బిగ్ బ్రేకింగ్: సంచలన ధరతో విడుదలైన కియా కార్నివాల్

కియా సంస్థ తన కార్నివాల్ ఎమ్‌పివి ని 2020 ఆటో ఎక్స్‌పోలో విడుదల చేసింది. కియా కార్నివాల్ ధరలు ఇప్పుడు 24.95 లక్షల నుంచి (ఎక్స్-షోరూమ్, ఇండియా) ప్రారంభించనుంది. ఇది డీజిల్ ఆటోమేటిక్ పవర్‌ట్రెయిన్‌తో లభిస్తుంది. ఈ కియా కార్నివాల్ ఎమ్‌పివి మూడు సీటింగ్ కాన్ఫిగరేషన్‌లను కలిగి ఉండటంతో పాటు మూడు ట్రిమ్‌లను కూడా కలిగి ఉంటుంది.

కియా కార్నివాల్ ఎంట్రీ లెవెల్ ప్రీమియం 7 మరియు 8 సీట్ల వేరియంట్లో కూడా లభిస్తుంది. ఈ కియా కార్నివాల్ లో వేరియంట్ వారీగా ధరలు కూడా ఉంటాయి.

కియా కార్నివాల్ వేరియంట్ వారీగా ధరలు (ఎక్స్-షోరూమ్, ఇండియా) క్రింది విధంగా ఉంటాయి.

ప్రీమియం (7 సీట్లు): రూ .24 .95 లక్షలు

ప్రీమియం (8 సీట్లు): రూ .25.15 లక్షలు

ప్రెస్టీజ్ (7 సీట్లు): రూ .28.95 లక్షలు

ప్రెస్టీజ్ (9 సీట్లు): రూ .29 .95 లక్షలు

లిమోసిన్ (7 సీట్లు): రూ .33.95 లక్షలు

కియా కార్నివాల్ లో భద్రతా లక్షణాలను గమనించినట్లయితే ఇందులో డ్యూయల్ ఎయిర్‌బ్యాగులు, ఎబిడి విత్ ఇబిడి, ఐసోఫిక్స్ చైల్డ్-సీట్ మౌంట్స్, రియర్ పార్కింగ్ సెన్సార్లు మరియు వెనుక కెమెరా ఉన్నాయి. ఇంకా ప్రొజెక్టర్ హెడ్‌ల్యాంప్‌లు, 18-అంగుళాల అల్లాయ్ వీల్స్, పవర్-స్లైడింగ్ డోర్స్, త్రీ-జోన్ ఆటోమేటిక్ క్లైమేట్ కంట్రోల్, ఆండ్రాయిడ్ ఆటోతో 8.0-అంగుళాల టచ్‌స్క్రీన్ మరియు ఆపిల్ కార్ప్లే , క్రూయిజ్ కంట్రోల్, కీలెస్ ఎంట్రీ / గో, టిల్ట్ అండ్ టెలిస్కోపిక్ స్టీరింగ్ మరియు పవర్ అడ్జస్టబుల్ వింగ్ మిర్రర్స్ వంటివి ఉంటాయి.

మిడ్ రేంజ్ ప్రెస్టీజ్ వేరియంట్ లో ఎలక్ట్రానిక్ స్టెబిలిటీ కంట్రోల్, హిల్-స్టార్ట్ అసిస్ట్, సైడ్ అండ్ కర్టెన్ ఎయిర్‌బ్యాగులు, ఫ్రంట్ పార్కింగ్ సెన్సార్లు, ఎల్‌ఇడి ప్రొజెక్టర్ హెడ్‌ల్యాంప్స్, ఐస్-క్యూబ్ ఎల్‌ఇడి ఫాగ్ లాంప్స్, పవర్డ్ టెయిల్‌గేట్, డ్యూయల్ పేన్ సన్‌రూఫ్ మరియు పవర్-ఫోల్డింగ్ వింగ్ మిర్రర్స్ ఉంటాయి. ఇంక 9 సీట్ల వేరియంట్లో ప్రత్యేకమైన లెథరెట్ అప్హోల్స్టరీ కూడా ఉంటుంది.

కియా కార్నివాల్ మూడు సీటింగ్ వేరియంట్లలో లభిస్తుంది. 7 సీట్ వేరియంట్లో 2+2+3 అమరిక కలిగి ఉంటుంది. 8 సీట్ల వేరియంట్లో 2+3+3 డిజైన్ లో, మరియు 9 సీట్ల వేరియంట్లో 2+2+2+3 వరుసలో ఉంటాయి.

కియా కార్నివాల్ లో బిఎస్-6 కంప్లైంట్ 2.2 లీటర్ నాలుగు సిలిండర్లను కలిగి ఉంటుంది. ఇది 200 హెచ్‌పి మరియు 440 ఎన్ఎమ్ టార్క్ ని ఉత్పత్తి చేస్తుంది. ఇది 8 స్పీడ్ ఆటోమేటిక్ ట్రాన్స్మిషన్ కి జతచేయబడి ఉంటుంది.

కియా కార్నివాల్ యొక్క బుకింగ్స్ జనవరి 21 నుంచి అధికారికంగా జరుగుతున్నాయి. బుకింగ్స్ ప్రారంభించినప్పటినుంచి ఇప్పటిదాకా 3500 అర్దర్లను పొందినట్లు సంస్థ తెలిపింది. ఇది కియా యొక్క రెండవ హిట్ గా నిలుస్తుంది.