టాటా టియాగోలో కొత్త ఇంటీరియర్ ఫీచర్లు: ధర, ఇతర వివరాలు

టీమ్-బిహెచ్‌పి నుండి వచ్చిన చిత్రాల ప్రకారం, టాటా టియాగో హ్యాచ్‌బ్యాక్‌లో కనిపించిన ఓవల్ ఆకారపు ఇంటీరియర్ డోర్ హ్యాండిల్ మరియు స్టిక్ టైప్ డోర్ లాక్‌లను మరింత ప్రీమియం లుకింగ్ యూనిట్‌తో రీప్లేస్ చేసినట్లుగా తెలుస్తోంది. ఇందులో ఇప్పుడు కొత్త ఎల్ ఆకారపు డోర్ హ్యాండిల్ మరియు హ్యాండిల్ పైన ఉంచిన త్రిభుజాకారపు డోర్ లాక్ ఉంది.

కొత్త టాట టియాగో కారులో లోపలి డోర్ హ్యాండిల్ మరియు లాక్ డిజైన్‌తో పాటుగా కంపెనీ డోర్ ట్రిమ్ డిజైన్‌ను కూడా అప్‌డేట్ చేసింది. మునుపటి ఫ్లాట్ డోర్ ట్రిమ్ స్థానంలో, వాలుగా ఉండే పవర్-విండో స్విచ్ కన్సోల్‌ను అమర్చారు.

కారులో ఎక్కువగా ఉపయోగించే ఫీచర్లలో కారు లోపలి డోర్ హ్యాండిల్స్ మరియు పవర్-విండో స్విచ్‌లు చాలా ప్రధానమైనవి. టియాగో హ్యాచ్‌బ్యాక్ ఇంటీరియర్‌లకు కొత్త డిజైన్ అప్‌గ్రేడ్స్ చేసిన తరువాత, ఇప్పుడు క్యాబిన్ లోపలి భాగం మరింత ప్రీమియంగా, మునుపటి కన్నా కొత్తగా అనిపిస్తుంది. ఈ రెండు మార్పులు మినహా ఇందులో వేరే ఏ ఇతర మార్పులు లేవు.

టాటా టియాగో ప్రస్తుతం ఆరు వేరియంట్లలో లభిస్తుంది, ఇందులో రెండు ఆటోమేటిక్ వేరియంట్లు ఉన్నాయి. అవి: ఎక్స్ఈ, ఎక్స్‌టి, ఎక్స్‌జెడ్, ఎక్స్‌జెడ్+, ఎక్స్‌జెడ్ఏ, ఎక్స్‌జెడ్+. మార్కెట్లో ఈ మోడల్ ధరలు రూ.4.7 లక్షల నుండి రూ.6.74 లక్షల మధ్యలో ఉన్నాయి (అన్ని ధరలు ఎక్స్-షోరూమ్, ఇండియా).

టాటా టియాగో హ్యాచ్‌బ్యాక్ ప్రస్తుతం ఒకే ఒక పెట్రోల్ ఇంజన్ ఆప్షన్‌తో లభిస్తోంది. ఇందులోని 1.2-లీటర్, త్రీ-సిలిండర్ పెట్రోల్ ఇంజన్ గరిష్టంగా 85 బిహెచ్‌పి పవర్‌ను మరియు 113 ఎన్ఎమ్ టార్క్‌ను ఉత్పత్తి చేస్తుంది. ఈ ఇంజన్ 5-స్పీడ్ మాన్యువల్ లేదా 5-స్పీడ్ ఏఎమ్‌టి గేర్‌బాక్స్ ఆప్షన్లతో అందుబాటులో ఉంది.

టాటా టియాగోలో కొన్ని ప్రధాన ఫీచర్లను గమనిస్తే, ఇందులో 15 ఇంచ్ అల్లాయ్ వీల్స్, డిజిటల్ ఇన్‌స్ట్రుమెంట్ క్లస్టర్, ఆపిల్ కార్‌ప్లే మరియు ఆండ్రాయిడ్ ఆటోలను సపోర్ట్ చేసే 7.0 ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, ఆటోమేటిక్ క్లైమేట్ కంట్రోల్, పవర్-ఫోల్డింగ్ వింగ్ మిర్రర్ మొదలైన ఫీచర్లు ఉన్నాయి.

ఇంకా ఇందులో డ్యూయెల్ ఎయిర్‌బ్యాగ్స్, కార్నర్ స్టెబిలిటీ కంట్రోల్ (సిఎస్‌సి) మరియు ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్ (ఈబిడి)తో కూడిన యాంటీ-లాక్ బ్రేకింగ్ సిస్టమ్ (ఏబిఎస్), రియర్ పార్కింగ్ అసిస్ట్ వంటి స్టాండర్డ్ సేఫ్టీ ఫీచర్లు కూడా లభిస్తాయి.

టియాగో ఎక్స్‌టి వేరియంట్‌లో డీసెంట్ ఫీచర్లు లభిస్తాయి. అయితే, టియాగో మోడల్‌లోని టాప్-ఎండ్ వేరియంట్లలో మరిన్ని అధనపు ఫీచర్లు లభిస్తాయి. ఇందులో 15 ఇంచ్ అల్లాయ్ వీల్స్, డిజిటల్ ఇన్‌స్ట్రుమెంట్ క్లస్టర్, ఆపిల్ కార్‌ప్లే మరియు ఆండ్రాయిడ్ ఆటోలను సపోర్ట్ చేసే 7.0 ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, ఆటోమేటిక్ క్లైమేట్ కంట్రోల్, పవర్-ఫోల్డింగ్ సైడ్ మిర్రర్స్ మొదలైనవి ఉన్నాయి.

భారత మార్కెట్లో టాటా టియాగో ఈ విభాగంలో డాట్సన్ గో, హ్యుందాయ్ శాంత్రో, మారుతి సుజుకి సెలెరియో మరియు వ్యాగన్ఆర్ వంటి మోడళ్లకు పోటీగా నిలుస్తుంది. టాటా టియాగో ఇటీవలే తమ ఎక్స్‌టి వేరియంట్ ఫీచర్లను కూడా అప్‌డేట్ చేసింది - మరింత సమాచారం కోసం ఈ లింకుపై క్లిక్ చేయండి.

టాటా టియాగో ఇంటీరియర్ ఫీచర్ అప్‌గ్రేడ్స్‌పై డ్రైవ్‌స్పార్క్ అభిప్రాయం.

టాటా మోటార్స్ ఇటీవలే తమ టియాగో వేరియంట్ లైనప్‌లో సైలెంట్‌గా అప్‌డేట్స్ చేస్తూ వస్తోంది. ఈ అప్‌డేట్స్ చాలా స్వల్పమైనవే అయినప్పటికీ, వీటి కారణంగా కంపెనీ ఈ మోడల్ ధరలను మాత్రం పెంచలేదు. కొత్త అప్‌డేట్స్ మరింత ప్రీమియం అనుభవాన్ని మరియు సౌకర్యవంతమైన డ్రైవింగ్ అనుభూతిని అందిస్తాయి.