ఆరోగ్య కార్యకర్తలకు గుడ్ న్యూస్, లక్ష ఉచిత విమాన టికెట్లను అందించనున్న ఖతార్

ఖతార్ ఎయిర్‌వేస్ దీని గురించి మాట్లాడుతూ ప్రపంచవ్యాప్తంగా కరోనావైరస్‌తో పోరాడుతున్న వైద్యులు మరియు ఆరోగ్య కార్యకర్తలను మేము అభినందిస్తున్నామన్నారు. కరోనా రోగుల ప్రాణాలను కాపాడటానికి కరోనా వారియర్స్ తమ ప్రాణాలను పణంగా పెడుతున్నారు.

వైద్యులు వారి దయ మరియు అంకితభావం కారణంగా ప్రపంచవ్యాప్తంగా ఇప్పటికే మిలియన్ల మంది ప్రాణాలను రక్షించారు. వైద్యులు, నర్సులు, ల్యాబ్ టెక్నీషియన్లతో సహా ప్రపంచంలోని ప్రతి దేశానికి చెందిన ఆరోగ్య కార్యకర్తలు ఈ టికెట్ పొందటానికి అర్హులు. టిక్కెట్లు పారదర్శకంగా పంపిణీ చేయబడతాయి. జనాభా ఆధారంగా ప్రతి దేశానికి టికెట్లు జారీ చేస్తారు.

ఎంపికైన ఆరోగ్య కార్యకర్తలకు రెండు రౌండ్‌ట్రిప్ టికెట్లను బుక్ చేసుకునే అవకాశం ఇవ్వబడుతుంది. ఖతార్ ఎయిర్‌వేస్ ప్రయాణిస్తున్న ఏ ప్రదేశానికైనా వారు టికెట్ బుక్ చేసుకోవచ్చు.

అదనంగా, ఖతార్ రాజధాని దోహా యొక్క హమద్ అంతర్జాతీయ విమానాశ్రయంలో ఉన్న రిటైల్ దుకాణాలకు 35% తగ్గింపు ఇవ్వబడుతుంది. ఈ టిక్కెట్లను నవంబర్ 26 లోపు రిజర్వు చేయాలి.

ఈ ప్రయాణం 2020 డిసెంబర్ 10 వరకు చెల్లుతుంది. ఈ కాంప్లిమెంటరీ టిక్కెట్లను రీ షెడ్యూల్ చేయడానికి లేదా రద్దు చేయడానికి ఎటువంటి ఛార్జీలు ఉండవని ఖతార్ ఎయిర్వేస్ తెలిపింది. రద్దు చేసిన టిక్కెట్లను తిరిగి బుక్ చేసుకోవచ్చు.

విదేశాలలో చిక్కుకున్న భారతీయులను తిరిగి తీసుకురావడానికి భారత క్యారియర్ ఎయిర్ ఇండియా వందే భారత్ మిషన్‌ను ప్రారంభించింది. ఈ మిషన్ మే 8 నుండి మే 14 వరకు 64 విమానాలను నడపబడతాయి.

ఈ మిషన్ కింద భారతదేశానికి తిరిగి వచ్చే ప్రజలు పూర్తి ప్రయాణ ఖర్చుతో పాటు 14 రోజుల హాస్పిటల్ ఖర్చులు మరియు సదుపాయ ఖర్చులు చెల్లించాల్సి ఉంటుంది. ఈ మిషన్‌లో భారతీయ పౌరులను ఎయిర్ ఇండియా విమానం మరియు యుద్ధనౌకల ద్వారా తిరిగి తీసుకురావడం జరుగుతుంది.