Click it and Unblock the Notifications
మహీంద్రా వింటర్ చెకప్ క్యాంప్ ప్రారంభం; వివిధ రకాల సేవలపై తగ్గింపులు
ప్రముఖ దేశీయ యుటిలిటీ వాహన దిగ్గజం మహీంద్రా అండ్ మహీంద్రా కొత్త సర్వీస్ మెయింటినెన్స్ క్యాంపైన్ను ప్రారంభిస్తున్నట్లు ప్రకటించింది. మహీంద్రా 'వింటర్ చెక్-అప్ క్యాంప్' పేరుతో పిలువబడే ఈ సర్వీస్ క్యాంపైన్లో మహీంద్రా కస్టమర్ల కోసం కంపెనీ ప్రత్యేకమైన సేవలను అందుబాటులోకి తెచ్చింది.
భారతదేశంలో కొనసాగుతున్న శీతాకాలానికి అనుగుణంగా, కస్టమర్లు తమ కార్లను సిద్ధం చేసుకోవటానికి ఈ మహీంద్రా వింటర్ చెకప్ క్యాంప్ సహాయపడుతుంది. ఈ క్యాంపైన్ను వచ్చే మహీంద్రా వాహనాల యజమానులకు కంపెనీ వివిధ రకాల సేవలపై ప్రత్యేక తగ్గింపులను కూడా అందిస్తోంది.
మహీంద్రా వింటర్ చెకప్ క్యాంప్కు వచ్చే వాహనాలను కంపెనీ సర్వీస్ నిపుణులు క్షుణ్ణంగా తనిఖీ చేసి, ఏవైనా మరమ్మత్తులు అవసరం అయితే వాటి గురించి సదరు వాహన యజమానులకు వివరిస్తారు. ఇందుకు సంబంధించిన లేబర్ ఛార్జీలు మరియు విడిభాగాలపై తగ్గింపులను కూడా కంపెనీ ఆఫర్ చేస్తుంది.
మహీంద్రా ‘వింటర్ చెక్-అప్ క్యాంప్' దేశవ్యాప్తంగా ఉన్న మహీంద్రా డీలర్షిప్ కేంద్రాలు మరియు సర్వీస్ సెంటర్ల ద్వారా అందుబాటులో ఉంటుంది. ఇది డిసెంబర్ 14 నుండి 19వ తేదీ వరకూ చెల్లుబాటులో ఉంటుంది.
ఈ సర్వీస్ క్యాంపైన్లో భాగంగా కంపెనీ మహీంద్రా వాహనాలకు 75 మల్టీ పాయింట్ చెకప్ చేస్తుంది. అంటే కారులోని 75 అంశాలు/భాగాలను కంపెనీ తనిఖీ చేస్తుంది. ఈ చెక్లిస్ట్లో ఇంజన్ ఆయిల్ మరియు వాహనంలోని ఇతర ఆపరేటింగ్ లిక్విడ్స్, ఏసి అండ్ హీటర్, టైర్లు, బ్రేకులు, అన్ని ల్యాంప్స్ వంటి ఎన్నో అంశాలు ఉంటాయి.
ఈ చెకప్ సమయంలో సరిగ్గా పనిచేయని ఏ భాగాన్నైనా సర్వీస్ సెంటర్లో శిక్షణ పొందిన సాంకేతిక నిపుణుల ఆధ్వర్యంలో కస్టమర్ నుండి అంగీకారం పొందిన తర్వాతనే రీప్లేస్ చేస్తారు. ఈ వింటర్ చెకప్ క్యాంప్లో కస్టమర్లకు లబ్ధి చేకూర్చేందుకు కంపెనీ వివిధ రకాల డిస్కౌంట్లను కూడా అందిస్తోంది.
మహీంద్రా వాహనంపై చేసే ఏదైనా సర్వీస్ మరియు మెయింటినెన్స్ పనులకు గానూ లేబర్ చార్జీలపై 10 శాతం తగ్గింపును అందిస్తున్నారు. అంతేకాకుండా, ఈ సర్వీస్ సమయంలో రీప్లేస్ చేయబడే ఏదైనా విడిభాగాలపై 5 శాతం వరకూ తగ్గింపును కూడా కంపెనీ అందిస్తోంది.
ఇంకా ఈ క్యాంపైన్లో భాగంగా, విండ్షీల్డ్ రక్షణ మరియు వాహనం యొక్క హెడ్ల్యాంప్ పునరుద్ధరణ కోసం ప్రత్యేకమైన మాక్సికేర్ ట్రీట్మెంట్లపై కంపెనీ 25 శాతం తగ్గింపును కూడా అందిస్తోంది.
శీతాకాలంలో వాహనాల విషయంలో సరైన మెయింటినెన్స్ ఎంతో అవసరం. ప్రత్యేకించి పొగమంచు పరిస్థితుల్లో డ్రైవ్ చేస్తున్నప్పుడు విండ్షీల్డ్, ఫాగ్ ల్యాంప్స్, హెడ్ల్యాంప్స్, టెయిల్ ల్యాంప్స్ మరియు ఇండికేటర్లు సరిగ్గా పనిచేస్తున్నాయో లేదో నిర్ధారించుకోవాలి. ఇవి మసకబారి ఉంటే, డ్రైవర్ దృష్టి తగ్గి ప్రమాదాలు జరిగే అవకాశం ఉంది.
వీటిని పాలిష్ చేసుకోవటం లేదా రీప్లేస్ చేసుకోవటం వలన ఈ సమస్యను అధిగమించవచ్చు. అలాగే, శీతాకాలంలో ద్రవాలు (ఫ్లూయిడ్స్) ఫ్రీజ్ కాకుండా ఉండేలా చూసుకోవాలి. ఇందుకోసం శీతాకాలానికి తగిన ద్రవాలు కూడా అందుబాటులో ఉంటాయి. అలాగే, ఏసి మరియు హీటర్ చక్కగా పనిచేసేలా చూసుకోవాలని, ఇది డీఫాగ్గింగ్లో సహకరిస్తుంది.
Continue with Google