పాల్ వాకర్ కార్లు & బైకుల వేలం వల్ల వచ్చిన డబ్బు ఎంతో తెలిస్తే ఆశ్చర్యపోతారు

పాల్ వాకర్ మరణించిన తర్వాత ఇటీవల కాలంలో అరిజోనాలోని స్కాట్స్ డేల్‌లో జరిగిన బారెట్-జాక్సన్ లో జరిగిన వేలంలో పాల్ యొక్క వాహనాల్ని అమ్మివేయడం జరిగింది. బారెట్-జాక్సన్ సిఇఓ క్రెయిగ్ జాక్సన్ ప్రకారం వాహనాల యొక్క అమ్మకాల ద్వారా దాదాపుగా $ 2,333,450 వచ్చాయి. అంటే ఇండియన్ కరెన్సీ ప్రకారం 16.4 కోట్ల రూపాయలు.

ఈ వేలంలో కార్లు, బైక్‌లు మరియు ట్రక్కులతో సహా మొత్తం 21 వాహనాలు ఉన్నాయి. జనవరి 14 నుండి 18 వరకు జరిగిన వేలంలో పాల్ వాకర్ యాజమాన్యంలోని ఐదు వైట్ బిఎమ్‌డబ్ల్యూ ఎం 3 లైట్‌వెయిట్ ఎడిషన్ల శ్రేణి వేలం వేయబడింది.

ఈ వేలంలో అత్యదిక ధరలో అమ్ముడైన వెహికల్ 1995 ఇ 36 బిఎమ్‌డబ్ల్యూ కారు. ఇది దాదాపుగా $ 385,000 అంటే ఇండియన్ కరెన్సీ ప్రకారం 2.74 కోట్ల రూపాయలు.

పాల్ వాకర్ కార్ల వేలం ద్వారా వచ్చిన మొత్తం ఆదాయాన్ని తన కుమార్తె అయిన మేడో రెయిన్ వాకర్ ట్రస్టుకి పంపడం జరిగింది. ఈ ట్రస్టు ద్వారా చాలా మందికి ఉంపయోగపడుతుంది. పాల్ తన దగ్గర ఉన్న ఐదు బిఎండబ్ల్యూ ఎమ్ 3 కార్లను కొనుగోలు చేయడానికి తన సొంత డబ్బును ఉపయోగించారని చెప్పారు.

పాల్ వాకర్ మరణించిన తరువాత కూడా తన వాహనాలు పెట్టుబడులుగా మారాయి. తన వాహనాలన్నీ మంచి జ్ఞాపకాలుగా ఉన్నప్పటికీ ఆ నటుడి యొక్క ఆస్తులు తమ కుటుంబానికి చాలా ఉపయోగపడ్డాయి. పాల్ తో ఉన్న అనుబంధానికి తన కుమార్తె కొన్ని జ్ఞాపకాలను తనతోనే ఉంచుకుంది.

సాధారణంగా కొంతమంది గొప్పవారు తాము బ్రతికున్నపుడు మాత్రమే కాకుండా, వారు చనిపోయిన తరువాత కూడా సమాజానికి ఉపయోగపడతారు. ఈ నేపథ్యంలోనే అమెరికన్ నటుడు అయిన పాల తాను మరణించినతరువాత కూడా సొసైటీకి చాలా ఉపయోగపడ్డారు.

Image Courtesy: Barrett-Jackson