లాక్‌డౌన్ తర్వాత దేశంలో టాప్-10 కార్లు ఇవే..

ఈ లాక్‌డౌన్ ఎంతో మందిపై అనేక రకాల ప్రభావాన్ని చూపింది. మఖ్యంగా భారత ఆటోమొబైల్ పరిశ్రమ ఈ లాక్‌డౌన్ కారణంగా తీవ్ర నష్టాలను చవిచూసింది. జూన్ నెల మధ్య భాగంలో లాక్‌డౌన్‌ను పాక్షికంగా సడలించినప్పటికీ, ఆ పరిస్థితులను పూర్తిగా కోలుకోవటానికి ఆటోమొబైల్ కంపెనీలకు చాలానే సమయం పట్టింది.

కరోనా వైరస్ వ్యాప్తి నేపథ్యంలో, ప్రజలు ప్రజా రవాణా వ్యవస్థను వదిలి వ్యక్తిగత రవాణ వైపు మొగ్గు చూపడంతో, దేశంలో కార్లకు మరియు ద్విచక్ర వాహనాలకు డిమాండ్ జోరందుకుంది. గడచిన జూన్-నవంబర్ 2020 మధ్య కాలంలో ఆటోమొబైల్ ట్రెండ్స్‌ని గమనిస్తే, దేశంలో అత్యధికంగా అమ్ముడైన టాప్-10 కార్ల వివరాలు ఇలా ఉన్నాయి.

MOST READ:కార్ బోనెట్‌పై పడ్డ పోలీస్.. అలాగే డ్రైవ్స్ చేసిన కార్ డ్రైవర్.. చివరికి ఏం జరిగిందంటే ?

జాటో డైనమిక్స్ విడుదల చేసిన ఈ జాబితా ప్రకారం, మారుతి సుజుకి అందిస్తున్న పాపులర్ ప్రీమియం హ్యాచ్‌బ్యాక్ స్విఫ్ట్ జూన్-నవంబర్ 2020 మధ్య కాలంలో అత్యధికంగా అమ్ముడైన మోడల్‌గా ఈ జాబితాలో అగ్రస్థానంలో నిలిచింది.

నెలవారీ సగటు అమ్మకాలను పరిగణలోకి తీసుకొని ఈ జాబితాను రూపొందించారు. గడచిన ఆరు నెలల్లో, నెలకు సగటున 15,798 మారుతి స్విఫ్ట్ కార్లు అమ్ముడుపోయాయి. ఈ హ్యాచ్‌బ్యాక్ చాలా కాలంగా ఈ విభాగంలోనే నెంబర్ వన్ స్థానంలో కొనసాగుతోంది.

MOST READ:ఒక్క ఫోటో ద్వారా లాక్‌డౌన్ ఫీలింగ్స్ పంచుకున్న ఆనంద్ మహీంద్రా.. ఆ ఫోటో మీరు చూడండి

ఇక ఈ జాబితాలో రెండవ స్థానంలో నెలకు 14,466 యూనిట్లతో మారుతి సుజుకి వ్యాగన్ఆర్ ఉండగా, నెలకు 14,461 యూనిట్లతో మారుతి సుజుకి ఆల్టో మూడవ స్థానంలోనూ మరియు నెలకు 14,316 యూనిట్ల సగటు అమ్మకాలతో మారుతి సుజుకి బాలెనో నాల్గవ స్థానంలోనూ ఉన్నాయి. ఈ జాబితాలో మొదటి నాలుగు మోడళ్లు కూడా మారుతి సుజుకివే కావటం విశేషం.

హ్యుందాయ్ క్రెటా ఈ లిస్టులో ఐదవ స్థానంలో ఉంది. కొత్త అవతార్‌లో వచ్చిన 2020 హ్యుందాయ్ క్రెటా కస్టమర్లను ఆకర్షించడంలో విజయవంతమైందనే చెప్పాలి. ఫేస్‌లిఫ్ట్ తర్వాత ఈ మోడల్ అమ్మకాలు జోరుగా సాగుతున్నాయి. హ్యుందాయ్ క్రెటా సగటున నెలకు 11,480 యూనిట్లు అమ్ముడుపోయాయి. హ్యుందాయ్ సంస్థ అమ్మకాల వృద్ధికి క్రెటా కీలక పాత్ర పోషించింది.

MOST READ:లగ్జరీ బైక్ కొన్న సాధారణ యువకుడు.. ఇంతకీ ఎలా కొన్నాడో తెలుసా?

మారుతి సుజుకి అందిస్తున్న కాంపాక్ట్ సెడాన్ డిజైర్ ఈ జాబితాలో ఆరవ స్థానంలో ఉంది. సగటున ప్రతి నెలా 11,328 యూనిట్ల స్విఫ్ట్ డిజైర్ కార్లు అమ్ముడయ్యాయి. ఆ తర్వాతి స్థానంలో మారుతి సుజుకి అందిస్తున్న మల్టీ పర్సప్ వాహనం ఈకో 9522 యూనిట్లు సగటు నెలవారీ అమ్మకాలతో కొనసాగుతోంది.

హ్యుందాయ్ గ్రాండ్ ఐ10 నియోస్ సగటున నెలకు 9380 యూనిట్ల అమ్మకాలతో ఈ జాబితాలో ఎనిమిదవ స్థానంలో ఉంది. ఇక కియా మోటార్స్ అందిస్తున్న పాపులర్ మిడ్-సైజ్ ఎస్‌యూవీ సెల్టోస్‌ సగటున 8871 యూనిట్ల నెలవారీ అమ్మకాలతో ఈ జాబితాలో 9వ స్థానంలో ఉంది.

MOST READ:ఒకే కారుని 14 సార్లు అమ్మిన ఘరానా మోసగాడు.. ఇంతకీ ఇది ఎలా జరిగిందో తెలుసా

ఇక చివరి స్థానంలో మారుతి సుజుకి అందిస్తున్న పాపులర్ ఎమ్‌పివి ఎర్టిగా ఉంది, ఇది సగటున 8067 యూనిట్ల నెలవారీ అమ్మకాలను కలిగి ఉంది. గడచిన 6 నెలల్లో భారత మార్కెట్లో మొత్తంగా చూసుకుంటే 14 లక్షలకు పైగా కార్లు అమ్ముడయ్యాయి.

దేశంలో అమ్ముడైన మొత్తం కార్లలో హ్యాచ్‌బ్యాక్ విభాగం 40 శాతానికి పైగా ఉంది. జూన్ నుండి నవంబర్ 2020 వరకు దేశంలో అత్యధికంగా అమ్ముడైన కార్ల టాప్-10 జాబితాలో 7 వాహనాలు మారుతి సుజుకి బ్రాండ్‌కు చెందినవే కావటం విశేషం.