భారతదేశంలో అతి తక్కువ ధర కల్గిన టాప్ 5 సిఎన్‌జి కార్లు

బిఎస్ 6 ఉద్గార నిబంధనలు అమలులో ఉన్నందున, భారతదేశంలో ఎంట్రీ లెవల్ మరియు కాంపాక్ట్ కార్లలో ఎక్కువ భాగం ఇప్పుడు పెట్రోల్ మరియు సిఎన్‌జి ఎంపికలతో మాత్రమే అందించబడుతున్నాయి. మన దేశంలో వాహనదారులు ఎంచుకోదగిన 8 లక్షల లోపు ధర కలిగిన 5 సిఎన్‌జి కార్లను గురించి పూర్తి సమాచారం ఇక్కడ తెలుసుకుందాం.

1. గ్రాండ్ ఐ 10 నియోస్ సిఎన్‌జి :

గ్రాండ్ ఐ 10 నియోస్‌ను గతేడాది భారత మార్కెట్లో గ్రాండ్ ఐ 10 వారసుడిగా లాంచ్ చేయబడింది. ఈ మోడల్ యొక్క సిఎన్‌జి వేరియంట్ ఈ సంవత్సరంలోనే ప్రారంభించబడింది. ఇందులో మొత్తం నాలుగు ఇంజిన్ ఆప్సన్లు ఉంటాయి. అవి 1.2-లీటర్ పెట్రోల్ ఇంజిన్, 1.2-లీటర్ డీజిల్; 1.0-లీటర్ టర్బో పెట్రోల్; అలాగే 1.2-లీటర్ పెట్రోల్ సిఎన్‌జి.

సిఎన్‌జి వేరియంట్ మాగ్నా, స్పోర్ట్జ్ అనే రెండు వేరియంట్‌లతో అందిస్తున్నారు. వీటి ధరలు వరుసగా రూ. 6.64 లక్షలు, రూ. 7.18 లక్షలు (ఎక్స్‌షోరూమ్). ఇందులో ఉన్న 1.2 లీటర్ పవర్‌ట్రైన్ 69 పిఎస్ గరిష్ట శక్తిని మరియు 95 ఎన్‌ఎమ్ పీక్ టార్క్‌ను విడుదల చేస్తుంది. ఇది 5-స్పీడ్ మాన్యువల్ ట్రాన్స్‌మిషన్‌కు జతచేయబడి ఉంటుంది.

2. మారుతి సుజుకి సెలెరియో సిఎన్‌జి :

సెలెరియో దేశంలో అత్యధికంగా అమ్ముడవుతున్న మారుతి సుజుకి హ్యాచ్‌బ్యాక్ కాకపోవచ్చు, కానీ ఇది చాలా సాధారణ స్థాయిలో విక్రయించబడుతోంది.

సెలెరియో బిఎస్-6 కంప్లైంట్ 998 సిసి త్రీ సిలిండర్ ఇంజన్ కలిగి ఉంటుంది. మారుతి సుజుకి సెలెరియో సిఎన్‌జి రెండు వేరియంట్‌లతో అందిస్తుంది. అవి మిడ్-స్పెక్ విఎక్స్ఐతో పాటు విఎక్స్ వి (ఓ). వీటి ధరలు వరుసగా రూ. 5.6 లక్షలు, రూ. 5.68 లక్షలు (ఎక్స్-షోరూమ్).

3. హ్యుందాయ్ ఆరా సిఎన్‌జి :

హ్యుందాయ్ ఆరా గ్రాండ్ ఐ 10 నియోస్ సెడాన్ మాదిరిగా ఉంటుంది. అంతే కాకుండా గ్రాండ్ ఐ 10 నియోస్ మాదిరిగానే ఇంజన్ ఎంపికలను కూడా కలిగి ఉంటుంది. గ్రాండ్ ఐ 10 నియోస్ సిఎన్‌జికి భిన్నంగా ఇది రెండు వేర్వేరు ట్రిమ్‌లలో అందించబడుతుంది. , హ్యుందాయ్ ఆరా మాత్రం ఒకే సిఎన్‌జి వేరియంట్‌ను కలిగి ఉంటుంది.

4. హ్యుందాయ్ సాంట్రో సిఎన్‌జి :

హ్యుందాయ్ మోటార్ ఇండియా లిమిటెడ్ ప్రారంభించిన మొట్టమొదటి కారు సాంట్రో. అయితే పెరుగుతున్న పోటీ కారణంగా 2014 లో నిలిపివేయబడింది. కానీ సాంట్రో నేమ్‌ప్లేట్‌తో ముందుకు తీసుకురావడానికి హ్యుందాయ్ తిరిగి దేశానికి థర్డ్-జెన్ మోడల్‌ను 2018 లో ప్రారంభించింది.

ఈ సాంట్రో కారు 1.1 లీటర్, 4 సిలిండర్ పెట్రోల్ ఇంజన్ కలిగి ఉంటుంది. ఇది 69 పిఎస్ పవర్ మరియు 99 ఎన్ఎమ్ టార్క్ ఉత్పత్తి చేస్తుంది. అయినప్పటికీ, సిఎన్‌జి కిట్‌తో ఉన్నప్పుడు, శక్తి మరియు టార్క్ గణాంకాలు వరుసగా 60 పిఎస్ మరియు 85 ఎన్‌ఎమ్‌లకు వస్తాయి.

హ్యుందాయ్ సాంట్రో - మాగ్నా యొక్క రెండు సిఎన్‌జి వేరియంట్ల ధర రూ. 5.84 లక్షలు. అదే విధంగా స్పోర్ట్ వేరియంట్ ధర రూ. 6.2 లక్షల రూపాయలు (ఎక్స్-షోరూమ్).

5. మారుతి సుజుకి వాగన్ ఆర్ సిఎన్‌జి :

భారత మార్కెట్లో మారుతి సుజుకి వాగన్ ఆర్ గత కొంతకాలంగా అత్యధికంగా అమ్ముడవుతున్న కాంపాక్ట్ హ్యాచ్‌బ్యాక్‌లలో ఒకటి. మరియు ఎయిర్ పోర్ట్ సర్వీస్ లో కూడా బాగా ప్రాచుర్యం పొందింది.

మారుతి సుజుకి ప్రస్తుతం వాగన్ ఆర్ 1.0-లీటర్ మూడు సిలిండర్ మరియు 1.2-లీటర్ నాలుగు సిలిండర్ల పెట్రోల్ ఇంజిన్‌లతో అందిస్తోంది. అయితే సిఎన్‌జి వేరియంట్ ని మునుపటి ఎంపికగానే అందిస్తున్నారు. పెట్రోల్ సిఎన్‌జి పవర్ట్రెయిన్ యొక్క అవుట్పుట్ గణాంకాలు 60 పిఎస్ మరియు 78 ఎన్ఎమ్ వద్ద ఉన్నాయి.

మారుతి సుజుకి వాగన్ ఆర్ సిఎన్‌జిని రెండు వేర్వేరు వేరియంట్లలో లభిస్తుంది. అవి ఒకటి బేస్ LXi ట్రిమ్, రెండవది LXi (ఓ). వీటి ధరలు వరుసగా రూ. 5.25 లక్షలు మరియు రూ. 5.32 లక్షలు (ఎక్స్-షోరూమ్).