Just In
- 3 hrs ago వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- 4 hrs ago వెనుక నుంచి ఢీ కొట్టిన ట్రక్.. ప్రమాదానికి గురైన Hyundai Exter - వీడియో
- 5 hrs ago 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- 6 hrs ago 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
Don't Miss
- News సీఎం ఏటీఎం కార్డు అయ్యాడు, అందుకే టూర్లు వేస్తున్నారు, ఎంతకావాలంటే అంత డబ్బులు !
- Sports RCB: నా గుండె బద్దలైంది- డివిలియర్స్
- Movies 30 రూపాయలకే మూవీ టికెట్.. ముఖం చాటేసిన ఆడియెన్స్.. భారీ నష్టాల్లో సూపర్ స్టార్స్ మూవీ!
- Technology యూట్యూబ్కు పోటీగా TV యాప్.. ఫీచర్లు, అల్గారిథమ్ పైన X సీఈవో ఏమన్నారంటే.. ?
- Lifestyle టాక్సిక్ రిలేషన్షిప్లో ఉన్నారనడానికి ఇవే సంకేతాలు.. ?
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఎక్స్యూవీ500 ప్లాట్ఫామ్పై వస్తున్న కొత్త ఫోర్డ్ ఎస్యూవీ - స్పై చిత్రాలు
అమెరికన్ కార్ బ్రాండ్ ఫోర్డ్ మరియు భారత యుటిలిటీ వాహన దిగ్గజం మహీంద్రా గడచిన సంవత్సరం ఓ భాగస్వామ్యాన్ని కుదుర్చుకున్న సంగతి తెలిసినదే. ఈ రెండు బ్రాండ్ల మధ్య కుదిరిన ఒప్పందం ప్రకారం, ఫోర్డ్ ఇండియా భవిష్యత్తులో భారత మార్కెట్ కోసం తీసుకురానున్న మోడళ్లన్నీ తమ అండర్పిన్నింగ్స్ను (ప్లాట్ఫామ్)ను మహీంద్రా మోడళ్లతో పంచుకుంటాయి.
సింపుల్గా చెప్పాలంటే టొయోటా, మారుతి సుజుకి కంపెనీల మధ్య కుదిరిన ఒప్పందం నుండి వచ్చిన బాలెనో - గ్లాంజా, విటారా బ్రెజ్జా - అర్బన్ క్రూయిజర్ మోడళ్ల మాదిరిగానే మహీంద్రా-ఫోర్డ్ కంపెనీలు కూడా ఒకే వాహనాన్ని కొద్దిపాటి మార్పుల చేర్పులు చేసి రెండు బ్యాడ్జింగ్లతో విక్రయించే అవకాశం ఉంది.
మహీంద్రా-ఫోర్డ్ కంపెనీల నుండి భారత మార్కెట్ కోసం అనేక మోడళ్లను ప్లాన్ చేసినప్పటికీ, అన్నింటి కన్నా ముందుగా మహీంద్రా ప్లాట్ఫామ్ను పంచుకోనున్న మొదటి ఫోర్డ్ ఉత్పత్తి సరికొత్త సి-ఎస్యూవీ (మిడ్-సైజ్ ఎస్యూవీ) అవుతుంది. ఈ కొత్త ఫోర్డ్ ఎస్యూవీ మహీంద్రా నుండి రాబోయే కొత్త తరం 2021 ఎక్స్యూవీ500 మోడల్ను ఆధారంగా చేసుకొని తయారు చేయనున్నారు.
వచ్చే ఏడాది మధ్య భాగం నాటికి మహీంద్రా ఎక్స్యూవీ500 ఆధారిత ఫోర్డ్ ఎస్యూవీ భారత మార్కెట్లో విడుదల కావచ్చని తెలుస్తోంది. ఇరు కంపెనీలు ఇప్పటికే ఈ మోడల్ తయారీకి సన్నాహాలు కూడా చేస్తున్నాయి. ఈ నేపథ్యంలో, కొత్త ఫోర్డ్ ఎస్యూవీకి చెందినదిగా పేర్కొంటూ దిపెట్రోల్బగ్ ఇన్స్టాగ్రామ్ అకౌంట్ ఓ కొత్త ఫోటోను లీక్ చేసింది.
MOST READ: హ్యుందాయ్ కార్లపై ఇయర్ ఎండ్ ఆఫర్స్; రూ.1 లక్ష వరకూ తగ్గింపు!
ఆన్లైన్లో లీక్ అయిన ఈ ఫొటోలో కొత్త ఫోర్డ్ ఎస్యూవీకి సంబంధించిన ఫ్రంట్ గ్రిల్ వివరాలను మాత్రమే వెల్లడి చేస్తుంది. ఈ ఫోర్డ్ ఎస్యూవీలో పెద్ద ఫ్రంట్ గ్రిల్, దాని మధ్యలో ఫోర్డ్ లోగో ఉంటుంది. ఫోర్డ్ నుండి రాబోయే ఈ కొత్త ఎస్యూవీలో స్ప్లిట్-లైటింగ్తో పాటు ఫ్రంట్ బంపర్పై సెంట్రల్ ఎయిర్ ఇన్టేక్స్ ఉన్నట్లు కూడా ఈ చిత్రం నుండి తెలుస్తోంది.
ఫోర్డ్ ఇండియా తమ భవిష్యత్తు మోడళ్ల తయారీ కోసం మహీంద్రా సాయం తీసుకున్నప్పటికీ, ఈ అమెరికన్ బ్రాండ్ తమ ఉత్పత్తులలో కొన్ని సిగ్నేచర్ ఫీచర్లను, ఫోర్డ్ స్టైల్ ఫీచర్లను ఆఫర్ చేసే అవకాశం ఉంది. ఈ కొత్త ఫోర్డ్ ఎస్యూవీ కూడా బ్రాండ్ యొక్క గ్లోబల్ ప్రొడక్ట్ లైనప్ నుండి దాని డిజైన్ స్టైలింగ్ను పంచుకోనుంది.
అంతేకాకుండా, ఈ కొత్త ఫోర్డ్ ఎస్యూవీకి మహీంద్రా యాజమాన్యంలోని ఐకానిక్ ఇటాలియన్ డిజైన్ స్టూడియో అయిన పినిన్ఫరీనా నుండి కూడా అదనపు స్టైలింగ్ అంశాలు లభిస్తాయి. అలాగే, ముందు చెప్పినట్లుగానే ఈ కొత్త ఫోర్డ్ కారులోని ప్లాట్ఫామ్ మరియు ఇతర విడిభాగాలను మహీంద్రా నుండి రాబోయే కొత్త తరం ఎక్స్యూవీ500తో పంచుకుంటుంది.
MOST READ: ఈ జీప్ వ్రాంగ్లర్ రూబికాన్ ధర కేవలం 50 డాలర్లు మాత్రమే!
కొత్త ఫోర్డ్ సి-ఎస్యూవీ పెట్రోల్ మరియు డీజిల్ ఇంజన్ ఆప్షన్స్తో లభ్యం కానుంది. ఇందులో 2.0-లీటర్ పెట్రోల్ మరియు 2.2-లీటర్ డీజిల్ ఇంజన్లను ఉపయోగించే అవకాశం ఉంది. ఇవి రెండూ సుమారు 180 బిహెచ్పిల శక్తిని ఉత్పత్తి చేస్తాయని అంచనా. అలాగే, ఈ రెండు ఇంజ్లు మాన్యువల్ మరియు ఆటోమేటిక్ గేర్బాక్స్ ఆప్షన్లతో లభించే అవకాశం ఉంది.
సరికొత్త ఫోర్డ్ ఎస్యూవీ స్పై చిత్రాలపై డ్రైవ్స్పార్క్ అభిప్రాయం.
ఫోర్డ్ ఇండియాకు భారత మార్కెట్లో మిడ్-సైజ్ ఎస్యూవీ విభాగంలో ఇప్పటి వరకూ ఎలాంటి ఉత్పత్తి లేదు. ఈ నేపథ్యంలో, మహీంద్రా ఎక్స్యూవీ500 ఆధారంగా వస్తున్న కొత్త ఫోర్డ్ మిడ్-సైజ్ ఎస్యూవీపై భారీ అంచనాలు నెలకొన్నాయి. మరోవైపు ఇదే భాగస్వామ్యం నుండి దేశీయ మార్కెట్ కోసం ఓ కాంపాక్ట్ సైజ్ ఎస్యూవీని కూడా ఫోర్డ్ ప్లాన్ చేస్తోంది, అయితే దీనికి మరికొంత సమయం పట్టే అవకాశం ఉంది.
MOST READ: భారతదేశ మసాలా కింగ్ ధరంపాల్ గులాటి కార్లు.. మీరు చూసారా !
కొత్త తరం 2021 మహీంద్రా ఎక్స్యూవీ500 మార్కెట్లో విడుదలైన కొంత కాలానికే కొత్త ఫోర్డ్ సి-ఎస్యూవీ కూడా విడుదలయ్యే అవకాశం ఉంది. ఈ మోడల్ మార్కెట్లో విడుదలైన తర్వాత, ఇది ఈ విభాగంలో టాటా హారియర్, జీప్ కంపాస్ మరియు ఎంజి హెక్టర్ మోడళ్లకు పోటీగా నిలిచే ఆస్కారం ఉంది. వచ్చే మొదటి త్రైమాసికంలో కొత్త ఎక్స్యూవీ500, ద్వితీయ త్రైమాసికం నాటికి కొత్త ఫోర్డ్ సి-ఎస్యూవీలు విడుదల కావచ్చని అంచనా.
Image Courtesy: thepetrobug/Instagram