపనీయులు దీనిని ఆరోగ్య సంరక్షణ కోసం మాత్రమే కాకుండా పెట్రోలింగ్ కారుగా కూడా ఉపయోగిస్తారు. దీనిని ఎక్కువగా నార్త్ ఈస్ట్‌లో పోస్ట్ చేసిన ఐటిబిపి సిబ్బంది ఉపయోగిస్తున్నారు.

ఇండో చైనా సరిహద్దు వద్ద ఎక్కువగా ఉపయోగిస్తాయి. ఈ ఎస్‌యూవీలో 2.8-లీటర్ టర్బో డీజిల్ ఇంజన్ ఉంది, ఇది 120 బిహెచ్‌పి మరియు 280 ఎన్‌ఎమ్ టార్క్‌ ఉత్పత్తి చేస్తుంది.

పొలారిస్ స్నోమొబైల్ :

ఇది మన ఇండియన్ ఆర్మీ వాడే కొత్త రకమైన వాహనం. ఇది అన్ని భూభాగాలలో ప్రయాణిస్తుంది. ముఖ్యంగా మంచుతో నిండిన వాటిపై ప్రయాణించడానికి ప్రత్యేకంగా నిర్మించబడిన వాహనం.

కఠినమైన మరియు ఎత్తైన భూభాగాల్లో ఉన్న ప్రాంతాలలో ప్రయాణించడానికి దీనిని భారత సైన్యం రవాణా చేయనున్నట్లు కంపెనీ తయారుచేయబడింది. ఈ వాహనాన్ని సైనికులు ఎక్కువగా అలవాటు చేసుకోవలసి ఉంటుంది. ఎందుకంటే ఇది అన్నివాహనాలకంటే కూడా కొంత భిన్నంగా ఉంటుంది కాబ్బట్టి.