టాటా మోటార్స్ కాంపాక్ట్ ఎస్‌యూవీ పేరు "టైమరో"!?

తాజాగా వాణిజ్య మరియు పరిశ్రమల మంత్రిత్వ శాఖ డేటాబేస్ నుండి లీకైన డాక్యుమెంట్ ప్రకారం, టాటా మోటార్స్ ఓ కొత్త పేరును ట్రేడ్‌మార్క్ కోసం రిజిస్టర్ చేసింది. ఈ డాక్యుమెంట్‌లో "టాటా టైమరో" అనే పేరును ప్రస్థావించారు. దీన్నిబట్టి చూస్తుంటే, టాటా నుండి రానున్న కాంపాక్ట్ ఎస్‌యూవీ కోసమే ఈ పేరును రిజిస్టర్ చేసినట్లు తెలుస్తోంది.

ప్రస్తుతం టాటా మోటార్స్ నుంచి భారత్‌కు రెండు ఎస్‌యూవీలు మార్కెట్లోకి రానున్నాయి. అందులో ఒకటి హారియర్ ప్లాట్‌ఫామ్‌పై అభివృద్ధి చేస్తున్న పొడగించబడిన టాటా గ్రావిటాస్ 7-సీటర్ ఎస్‌యూవీ, మరొకటి పూర్తిగా కొత్త ప్లాట్‌ఫామ్‌పై రానున్న 5-సీటర్ కాంపాక్ట్ ఎస్‌యూవీ. వాణిజ్య మరియు పరిశ్రమల మంత్రిత్వ శాఖ సమాచారం ప్రకారం, టాటా మోటార్స్ గడచిన సంవత్సరంలోనే ఈ ట్రేడ్‌మార్క్‌ను దాఖలు చేయగా, తాజాగా సెప్టెంబర్ 2020 నెలలో లైసెన్స్ పొందింది.

MOST READ:ఇష్టమైన కారుని విరాళంగా ఇచ్చిన ప్రముఖ నటుడు జాన్ అబ్రహం.. ఎందుకో తెలుసా?

టాటా మోటార్స్ గడచిన 2020 ఆటో ఎక్స్‌పోలో తొలిసారిగా ఓ సరికొత్త హెచ్‌బిఎక్స్ కాన్సెప్ట్ కారును పరిచయం చేసింది. ఈ కాన్సెప్ట్ కారును ఆధారంగా చేసుకొని కంపెనీ ఇందులో కాంపాక్ట్ ఎస్‌యూవీని తయారు చేసే అవకాశం ఉంది. ఆ కారుకి టైమరో అనే పేరును పెట్టవచ్చే ఊహాగానాలు వినిపిస్తున్నాయి.

టాటా నుంచి విడుదలైన పాపులర్ కార్ టాటా ఆల్ట్రోజ్ ప్రీమియం హ్యాచ్‌బ్యాక్‌ను డిజైన్ చేసినట్లుగానే ఆల్ఫా ఆర్కిటెక్చర్ మరియు ఇంపాక్ట్ 2.0 డిజైన్ ప్లాట్‌ఫామ్‌లను ఉపయోగించి ఈ మైక్రో ఎస్‌యూవీని అభివృద్ది చేయనున్నట్లు సమాచారం. టాటా హ్యారియర్ ఎస్‌యూవీ డిజైన్ నుంచి స్ఫూర్తి పొంది ఎత్తుగా ఉండేలా దీనిని డిజైన్ చేసినట్లు తెలుస్తోంది.

MOST READ:జర్మనీ కంపెనీ కారు కొన్న భారతీయ నటుడు, ఎవరో తెలుసా ?

వాస్తవానికి టాటా మోటార్స్ ఈ మైక్రో ఎస్‌యూవీని ఈ ఏడాది చివరి నాటికే మార్కెట్లో విడుదల చేయాలని ప్లాన్ చేసింది. అయితే, అనూహ్యం దేశంలో కరోనా మహమ్మారి విజృంభించడంతో ఈ మోడల్ విడుదల మరింత జాప్యమైంది. తాజా నివేదికల ప్రకారం, ప్రస్తుతం ఈ కారు అభివృద్ధి దశ నుంచి ఉత్పత్తి దశకు చేరుకునేందుకు సిద్ధంగా ఉన్నట్లు తెలుస్తోంది.

టాటా మైక్రో-ఎస్‌యూవీలో ఎల్‌ఈడి డిఆర్‌ఎల్‌లను హెడ్‌లైట్ హౌసింగ్ క్రింది భాగంలో అమర్చబడి ఉంటాయి. బంపర్ దిగువ భాగంలో ఫాగ్ లైట్స్ కూడా ఉన్నట్లు తెలుస్తోంది. బడ్జెట్ వినియోగదారులను దృష్టిలో ఉంచుకొని తక్కవ ధరలో అందుబాటులో ఉండేలా ఈ కారును ప్రవేశపెట్టే అవకాశాలు కనిపిస్తున్నాయి.

MOST READ:మీకు తెలుసా.. ఇది భారతదేశపు వేగవంతమైన ఎలక్ట్రిక్ బైక్

భారత్‌లోని గ్రామీణ పట్టణ రోడ్లకు అనుకూలంగా ఉండేలా రగ్డ్ లుక్‌తో మరియు బంప్‌లను తట్టుకునేందుకు వీలుగా పెద్ద వీల్ ఆర్చెస్‌తో ఈ కాంపాక్ట్ ఎస్‌యూవీని డిజైన్ చేసే ఆస్కారం ఉంది. ఆకర్షణీయమైన బాడీ లైన్స్, ఫ్లోటింగ్ రూఫ్ డిజైన్, పెద్ద అల్లాయ్ వీల్స్‌తో ఈ చిన్న కారు మరింత స్టయిలిష్‌గా కనిపించనుంది.

ఇక ఇంటీరియర్ ఫీచర్ల విషయానికి వస్తే.. దీని ధరను అందుబాటులో ఉంచేందుకు గాను కంపెనీ ఇప్పటికే విక్రయిస్తున్న ఆల్ట్రోజ్ ప్రీమియం హ్యాచ్‌బ్యాక్‌లో ఉపయోగిస్తున్న ఇంటీరియర్ తరహాలోనే ఈ కొత్త కాంపాక్ట్ ఎస్‌యూవీలో దాదాపు అవే ఇంటీరియర్స్ కనిపించే అవకాశం ఉంది.

MOST READ:కొత్త కారు కొన్న సన్నీలియోన్ : ఈ కార్ రేటెంతో ఎంతో తెలుసా ?

ఇందులో ప్రధానంగా, పెద్ద టచ్ స్క్రీన్ ఇన్ఫోటైన్‌మెంట్ సిస్టమ్, డ్యూయెల్ టోన్ అప్‌హోలెస్ట్రీ మరియు డ్యాష్‌బోర్డ్, ఆంబియెంట్ ఇంటీరియర్ లైటింగ్, సెమీ-డిజిటల్ ఇన్‌స్ట్రుమెంట్ క్లస్టర్ మొదలైనవి ఈ కొత్త కారులో కూడా ఉండే అవకాశం ఉంది.

టాటా ఆల్ట్రోజ్ కారులో ఉపయోగించిన 1.2 లీటర్ పెట్రోల్ ఇంజన్‌నే కొత్త టాటా హెచ్‌బిఎక్స్‌లో కూడా ఉపయోగించవచ్చని తెలుస్తోంది. ఈ ఇంజన్ గరిష్టంగా 85 బిహెచ్‌పిల శక్తిని, 113 ఎన్ఎమ్‌ల టార్క్‌ని ఉత్పత్తి చేస్తుంది. ప్రస్తుతానికి ఈ ఇంజన్ మ్యాన్యువల్ గేర్‌బాక్స్‌తో మాత్రమే లభిస్తుంది. అయితే, భవిష్యత్తులో ఇందులో ఏఎమ్‌టి (ఆటోమేటెడ్ మ్యాన్యువల్ ట్రాన్సిమిషన్) వచ్చే అవకాశం ఉంది.

టాటా మోటార్స్ కాంపాక్ట్ ఎస్‌యూవీపై డ్రైవ్‌స్పార్క్ అభిప్రాయం.

టాటా మోటార్స్ రిజిస్టర్ చేసిన టైమరో నేమ్‌ప్లేట్ చాలా వినూత్నంగా ఉంది. ఈ మైక్రో-ఎస్‌యూవీ మ్యాన్యువల్ మరియు ఏఎమ్‌టి ఆటోమేటిక్ గేర్‌బాక్స్‌లతో రావచ్చని అంచనా. ఇది ఈ విభాగంలో మారుతి సుజుకి ఎస్-ప్రెస్సో మరియు రెనాల్ట్ క్విడ్‌ వంటి మోడళ్లకు పోటీ ఇచ్చే అవకాశం ఉంది.