అప్పుడే హ్యాక్ చేయబడిన HSRP అధికారిక వెబ్‌సైట్ ; తర్వాత ఏం జరిగిందంటే

హై సెక్యూరిటీ రిజిస్ట్రేషన్ ప్లేట్స్ వెబ్‌సైట్ మంగళవారం వరకు ఎటువంటి సమస్యలు లేకుండా నడుస్తోంది. అయితే బుధవారం నాటికి వెబ్‌సైట్ పనిచేయడం లేదని ప్రజలు ఫిర్యాదు చేశారు. కొంతకాలంగా, రోజ్‌మార్తా సేఫ్టీ సిస్టమ్స్ ప్రైవేట్ లిమిటెడ్ నిర్వహిస్తున్న వెబ్‌సైట్ www.bookmyhsrp.com హై సెక్యూరిటీ రిజిస్ట్రేషన్ ప్లేట్స్ బుక్ చేయడం కోసం నిలిపివేయబడింది.

ఈ అధికారిక వెబ్‌సైట్‌ను విదేశాల సర్వర్ నుంచి హ్యాక్ చేసినట్లు కంపెనీ దర్యాప్తులో తేలింది. దీనిపై సంబంధిత అధికారులు ఢిల్లీలోని సైబర్ క్రైమ్ పోలీస్ స్టేషన్‌లో ఫిర్యాదు చేశారు.

హై సెక్యూరిటీ రిజిస్ట్రేషన్ ప్లేట్స్ కోసం అధికారిక వెబ్‌సైట్‌లో మంగళవారం దాదాపు 32,000 బుక్ చేసినట్లు కంపెనీ ప్రతినిధి ఒకరు తెలిపారు. వెబ్‌సైట్ మంగళవారం ఉదయం నుండి బుధవారం ఉదయం వరకు సక్రమంగా పనిచేస్తోంది.

బుధవారం ఉదయం 10 గంటలకు అకస్మాత్తుగా వెబ్‌సైట్‌ షట్డౌన్ అయ్యింది. ఈ వెబ్‌సైట్‌ను తనిఖీ చేసిన తర్వాత వెబ్‌సైట్ హ్యాక్ అయినట్లు తేలింది. వెబ్‌సైట్ హ్యాకింగ్ కారణంగా ఎక్కువ వర్చువల్ ట్రాఫిక్ కారణంగా వెబ్‌సైట్ హ్యాక్ చేయబడిందని కంపెనీ తెలిపింది.

సాయంత్రం 4 గంటల తరువాత వెబ్‌సైట్ యధావిధిగా పనిచేయడం మొదలైంది. వెబ్‌సైట్‌ పనిచేయడం ప్రారంభించిన తరువాత బుకింగ్‌లు ప్రారంభించినట్లు తెలిసింది. వెబ్‌సైట్ నుంచి డేటా హ్యాక్ చేయబడిందనే వార్తలను కంపెనీ ఖండించింది. ఈ సంఘటన తర్వాత కంపెనీ ఇంజనీర్లు వెబ్‌సైట్ భద్రతను మరింత పెంచారని చెబుతున్నారు.

కొత్త నిబంధన ప్రవేశపెట్టిన తరువాత మొదటి రోజు హై సెక్యూరిటీ రిజిస్ట్రేషన్ ప్లేట్ లేని 239 వాహనాలకు జరిమానా విధించినట్లు ఢిల్లీ పోలీసులు తెలిపారు. హెచ్‌ఎస్‌ఆర్‌పి వాహనాలను అడ్డుకునేందుకు ఢిల్లీకి చెందిన ఒక కార్యాచరణ ఏర్పాటు చేయబడింది. ఈ బృందం కట్టుదిట్టమైన చర్యలతో హెచ్‌ఎస్‌ఆర్‌పి భారీగా జరిమాణాలను విధిస్తున్నారు.

ఢిల్లీలోని వజీర్‌పూర్, సాకేత్, శాస్త్రి పార్క్, అక్షర్ధామ్, ఢిల్లీ కోర్టు, ద్వారకా వంటి కొన్ని చోట్ల హెచ్‌ఎస్‌ఆర్‌పి లేని వాహనాలకు రూ. 5,500 జరిమానా విధించారు. కొత్త నంబర్ ప్లేట్ల కోసం దరఖాస్తు చేసే వాహనాలకు జరిమానా విధించబడదు. నంబర్ ప్లేట్ కోసం దరఖాస్తు చూపించిన తర్వాత ఆ వాహనాలను ముందుకు పంపిస్తారు.

ఢిల్లీలో ప్రస్తుతం ఫోర్ వీలర్లకు మాత్రమే హెచ్‌ఎస్‌ఆర్‌పి నిబంధన అమలు చేయబడ్డాయి. ఢిల్లీలోని అన్ని వాహనాలకు త్వరలో ఈ నిబంధనను అమలు చేయనున్నట్లు ఢిల్లీ రవాణా కమిషనర్ తెలిపారు.

సుప్రీంకోర్టు ఆదేశాల మేరకు 2019 ఏప్రిల్ 1 లోపు కొనుగోలు చేసిన వాహనాల్లో హెచ్‌ఎస్‌ఆర్‌పిని స్వీకరించడం తప్పనిసరి. అమ్మకాల తర్వాత వాహనాలలో కొత్త నంబర్ ప్లేట్లు ఉన్నాయి. హై సెక్యూరిటీ రిజిస్ట్రేషన్ ప్లేట్ సాధారణ నంబర్ ప్లేట్ లాగా ఉంటుంది, కానీ కొత్త టెక్నాలజీ ఫీచర్స్ ఇందులో భిన్నంగా ఉంటాయి. ఇవి చాలా భద్రతను కలిగి ఉంటాయి.

హై సెక్యూరిటీ రిజిస్ట్రేషన్ ప్లేట్, క్రోమియం హోలోగ్రామ్ స్టిక్కర్‌ను కలిగి ఉంటుంది. స్టిక్కర్‌లో వాహన రిజిస్ట్రేషన్ నెంబర్, ఇంజన్ నెంబర్ మరియు చాసిస్ నెంబర్ ఉన్నాయి. ఈ హై సెక్యూరిటీ రిజిస్ట్రేషన్ ప్లేట్ వాహనదారులకు చాలా బాగా ఉపయోగపడతాయి, ఈ ప్లేట్లు ఉపయోగించిన వాహనాలను దొగలించబడటం చాల కష్టం. కావున వాహనదారులు తప్పకుండా హై సెక్యూరిటీ రిజిస్ట్రేషన్ ప్లేట్స్ పొందాలి.