Click it and Unblock the Notifications
ఫ్యూయెల్ పంప్ సమస్య - 1.35 లక్షల మారుతి సుజుకి కార్లు రీకాల్
భారతదేశపు అతిపెద్ద కార్ల తయారీ సంస్థ మారుతి సుజుకి ఇండియా, అరెనా మరియు నెక్సా డీలర్షిప్ల ద్వారా మార్కెట్లో విక్రయించిన వ్యాగన్ఆర్ 1.0 మరియు బాలెనో మోడళ్లలో తలెత్తే ఫ్యూయెల్ పంప్ సమస్య కారణంగా కంపెనీ వీటిని వెనక్కి పిలిపిస్తోంది.
మొత్తం 1,34,885 యూనిట్లలో ఈ సమస్యను గుర్తించామని కంపెనీ పేర్కొంది. ఇందులో 56,663 వ్యాగన్ఆర్ కార్లు ఉన్నాయి. ఇవన్నీ నవంబర్ 15, 2018 మరియు అక్టోబర్ 15, 2019 మధ్య కాలంలో తయారైనవిగా కంపెనీ పేర్కొంది.
ఇకపోతే, మిగిలిన 78,222 యూనిట్లు బాలెనో హ్యాచ్బ్యాక్లు. ఇవన్నీ జనవరి 8, 2019 నుండి నవంబర్ 4, 2019 మధ్య కాలంలో తయారు చేసినట్లు కంపెనీ తెలిపింది. ఈ రెండు మోడళ్లలోనూ ఇంధన పంపులో లోపం తలెత్తే సమస్య ఉన్నందను కంపెనీ ఈ రీకాల్ జారీ చేసినట్లు వివరించింది.
రీకాల్ చేసిన వాహనాలకు సంబంధించిన యజమానులను రాబోయే కొద్ది నెలల్లో కంపెనీ డీలర్షిప్లు సంప్రదిస్తాయని, మరియు లోపభూయిష్టమైన భాగాలను యజమానులకు ఎటువంటి ఖర్చు లేకుండా ఉచితంగా రీప్లేస్ చేస్తామని కంపెనీ తెలిపింది.
లేదంటే, వ్యాగన్ఆర్ మరియు బాలెనో వాహనాల యజమానులు తమ వాహనాలు రీకాల్ జాబితాలో ఉన్నాయో లేదో కూడా సింపుల్గా చెక్ చేసుకోవచ్చు. పైన పేర్కొన్న కాలంతో తయారైన కార్లను కలిగి ఉన్న యజమానులు బ్రాండ్ల అధికారిక వెబ్సైట్ను (వరుసగా అరేనా మరియు నెక్సా) సందర్శించి, 'Imp Customer Info' విభాగాన్ని సందర్శించాలి.
తమ కార్లు రీకాల్కు గురయ్యాయో లేదో తెలుసుకోవటానికి వాహన యజమానులు వాహనం యొక్క ఛాసిస్స్ నెంబర్ (వ్యాగన్ఆర్ కోసం MA3 సిరీస్, మరియు బాలెనో కోసం MBH సిరీస్, తరువాత 14 అంకెల ఆల్ఫా-న్యూమరిక్ కోడ్)ను వెబ్సైట్లో పొందుపరచాల్సి ఉంటుంది.
వాహనం ఐడెంటిఫికేషన్ ప్లేట్పై కారు ఛాస్సిస్ సంఖ్య ముద్రించబడి ఉంటుంది లేదంటే ఇది వాహనం యొక్క రిజిస్ట్రేషన్ పత్రాలలో కూడా ఉంటుంది. ఒకవేళ ఈ రీకాల్ జాబితాలో సదరు యజమాని వాహనం లిస్ట్ చేయబడి ఉంటే, యజమానులు వెబ్సైట్లో చూపించిన విధంగా సూచనలను పాటించాల్సి ఉంటుంది.
జనవరి 1, 2019 మరియు నవంబర్ 21, 2019 మధ్య తయారైన సియాజ్, ఎర్టిగా మరియు ఎక్స్ఎల్ 6 యొక్క పెట్రోల్ స్మార్ట్ హైబ్రిడ్ వేరియంట్ల కోసం మారుతి సుజుకి గత సంవత్సరం రీకాల్ జారీ చేసిన సంగతి తెలిసినదే.
ఆయా వాహనాల్లో మోటార్ జనరేటర్ యూనిట్లో తలెత్తే సమస్యల కారంణంగా కంపెనీ అప్పట్లో ఈ రీకాల్ను జారీ చేసింది. ఆ సమయంలో మొత్తం 63,493 వాహనాలను రీకాల్ చేశారు.
మారుతి సుజుకి వ్యాగన్ఆర్, బాలెనో కార్ల రీకాల్పై డ్రైవ్స్పార్క్ అభిప్రాయం.
మారుతి సుజుకి పాత వాహనాల్లో తయారీ లోపాలను గుర్తించడం, వాటిని త్వరితగతిన పరిష్కరించడంలో కంపెనీ చూపుతున్న శ్రద్ధకి మేము ఫిదా అయ్యాము. మారుతి వాహనాల యజమానుల పట్ల ఆ బ్రాండ్ కస్టమర్ కాన్షియస్గా ఉంటోందనటానికి ఇదే నిదర్శనం. వాహనాల యజమానలు తమ కారును సమీపంలోని డీలర్షిప్కు తీసుకువెళ్తే, వారు ఉచితంగా ఈ సమస్యను తనిఖీ చేసి, అవసరమైతే ఉచితంగా ఫ్యూయెల్ పంప్ను రీప్లేస్ చేస్తారు.
Continue with Google