డీలర్ల వద్దకు చేరుకుంటున్న కొత్త 2020 మారుతి సుజుకి ఎస్-క్రాస్

కొత్త 2020 మారుతి సుజుకి ఎస్-క్రాస్ బిఎస్6 మోడల్ ఇకపై కేవలం పెట్రోల్ ఇంజన్ ఆప్షన్‌తో మాత్రమే లభ్యం కానుంది. బిఎస్4 మోడళ్లలో ఉపయోగించిన డీజిల్ ఇంజన్‌ను కంపెనీ నిలిపివేసింది. నెక్సా డీలర్‌షిప్ కేంద్రాల్లో కొత్త ఎస్-క్రాస్ క్రాసోవర్ కోసం బుకింగ్‌లను కూడా ఇప్పటికే ప్రారంభమయ్యాయి. కస్టమర్లు రూ.11,000 టోకెన్ అమౌంట్‌తో ఈ మోడల్‌ను బుక్ చేసుకోవచ్చు.

గాడివాడి నుంచి వచ్చిన తాజా చిత్రాలను గమనిస్తే, మారుతి సుజుకి 2020 ఎస్-క్రాస్‌ను ఇప్పటికే డీలర్‌షిప్ స్టాక్ యార్డ్‌లకు చేరుకుంది. కొత్త ఎస్-క్రాస్ మొత్తం ఏడు వేరియంట్లలో లభ్యం కానుంది. వీటిలో నాలుగు మ్యాన్యువల్ మూడు ఆటోమేటిక్ వేరియంట్లు ఉన్నాయి. అవి - సిగ్మా, డెల్టా, జెటా, ఆల్ఫా, డెల్టా ఏటి, జెటా ఏటి మరియు ఆల్ఫా ఏటి.

కొత్త 2020 ఎస్-క్రాస్ ఐదు కలర్ ఆప్షన్లలో లభ్యం కానుంది. అవి - బ్లూ, బ్రౌన్, గ్రే, వైట్, సిల్వర్. కొత్త బిఎస్6 2020 మారుతి సుజుకి ఎస్-క్రాస్ క్రాసోవర్‌లో సుజుకి నుండి పాపులర్ అయిన 1.5-లీటర్ ‘ఎస్‌హెచ్‌విఎస్' స్మార్ట్ హైబ్రిడ్ టెక్నాలజీ పెట్రోల్ ఇంజన్‌ను ఉపయోగించనున్నారు. ఈ 1.5 లీటర్, ఫోర్ సిలిండర్, మైల్డ్-హైబ్రిడ్ పెట్రోల్ ఇంజన్ గరిష్టంగా 104 బిహెచ్‌పి శక్తిని మరియు 138 ఎన్ఎమ్ టార్క్‌ను ఉత్పత్తి చేస్తుంది.

ఈ ఇంజన్ స్టాండర్డ్ ఫైవ్-స్పీడ్ మాన్యువల్ గేర్‌బాక్స్‌తో జతచేయబడి ఉండొచ్చని సమాచారం. ఈ కొత్త మోడల్ విడుదల సమయంలో కంపెనీ హై-స్పెక్ వేరియంట్‌లపై ఆప్షనల్ ఫోర్-స్పీడ్ టార్క్-కన్వర్టర్ ఆటోమేటిక్ ట్రాన్స్‌మిషన్‌ను ఆఫర్ చేయవచ్చనే వార్తలు కూడా వినిపిస్తున్నాయి.

ప్రస్తుతం మారుతి సుజుకి విక్రయిస్తున్న ఎర్టిగా, సియాజ్ మరియు విటారా బ్రెజ్జా కాంపాక్ట్-ఎస్‌యూవీ వంటి ఇతర మోడళ్లలో కూడా కంపెనీ ఈ అధునాతన ఇంజన్‌ను ఆఫర్ చేస్తోంది. బిఎస్4 మోడళ్లలో ఉపయోగించిన ఇంజన్లను నిలిపివేయాలని కంపెనీ నిర్ణయించినందున, ప్రస్తుతానికి ఎస్-క్రాస్ కేవలం పెట్రోల్ ఇంజన్‌తోనే లభ్యం కానుంది, ఇందులో డీజిల్ ఇంజన్ ఉండదు.

కొత్త 2020 మారుతి సుజుకి ఎస్-క్రాస్ క్రాసోవర్ ఇంటీరియర్ మరియు ఎక్స్‌టీరియర్లలో కొద్దిపాటి మార్పులు చేర్పులు చేశారు. ఎక్స్‌టీరియర్ మార్పులలో రీడిజైన్ చేసిన ఎల్ఈడి హెడ్‌ల్యాంప్స్, టెయిల్ ల్యాంప్స్, అల్లాయ్ వీల్స్ వంటి వాటిని గమనించవచ్చు. అయితే, ఓవరాల్ డిజైన్ మరియు సిల్హౌట్ మాత్రం ఇదివరకటిలానే ఉంటుంది.

ఈ ప్రీమియం క్రాసోవర్ ఇంటీరియర్‌లో చేసిన మార్పుల విషయానికి వస్తే ఇందులో ఆండ్రాయిడ్ ఆటో, ఆపిల్ కార్‌ప్లే మరియు వాయిస్ కమాండ్స్‌ను సపోర్ట్ చేసే సరికొత్త స్మార్ట్‌ప్లే స్టూడియో టచ్‌స్క్రీన్ ఇన్ఫోటైన్‌మెంట్ సిస్టమ్‌ను కలిగి ఉంటుంది. ఇంకా కొత్త 2020 ఎస్-క్రాస్ కారులోని అప్‌హోలెస్ట్రీని కూడా అప్‌గ్రేడ్ చేయనున్నారు, ఇది కారుకి మరింత ప్రీమియం లుక్ అండ్ ఫీల్‌ని ఆఫర్ చేయనుంది.

2020 మారుతి సుజుకి ఎస్-క్రాస్ బిఎస్6 క్రాసోవర్‌పై డ్రైవ్‌స్పార్క్ అభిప్రాయం.

కొత్తగా వస్తున్న అధునాతన పెట్రోల్ ఇంజన్‌తో మారుతి సుజుకి ఎస్-క్రాస్ మరింత ఎక్కువ మంది కస్టమర్లను ఆకర్షించే అవకాశం ఉంది. మారుతి సుజుకి తమ బిఎస్4 వెర్షన్ ఎస్-క్రాస్ కారును రూ.8.80 లక్షల నుండి రూ.11.43 లక్షల (ఎక్స్-షోరూమ్, ఢిల్లీ) మధ్యలో విక్రయించింది. ఈ నేపథ్యంలో, కొత్త బిఎస్6 ఎస్-క్రాస్ ధరలు కూడా అదే రేంజ్‌లో ఉండొచ్చని అంచనా.

Source: Gaadiwaadi