Just In
- 4 hrs ago వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- 7 hrs ago ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- 10 hrs ago కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- 13 hrs ago 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
Don't Miss
- News సీఎం జగన్పై రాళ్లదాడి కేసులో బొండ ఉమ అరెస్ట్..?
- Sports LSG vs CSK: రప్ఫాడించిన రాహుల్... లక్నో ఘన విజయం
- Movies Paarijatha Parvam Review సునీల్, చైతన్య రావు క్రైమ్ కామెడీ ఎలా ఉందంటే? పారిజాత పర్వం రివ్యూ
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
ఫ్యూయెల్ పంప్ సమస్య, భారత్లో హోండా కార్ల రీకాల్
జపాన్ కార్ బ్రాండ్ హోండా భారత్లో విక్రయిస్తున్న కొన్ని మోడళ్లలో ఫ్యూయెల్ పంప్ సమస్య కారణంగా కార్లను వెనక్కి పిలిపించింది (రీకాల్). కంపెనీ విక్రయించిన వివిధ మోడళ్ల కార్లలో దాదాపు 65,000 కార్లలో ఈ సమస్య ఉన్నట్లు కంపెనీ గుర్తించింది. రీకాల్ చేసిన కార్లలో ఉచితంగా ఈ సమస్యను పరిష్కరించనున్నారు.
గత 2018లో తయారైన కార్లలో ఈ ఫ్యూయెల్ పంప్ సమస్యను గుర్తించినట్లు హోండా పేర్కొంది. కార్ల పనితీరు మెరుగ్గా ఉండేందుకు మరియు వినియోగదారులకు భవిష్యత్తులో ఎలాంటి సమస్యలు తలెత్తకుండా ఉండేందుకు గాను 2018లో తయారైన కార్లలో ఉచితంగా ఫ్యూయెల్ పంప్ను రీప్లేస్ చేయనున్నారు.
హోండా ప్రకటించిన తాజా రీకాల్ ప్రకారం, రీకాల్ చేయబడిన హోండా కార్లలో ఉపయోగించిన ఫ్యూయెల్ పంప్లోని లోపం కారణంగా ఇంజన్కు ఇంధన సరఫరా నిలిచిపోయే ప్రమాదం ఉంది. ఫలింతగా కారు మద్యలో ఆగిపోవటం లేదా స్టార్ట్ కాకపోవటం వంటి సమస్యలు తలెత్తే ఆస్కారం ఉంది. అంతేకాకుండా కంబస్టియన్ ప్రాసెస్లో ఇన్వాల్వ్ అయిన ఇతర ఇంజన్ పార్ట్లను కూడా దెబ్బతీసే ప్రమాదం ఉంది.
MOST READ:మారుతి సుజుకి సెలెరియో సిఎన్జి వేరియంట్ విడుదల - ధర, ఫీచర్లు, వివరాలు
ఈ రీకాల్కు గురైన మొత్తం కార్లలో 32,498 హోండా అమేజ్ కాంపాక్ట్ సెడాన్ కార్లు, 16,434 హోండా సిటీ సెడాన్ కార్లు 7,500 హోండా జాజ్ హ్యాచ్బ్యాక్ కార్లు, 7,057 డబ్ల్యూఆర్-వి కార్లు, 1,622 బిఆర్-వి కార్లు, 360 బ్రయో కార్లు 180 హోండా సిఆర్-వి ఎస్యూవీలు ఉన్నట్లు కంపెనీ తెలిపింది.
హోండా కార్స్ ఇండియా ఈ రీకాల్ గురించి తమ కస్టమర్లకు ప్రత్యేకంగా తెలియజేయనుంది. హోండా నుంచి సమాచారం అందుకున్న కస్టమర్లు తమకు అనుకూలమైన సమయంలో అధీకృత హోండా డీలర్షిప్ను సందర్శిస్తే ఉచితంగా తమ కారులో ఈ ఫ్యూయెల్ పంప్ను రీప్లేస్ చేస్తారు. ఈ రీకాల్లో భాగంగా జూన్ 20, 2020వ తేదీ నుండి దశల వారీగా కస్టమర్ల వాహనాల్లో ఫ్యూయెల్ పంపులను రీప్లేస్ చేయనున్నారు.
MOST READ:ఫ్యూయెల్ పంప్ సమస్య, భారత్లో హోండా కార్ల రీకాల్
ఒకవేళ హోండా నుంచి సమాచారం రాకపోయినా కస్టమర్లు తమ వాహనానికి సంబంధించిన 17 అంకెల విన్ (వెహికల్ ఐడెంటిఫికేషన్ నెంబర్)ను హోండా వెబ్సైట్లో నమోదు చేసుకొని తెలుసుకోవచ్చు. ఇందులో హోండా ఓ కొత్త మైక్రో సైట్ని కూడా ప్రారంభించింది.
ప్రస్తుత కోవిడ్-19 పరిస్థితులను దృష్టిలో ఉంచుకొని కస్టమర్లు గుంపులు గుంపులుగా హోండా డీలర్షిప్లను సందర్శించకుండా అపాయింట్మెంట్ ప్రాతిపధికన షోరూమ్లను సందర్శించాలని హోండా కోరుతోంది. మరోవైపు డీలర్షిప్ కేంద్రాలు కూడా పరిమిత సిబ్బందితో పనిచేస్తున్న నేపథ్యంలో కస్టమర్లు పరిస్థితిని అర్థం చేసుకోవాలని హోండా విజ్ఞప్తి చేసింది.
MOST READ:కరోనా ఎఫెక్ట్ : భారీ నష్టాల్లో మహీంద్రా
ఇక వేరే హోండా వార్తల్లోకి వెళితే.. కరోనా వైరస్ వ్యాప్తి నేపథ్యంలో హోండా ఇటీవలే కస్టమర్ల కోసం కొత్త సర్వీసింగ్ విధానాన్ని ప్రారంభించింది. ఈ డోర్స్టెప్ సర్వీస్లో భాగంగా నేరుగా కస్టమర్ల ఇంటి వద్దకే నిపుణులైన హోండా మెకానిక్లు వచ్చి కార్లను సర్వీస్ చేసి వెళ్తారు. ఈ సమయంలో మెకానిక్లు సామాజిక దూరం పాటించడంతో పాటుగా పూర్తి శానిటైజేషన్ నియమాలను కూడా పాటిస్తారని హోండా పేర్కొంది.
హోండా ఫ్యూయెల్ పంప్ విషయంలో ప్రకటించిన రీకాల్పై డ్రైవ్స్పార్క్ అభిప్రాయం.
హోండా పేర్కొన్న ఫ్యూయెల్ పంప్ సమస్య కారణంగా ఇప్పటి వరకూ ఎలాంటి ప్రమాదాలు జరగలేదు. కాకపోతే, పైన పేర్కొన్నట్లుదా భవిష్యత్తులో కసమర్లకు ఎలాంటి ఇబ్బందలు తలెత్తకూడదనే ఉద్దేశ్యంగా హోండా కార్స్ ఇండియా ముందుగానే రీకాల్ ప్రకటించింది. అయితే, ప్రస్తుత కోవిడ్-19 పరిస్థితుల్లో ఈ ఫ్యూయెల్ పంప్ రీప్లేస్మెంట్ ప్రక్రియ కాస్తంత నెమ్మదిగా జరిగే అవకాశం ఉంది.
MOST READ:పెరగనున్న ట్రయంప్ స్ట్రీట్ ట్రిపుల్ ఆర్ఎస్ బైక్ ధరలు - వివరాలు