2020 ఆటో ఎక్స్పో ఢిల్లీలో ప్రదర్శించబోతున్న టాప్10 కార్లు ఇవే!

1.రెండవ తరం హ్యుందాయ్ క్రెటా మరియు హ్యుందాయ్ టక్సన్ ఫేస్ లిఫ్ట్:

కొరియా తయారీదారు అయిన హ్యుందాయ్ ఆటో ఎక్స్‌పోలో రెండు ఎస్‌యూవీలను ప్రదర్శించబోతోంది. అన్ని కొత్త క్రెటా మరియు టక్సన్ ఫేస్‌లిఫ్ట్ రెండింటిలో పనోరమిక్ సన్‌రూఫ్ మరియు పెద్ద ఇన్ఫోటైన్‌మెంట్ సిస్టమ్‌లను కలిగి ఉన్న క్రొత్త ఫీచర్లు ఉంటాయి. ఇంకా అదనంగా హ్యుందాయ్ టక్సన్ ఫేస్ లిఫ్ట్ ప్రస్తుత 2.0-లీటర్ పెట్రోల్ మరియు డీజిల్ ఇంజిన్ల యొక్క బిఎస్ 6 కంప్లైంట్ ఫార్మాట్లను కలిగి ఉంటుంది.

2.మారుతి సుజుకి విటారా బ్రెజ్జా మరియు మారుతి సుజుకి ఎస్-క్రాస్ ఫేస్‌లిఫ్ట్:

దేశంలోని అతిపెద్ద కార్ల తయారీ సంస్థల్లో ఒకటి మారుతి సుజుకి. ఇది 2020 ఫిబ్రవరిలో ఢిల్లీలో జరిగే ఆటో ఎక్స్‌పోలో బ్రెజ్జా మరియు ఎస్-క్రాస్ ఫేస్‌లిఫ్ట్ మోడళ్ల పెట్రోల్ వెర్షన్లను ఆవిష్కరించనున్నట్లు మనకు తెలుస్తుంది. 2020 విటారా బ్రెజ్జా ఫేస్‌లిఫ్ట్ యొక్క చిత్రాలు ఇటీవలి బయటపడ్డాయి. ఈ వాహనం ఎల్‌ఇడి హెడ్‌ల్యాంప్‌లు మరియు రివైజ్డ్ అప్హోల్‌స్టరీతో సహా కొత్త ఫీచర్లను కలిగి ఉంటుందని వెల్లడించింది. ఈ సంస్థ ఎస్-క్రాస్ బిఎస్ 6 ఎఎమ్‌టిని కూడా ఆవిష్కరిస్తుందని భావిస్తున్నారు.

3.స్కోడా కమిక్ మరియు స్కోడా కరోక్ :

భారతీయ మార్కెట్లలో కోల్పోయిన స్థానాన్ని తిరిగి పొందడానికి తీవ్రంగా ప్రయత్నిస్తున్న సంస్థ స్కోడా. ఈ సంస్థ రాబోయే ఆటో ఎక్స్‌పోలో కమిక్ మరియు కరోక్‌లను ప్రదర్శిస్తుందని భావిస్తున్నారు. కామిక్ పెట్రోల్ మరియు సిఎన్జి ఫార్మాట్లతో వస్తుందని భావిస్తున్నారు. వాస్తవానికి స్కోడా పెట్రోల్ ఇంజన్ మాత్రమే ఇస్తుంది. కంపెనీ డీజిల్ ఇంజిన్‌ను అస్సలు ఇవ్వదు అని స్పష్టంగా తెలుస్తుంది.

4.వోక్స్వ్యాగన్ టి-ఆర్ఓసి మరియు వోక్స్వ్యాగన్ టిగువాన్:

వోక్స్వ్యాగన్ ఇటీవల దేశంలోని టాప్ ఎస్యువి బ్రాండ్లలో ఒకటిగా మారుతున్నట్లు తెలిపింది. ఆటో ఎక్స్‌పో 2020 లో కంపెనీ టి-ఆర్‌ఓసి మరియు టిగువాన్ ఆల్‌స్పేస్ ఎస్‌యూవీలను ప్రదర్శింపబోతుంది. టి-ఆర్‌ఓసి మరియు టిగువాన్ ఆల్‌స్పేస్ ఐదు మరియు ఏడు సీట్లు కలిగిన వాహనం, మరియు 1.5-లీటర్ టర్బో పెట్రోల్ ఇంజన్ ని కలిగి ఉంటుంది.

5.రెనాల్ట్ హెచ్‌బిసి ఎస్‌యూవీ:

ఫ్రెంచ్ ఆటో తయారీదారు అయిన రెనాల్ట్ ఆటో ఎక్స్‌పోలో హెచ్‌బిసి అనే సంకేతనామం కలిగిన దాని సబ్ 4 మీటర్ల ఎస్‌యూవీని ప్రదర్శిస్తుంది. దీనిగురించి మనకు ఖచ్చితమైన సమాచారం లేదు. కానీ ఒకసారి HBS ఒక కాన్సెప్ట్ లేదా ప్రొడక్షన్ స్పెక్ రూపంలో ప్రదర్శించబడుతుందని ఆశించవచ్చు. సంస్థ యొక్క ట్రైబర్ మరియు డస్టర్ మోడళ్ల మధ్య శూన్యతను హెచ్‌బిసి నింపుతుందని, మరియు ట్రైబర్లో చాలా అంతర్గత అంశాలను పంచుకోవచ్చని భావిస్తున్నారు.

6.కియా క్యూవైఐ:

భారత మార్కెట్లో ఎంతో ఆసక్తిగా ఎదురుచూస్తున్న కాంపాక్ట్ ఎస్‌యూవీలలో కియాఒకటి. క్యూవైఐ ఇప్పుడు ఢిల్లీ ఆటో ఎక్స్‌పోలో కనిపించనుంది. గత కొన్ని నెలలుగా ఈ ఎస్‌యూవీని పలుసార్లు పరీక్షించారు. కియా క్యూవైఐ ఇప్పుడు హ్యుందాయ్ వెన్యూ మరియు కియా సెల్టోస్ రెండింటి ఇంజిన్ కాన్ఫిగరేషన్లను పంచుకుంటుందని భావిస్తున్నారు. ఇందులో ఫీచర్ వీలైనంత రిచ్ గా ఉండే అవకాశం ఉంది. కియా వేరే పేరుతో QYI ని కూడా ఆవిష్కరించనుంది.

7.ఎంజి హెక్టర్ ప్లస్:

ఎంజి బ్రాండ్ నుండి రాబోయే ఎంజి హెక్టర్ ప్లస్ ఈ ఫిబ్రవరిలో జరగనున్న ఆటో ఎక్స్‌పో 2020 లో అడుగుపెట్టనుంది. ఇటీవల ఈ వాహనాన్ని పరీక్షించేటప్పుడు వెల్లడించారు మరియు హెక్టర్ ప్లస్ ఇప్పుడు చిన్న మార్పులతో వస్తుందని ఆశిస్తున్నారు. ఇందులో ప్రత్యేకంగా రెండవ, మూడవ వరుస కెప్టెన్ సీట్లు కూడా ఉంటాయి.

8.టాటా గ్రావిటాస్, టాటా నెక్సాన్ ఇవి, టాటా నెక్సాన్ ఫేస్‌లిఫ్ట్ మరియు హెచ్ 2 ఎక్స్ బేస్డ్ మైక్రో ఎస్‌యూవీ:

టాటా మోటార్స్ ఎస్ యు ఢిల్లీ ఆటో ఎక్స్‌పోలో నాలుగు ఎస్‌యూవీలను ప్రదర్శించనున్నాయి. గ్రావిటాస్ మరియు నెక్సాన్ ఫేస్‌లిఫ్ట్ యొక్క చిత్రాలను మేము ఇప్పటికే మీ ముందుకు తీసుకువచ్చాము, కాబట్టి ఈ రెండు వాహనాలు ఖచ్చితంగా ఎక్స్‌పోలో ఉండాలని మేము ఆశిస్తున్నాము. టాటా యొక్క నెక్సాన్ ఇవి ఇప్పటికే ప్రదర్శించబడింది మరియు టాటా గ్రావిటాస్ జెనీవా మోటార్ షో 2019 లో చూసిన బజార్డ్ మోడల్ నుండి పలు ఫీచర్లు మరియు డిజైన్ అంశాలను పంచుకుంటుందని భావిస్తున్నారు.

9.మహీంద్రా థార్, ది మహీంద్రా స్కార్పియో, మరియు రెండవ తరం మహీంద్రా ఎక్స్‌యువి 500:

ముంబైకి చెందిన ఆటో తయారీదారు మహీంద్రా థార్, స్కార్పియో మరియు తదుపరి తరం ఎక్స్‌యువి 500 యొక్క 2020 మోడళ్లను పరీక్షిస్తున్నారు. ఇప్పుడు ఈ మూడు ఎస్‌యూవీలను ఢిల్లీ ఆటో ఎక్స్‌పో 2020 లో ప్రదర్శించనున్నారు. ఈ మూడు వాహనాల్లోనూ బిఎస్ 6 కంప్లైంట్ ఇంజన్లతో పాటు కొత్త కాస్మెటిక్ మరియు స్ట్రక్చరల్ మార్పులను ప్రదర్శిస్తారు.

10.మెర్సిడెస్ బెంజ్ ఫోర్త్-జనరేషన్ జిఎల్‌ఇ, మరియు మెర్సిడెస్ బెంజ్ థర్డ్-జనరేషన్ జిఎల్‌ఎస్:

ఢిల్లీ ఆటో ఎక్సపోలో ఈ రెండు లగ్జరీ ఎస్‌యూవీలు ప్రదర్శించబడతాయి. రెండు ఎస్‌యూవీలు బహుళ ఇంజిన్ ఎంపికలతో వస్తాయి. ఇప్పుడు ఈ రెండు 2020 లో ప్రదర్శించడానికి ఎదురుచూస్తున్నాయి.

11.జిడబ్ల్యు మోటార్స్ హవల్ 6 ఎస్‌యూవీ:

చైనా ఆటో తయారీదారు గ్రేట్ వాల్ మోటార్స్ ఇప్పుడు ఢిల్లీ ఆటో ఎక్స్‌పో 2020 లో భారత్‌లోకి అడుగుపెట్టనుంది. ఎంజి హెక్టర్ మరియు టాటా హారియర్‌తో పోటీ పడే హవల్ హెచ్ 6 ఎస్‌యూవీని కంపెనీ ప్రదర్శించబోతోంది. సంస్థ యొక్క అంతర్జాతీయ స్పెక్ హవల్ హెచ్ 6 ఎస్‌యూవీలలో కనిపించనుంది. ఇప్పుడు 1,5-లీటర్ మరియు 2.0-లీటర్ టర్బో పెట్రోల్ యూనిట్లతో హవల్ హెచ్ 6 వస్తుందని అంచనాలు ఉన్నాయి.

ఆటో ఎక్స్‌పో 2020 లో టాప్ ఎస్‌యూవీల గురించి ఆలోచనలు:

ఢిల్లీ ఆటో ఎక్స్‌పో 2019 లో ప్రదర్శించబడుతుందని భావిస్తున్న టాప్ ఎస్‌యూవీల జాబితా ఇది. ఇప్పటిదాకా తెలియజేసిన టాప్ ఎస్‌యూవీ లన్ని కూడా 2020 లో మనముందుకు రాబోతున్నాయి. వేచి చూద్దాం!