గుడ్ న్యూస్.. రాబోయే కొత్త మహీంద్రా వాహనాలు ఇవే

మహీంద్రా & మహీంద్రా రాబోయే రోజుల్లో అనేక కొత్త ఉత్పత్తులను విడుదల చేయాలని యోచిస్తోంది. ఎందుకంటే మహీంద్రా యొక్క అమ్మకాలను పెంచడానికి రిఫ్రెష్ చేసిన వాహనాలను మరియు సరికొత్త వాటిని ప్రవేశపెట్టే వ్యూహాన్ని ప్రారంభించింది. ఎక్కువ జనాదరణ పొందిన కొన్ని ఎస్‌యూవీలు తరువాతి తరాలకు కూడా ఉపయోగపడే విధంగా తయారు చేసి మార్కెట్లో లాంచ్ చేయడానికి ఆలోచిస్తున్నారు.

1. 2020 మహీంద్రా థార్:

ఇండియన్ మార్కెట్లో మహీంద్రా థార్ కి మంచి డిమాండ్ ఉంది. ఈ కారణంగా రెండవ తరం మహీంద్రా థార్ ని విడుదల చేయాలనీ కంపెనీ యోచిస్తోంది. ఇప్పటికే దేశవ్యాప్తంగా మహీంద్రా థార్ ట్రయల్స్‌ను గుర్తించింది మరియు అవుట్‌గోయింగ్ మోడల్‌తో పోలిస్తే ఇది పెద్ద కొలతలు మరియు సౌందర్య నవీకరణలను కలిగి ఉంటుంది.

అంతేకాకుండా ఇది మల్టిఫుల్ సీటింగ్ కాన్ఫిగరేషన్లలో విక్రయించబడుతుంది. ఇందులో ఉన్న 2.0 లీటర్ డీజిల్ ఇంజిన్ 140 పిఎస్ మరియు 320 ఎన్ఎమ్ టార్క్ ఉత్పత్తి చేస్తుంది. ఈ మహీంద్రా థార్ ఈ ఏడాది ఇండియన్ మార్కెట్లో లాంచ్ అవుతుందని ఆశించవచ్చు.

2. 2021 మహీంద్రా ఎక్స్‌యూవీ 500 :

ఈ కొత్త మహీంద్రా ఎక్స్‌యూవీ 500 వచ్చే ఏడాది ఆరంభంలో లాంచ్ అవుతుందని భావిస్తున్నారు. కొత్త తరం మహీంద్రా ఎక్స్‌యూవీ 500 కొత్త ఫీచర్స్ కలిగి ఉండే అవకాశం ఉంటుంది. మహీంద్రా ఎక్స్‌యూవీ 500 లో పునఃరూపకల్పన చేసిన గ్రిల్, హెడ్‌ల్యాంప్‌లు, బంపర్లు మరియు టెయిల్ లాంప్‌లు ఉంటాయి.

2021 మహీంద్రా ఎక్స్‌యూవీ 500 లో సరికొత్త క్యాబిన్ ఉంటుంది. అంతే కాకుండా పెద్ద సెంట్రల్ టచ్‌స్క్రీన్ ఇన్ఫోటైన్‌మెంట్ సిస్టమ్ కూడా ఉంది. దీనికి బిఎస్-6 కంప్లైంట్ 2.0 లీటర్ పెట్రోల్ మరియు డీజిల్ ఇంజన్లు ఉంటాయి.

3. 2021 మహీంద్రా స్కార్పియో:

మహీంద్రా థార్ మరియు మహీంద్రా ఎక్స్‌యువి 500 మాదిరిగానే ఈ స్కార్పియో కూడా ఒక పెద్ద నవీకరణను కలిగి ఉంటుంది.

ఈ కొత్త వాహనంలో మల్టీ స్లేటెడ్ వర్టికల్, స్లీకర్ హెడ్‌ల్యాంప్‌లు, న్యూ ఫాగ్ లాంప్స్, వైడెర్ ఎయిర్ ఇన్లెట్, కొత్త టెయిల్ లాంప్ వంటి ఉంటాయి.

ఈ కొత్త మహీంద్రా స్కార్పియోలో ఇంటీరియర్ విషయానికి వస్తే ఇందులో ఆపిల్ కార్ప్లే మరియు ఆండ్రాయిడ్ ఆటో కనెక్టివిటీ, హెచ్‌యుడి, వైర్‌లెస్ ఛార్జింగ్ సౌకర్యం, ఆటోమేటిక్ క్లైమేట్ కంట్రోల్ సిస్టమ్ వంటి వాటితో పాటు పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్‌ను కలిగి ఉంటుంది.

ఇది బిఎస్-6 ఉద్గార నిబంధనలకు అనుకూలంగా తయారు చేయబడింది. ఇందులో 2.0 లీటర్ డీజిల్ ఇంజిన్ ఉంటుంది. ఇది 2021 ప్రారంభంలో ప్రారంభించే అవకాశం ఉంది.

4. మహీంద్రా టియువి 300 ప్లస్ ఫేస్‌లిఫ్ట్:

మహీంద్రా టియువి 300 అనేది ఫేస్ లిఫ్ట్ మాత్రమే కనుక ఇందులో సూక్ష్మమైన డిజైన్ మార్పులను పొందుతుంది. ఈ సంవత్సరం అమ్మకాలు జరిపే అవకాశం ఉంది.

మహీంద్రా టియువి 300 ప్లస్ ఫేస్‌లిఫ్ట్ ప్రస్తుతం 2.2 లీటర్ నాలుగు సిలిండర్ల డీజిల్ ఇంజిన్‌తో పనిచేస్తుంది, దీనిని బిఎస్‌ 6 కంప్లైంట్ 2.0 లీటర్ డీజిల్ ఇంజన్ ద్వారా మార్చవచ్చు, ఇది ఆరు-స్పీడ్ మాన్యువల్ గేర్‌బాక్స్‌తో జత చేయబడింది. ఆటోమేటిక్ యూనిట్ కూడా ఆఫర్‌లో వుండే అవకాశం ఉంటుంది.

5. మహీంద్రా ఎక్స్‌యూవీ 300 EV:

మహీంద్రా ఎక్స్‌యూవీ 300 ఎలక్ట్రిక్ వెహికల్ ఇటీవల జరిగిన 2020 ఆటో ఎక్స్‌పోలో ఆవిష్కరించబడింది. ఇది వచ్చే ఏడాదిలో షోరూంలను చేరుకునే అవకాశం వుంది.

ఈ కొత్త ఎలెక్ట్రిక్ కారు మంచి డిజైన్ ని కలిగి ఉంటుంది. అంతే కాకుండా ఇది ఒకే చార్జిపై దాదాపు 300 కిలోమీటర్ల డ్రైవింగ్ పరిధిని అందిస్తుంది. ఇండియన్ మార్కెట్లో ఇది టాటా నెక్సాన్ ఇవి వంటి వాటికి ప్రత్యర్థిగా ఉండే అవకాశం ఉంటుంది.