ఇండియన్ మార్కెట్లో దుమ్మురేపనున్న హ్యుందాయ్ ఎలాంట్రా ఇదే, చూసారా .. !

కొత్త తరం హ్యుందాయ్ ఎలంట్రా కొత్త కె 3 ప్లాట్‌ఫామ్‌పై తయారు చేయబడింది. ఈ కొత్త కారు పాత వెర్షన్ కంటే 56 మిమీ వెడల్పు మరియు 26 మిమీ ఎక్కువ ఎత్తును కలిగి ఉంటుది. అంతే కాకుండా దీని బరువు కూడా మునుపటి కంటే కూడా తక్కువగా ఉంటుంది.

ఎగ్జిక్యూటివ్ సెడాన్ విభాగంలో హ్యుందాయ్ యొక్క ఎలంట్రా కారు ప్రపంచవ్యాప్తంగా బాగా ప్రాచుర్యం పొందింది. ఈ కొత్త కారు పూర్తిగా కొత్త డిజైన్‌ను కలిగి ఉంది. ఈ వీడియోలో చూసినట్లయితే బోనెట్, గ్రిల్ సిస్టమ్, బంపర్ సిస్టమ్ మరియు వెనుక కొత్త డిజైన్లను కలిగి ఉంటుంది. ఈ కారులో ఎల్‌ఇడి హెడ్‌లైట్, ఓవర్‌సైజ్ గ్రిల్ సిస్టమ్, 17 అంగుళాల డ్యూయల్ టోన్ అల్లాయ్ వీల్, ఎల్‌ఇడి లైట్ బార్‌లు ఉంటాయి.

కొత్త హ్యుందాయ్ ఎలంట్రా లోపలి భాగం మరింత ఎక్కువగా నవీనీకరించబడింది. ఈ కారు డాష్‌బోర్డ్‌లో రెండు 10.25 అంగుళాల స్క్రీన్‌లను కలిగి ఉంటుంది. వాటిలో ఒకటి టచ్ స్క్రీన్ ఇన్ఫోటైన్‌మెంట్, మరొకటి డిజిటల్ ఇన్స్ట్రుమెంట్ క్లస్టర్. ఈ కారులో ప్రధానంగా 4 స్పోక్ స్టీరింగ్ వీల్, నాలుగు ఎసి వెంట్స్, డ్రైవర్ సీట్ మరియు ఫ్రంట్ సీట్ ప్యాసింజర్ వంటివి చాలా అప్డేటెడ్ గా ఉంటుంది.

కొత్త హ్యుందాయ్ కారు బ్లూలింక్ ప్రాసెసర్ ద్వారా యాక్సెస్ చేయగల ఫీచర్స్ కూడా కలిగి ఉంటుంది. ఈ సిస్టమ్‌లో వాయిస్ కమాండ్ ఫీచర్ ఉంది. ఇన్ఫోటైన్‌మెంట్ సిస్టమ్ ఆపిల్ కార్ ప్లే మరియు ఆండ్రాయిడ్ ఆటోలు కూడా ఇందులో ఉంటాయి.

ఈ కొత్త కారులో వైర్‌లెస్ ఫోన్ ఛార్జర్, యాంబియంట్ లైట్ సిస్టమ్, డిజిటల్ కీ స్మార్ట్‌ఫోన్ ప్రాసెసర్, 8 స్పీకర్లు సౌండ్ సిస్టమ్ మరియు ఎలక్ట్రిక్ సన్‌రూఫ్ ఉన్నాయి. కొత్త హ్యుందాయ్ ఎలంట్రాలో మొదటిసారి హైబ్రిడ్ టెక్నాలజీని అందిస్తున్నారు.

కొత్త హ్యుందాయ్ ఎలంట్రా 1.6 లీటర్ జిటిఐ పెట్రోల్ ఇంజన్ 32 కిలోవాట్ల ఎలక్ట్రిక్ మోటారుతో జత చేయబడింది. ఈ ఎలక్ట్రిక్ మోటారు 1.32 కిలోవాట్ల లిథియం అయాన్ బ్యాటరీపై నడుస్తుంది. ఈ హైబ్రిడ్ మోడల్ 139 బిహెచ్‌పి పవర్ మరియు 264 ఎన్ఎమ్ టార్క్ ఉత్పత్తి చేస్తుంది. 6 స్పీడ్ డ్యూయల్ క్లచ్ గేర్‌బాక్స్ తో జత చేయబడి ఉంటుంది.

హ్యుందాయ్ ఎలంట్రా భారతదేశంలో లాంచ్ అయిన తర్వాత, కియా సెల్టో కారులో 1.5 లీటర్ డీజిల్ ఇంజిన్‌ను వ్యవస్థాపించే అవకాశం కూడా ఉంటుంది.

ఈ కొత్త వెర్షన్ కారు వచ్చే ఏడాది మధ్యలో భారత్‌లో విడుదల చేయనున్నారు. కొత్త హ్యుందాయ్ ఎలంట్రా భారత మార్కెట్ నుండి విడుదలైన తరువాత హోండా సివిక్, టయోటా కరోలా మరియు అట్లాస్‌ వంటి వాటికి ప్రత్యర్థిగా ఉంటుంది.