హారియర్ యొక్క కొత్త టీజర్ ని విడుదల చేసిన టాటా మోటార్స్

టాటా మోటార్స్ భారతీయ మార్కెట్లో హారియర్ ఎస్‌యూవీ ఆటోమేటిక్ వేరియంట్ రాకను ప్రకటించే కొత్త టీజర్ వీడియోను విడుదల చేసింది. కొత్త టాటా హారియర్ ఆటోమేటిక్ గేర్‌బాక్స్ వేరియంట్ రాబోయే వారాల్లో విడుదల కానుంది. చాలావరకు 2020 ఆటో ఎక్స్‌పోలో విడుదల చేయడానికి సన్నాహాలు జరుగుతున్నాయి.

టాటా మోటార్స్ విడుదల చేసిన కొత్త టీజర్ వీడియో హారియర్ ఎస్‌యూవీ యొక్క ఆటోమేటిక్ గేర్ లను ప్రదర్శిస్తుంది. టీజర్ వీడియో నలుపు మరియు వెండి రంగులలో పూర్తి చేసిన గేర్, దాని పైన స్టైలిష్ గ్రాఫిక్‌లను ప్రదర్శిస్తుంది. మాన్యువల్ మోడ్‌తో పాటు ప్రామాణిక P, R, N మరియు D వంటి వాటిని కూడా మనం ఈ వీడియోలో గమనించవచ్చు. టాటా హారియర్‌పై ఆటోమేటిక్ ట్రాన్స్‌మిషన్ యూనిట్‌ను ప్రవేశపెట్టడమే కాకుండా దానిని ఎరుపు రంగును హైలైట్ చేస్తుంది.

వీడియోలో టాటా హారియర్ యొక్క నవీనీకరించబడిన బిఎస్-6 కంప్లైంట్ ఇంజిన్ ను పరిచయం చేస్తుంది. ఇంకా ఎలక్ట్రిక్ సన్‌రూఫ్‌ను పరిచయం చేస్తున్నప్పుడు, బ్రాండ్ కొత్త స్పోర్టి డ్యూయల్ టోన్ రెడ్ మరియు బ్లాక్ పెయింట్ స్కీమ్‌ను ప్రవేశపెట్టవచ్చని ఇది సూచిస్తుంది.

టాటా మోటార్స్ ప్రస్తుత ఎస్‌యూవీ 2.0 లీటర్ ‘క్రయోటెక్' డీజిల్ ఇంజిన్‌తో వస్తుంది. ఈ ఇంజిన్ జీప్ కంపాస్‌కు కూడా శక్తినిస్తుంది, అయినప్పటికీ, హారియర్‌లోని ఇంజిన్ 140 బిహెచ్‌పి మరియు 350 ఎన్ఎమ్ టార్క్‌ను కొద్దిగా డి-ట్యూన్ చేసింది. ఇంజిన్ ప్రస్తుతం సిక్స్-స్పీడ్ మాన్యువల్ గేర్‌బాక్స్‌తో అందించబడుతుంది.

టాటా హారియర్‌లోని 2.0-లీటర్ ఇంజిన్ యొక్క బిఎస్ 6-కంప్లైంట్ వెర్షన్ ప్రస్తుత బిఎస్ 4 మోడల్ మాదిరిగానే పవర్ మరియు టార్క్ ఫిగర్‌లను ఉత్పత్తి చేస్తుందని భావిస్తున్నారు. వచ్చే నెలలో 2020 ఆటో ఎక్స్‌పోలో లాంచ్ అయిన తర్వాత, టాటా హారియర్ మిడ్-సైజ్ ఎస్‌యూవీ విభాగంలో తన ప్రత్యర్థులను ఆదుకునేందుకు మెరుగైనదిగా ఉంటుంది.

డ్రైవ్‌స్పార్క్ తెలుగు అభిప్రాయం:

భారతదేశంలో టాటా హారియర్ 2019 ప్రారంభంలోనే ప్రవేశపెట్టబడింది. దీనికి మార్కెట్లో కూడా మంచి ఆదరణ ఉంది. కానీ సంవత్సర కాలంలోనే ఎంజి హెక్టర్ మరియు కియా సెల్టోస్ వంటి వాహనాలకు బాగా డిమాండ్ ఎక్కువైంది. ఈ కారణంగా దీని యొక్క అమ్మకాలలో ముందంజగా వేయలేకపోయింది. ఇదే కాకుండా ఇందులో ఆటోమేటిక్ గేర్‌బాక్స్ లేకపోవడం కూడా దీని అమ్మకాలు తగ్గడానికి ప్రధాన కారణం అని చెప్పవచ్చు. కానీ 2020 హారియర్ లో ఆటోమేటిక్ గేర్‌బాక్స్ ప్రవేశపెట్టడంతో తిరిగి ఎప్పటిలాగే అమ్మకాలు జరిపే అవాకారం ఉందని భావిస్తున్నారు.