భారత మార్కెట్లో మారుతి సుజుకి సెలెరియో లాంచ్ డీటైల్స్

కొత్త మారుతి సెలెరియో భారతదేశంలో నిరంతర పరీక్షలు చేస్తోంది. ఫిబ్రవరిలో జరిగిన ఆటో ఎక్స్‌పో 2020 సందర్భంగా ఇది మార్కెట్లోకి ప్రవేసింది. కాబట్టి ఈ పండుగ సీజన్‌లో, ఈ మోడల్‌ను కొత్త ఎంపికగా తీసుకురావడంపై చర్చలు జరిగాయి. సంస్థ ఇప్పుడు వచ్చే ఏడాది ప్రారంభంలో కొత్త మారుతి సెలెరియోను తీసుకురానున్నట్లు తెలిపింది.

ఈ కొత్త మోడల్‌లో చాలా బాహ్య మరియు అంతర్గత మార్పులు చేయబడ్డాయి. ఇది లేటెస్ట్ వెర్షన్ మాత్రమే కాదు కొత్త డిజైన్ ని కూడా కలిగి ఉంటుంది. ఇది చాలా వరకు అప్డేటెడ్ ఫీచర్స్ కలిగి ఉంటుంది.

కొత్త మారుతి సెలెరియో లోపలి భాగంలో చాలా మార్పులు మనం గమనించవచ్చు, దీనికి కొత్త లేఅవుట్ ఇవ్వబడింది, అంతే కాకుండా హై-వేరియంట్‌లలో స్మార్ట్‌ప్లే స్టూడియో టచ్‌స్క్రీన్ ఇన్ఫోటైన్‌మెంట్ సిస్టమ్‌ కూడా ఉంటుంది. ఆండ్రాయిడ్ ఆటో మరియు ఆపిల్ కార్ప్లే కూడా కారులో అందించబడుతుంది.

సెకండ్ జనరేషన్ సెలెరియో మారుతి సుజుకి యొక్క 'హియర్టెక్' ప్లాట్‌ఫాంపై నిర్మించబడుతుంది. దీనిపై ప్రస్తుత తరం వాగన్ఆర్ నిర్మించనున్నారు. దీనితో పాటు కొత్త సెలెరియో పరిమాణం కూడా పెరుగుతుందని భావిస్తున్నారు. దీనికి విస్తృత క్యాబిన్ మరియు పెద్ద వీల్‌బేస్ ఇవ్వబడుతుంది.

కొత్త సెలెరియోను 1.0-లీటర్ మరియు 1.2-లీటర్ పెట్రోల్ ఇంజన్ ఎంపికలలో అందించవచ్చు. కొత్త సెలెరియోను 5-స్పీడ్ మాన్యువల్ మరియు 5-స్పీడ్ ఆటోమేటిక్ గేర్‌బాక్స్ ఎంపికలతో అందించవచ్చు. దాని ఇంజిన్‌లో ఎటువంటి మార్పు లేదు.

ఈ ఏడాది జూన్‌లో మారుతి సెలెరియో సిఎన్‌జిని రూ. 5.61 లక్షలకు (ఎక్స్‌షోరూమ్) లాంచ్ చేశారు. మారుతి సెలెరియో బిఎస్ 6 సిఎన్‌జిని విఎక్స్ఐ మరియు విఎక్స్ఐ(ఓ) అనే రెండు వేరియంట్లలో ప్రవేశపెట్టారు.

బిఎస్ 6 ఉద్గార ప్రమాణాలకు అనుకూలంగా తయారుచేయడం వల్ల ఇప్పుడు దీని ధర మునుపటికంటే రూ .30,000 అధికంగా ఉంటుంది. కొత్త మారుతి సెలెరియో, దేశీయ మార్కెట్లో టాటా టియాగో మరియు హ్యుందాయ్ సాంట్రో వంటి వాటికి ప్రత్యర్థిగా ఉంటుంది.

Source: Autocar India