టొయోటా అర్బన్ క్రూయిజర్ ఇంటీరియర్స్ వెల్లడి; ఈ అద్భుతాన్ని మీరు చూసేయండి!

మారుతి సుజుకి-టొయోటా కిర్లోస్కర్ ఒప్పందంలో భాగంగా, ఈ జాయింట్ వెంచర్ నుంచి వస్తున్న రెండవ ఉత్పత్తి ఈ అర్బన్ క్రూయిజర్. ఈ జాయింట్ వెంచర్ ఇప్పటికే మారుతి బాలెనో ఆధారంగా చేసుకొని తయారు చేసిన టొయోటా గ్లాంజాను విక్రయిస్తున్న సంగతి తెలిసినదే. తాజాగా వస్తున్న అర్బన్ క్రూయిజర్‌ను కూడా మారుతి సుజుకి విటారా బ్రెజ్జా ప్లాట్‌ఫామ్‌పై తయారు చేశారు.

ఇంటీరియర్ చిత్రాలలో చూపినట్లుగా, మారుతి సుజుకి బ్రెజ్జాకి మరియు టొయోటా అర్బన్ క్రూయిజర్‌కి మధ్య క్యాబిన్‌లో రెండు ముఖ్యమైన మార్పులు ఉన్నాయి. అందులో మొదటిది స్టీరింగ్ వీల్‌పై టయోటా లోగో, రెండవది కొత్త డ్యూయెల్-టోన్ డార్క్ బ్రౌన్ అండ్ బ్లాక్ థీమ్.

ఈ రెండు మార్పులు మినహా, మొత్తం క్యాబిన్ మారుతి సుజుకి విటారా బ్రెజ్జా మాదిరిగానే ఉంటుంది. ఇందులోని కొన్ని ముఖ్యమైన ఫీచర్లలో పుష్-బటన్ ఇంజన్ స్టార్ట్ / స్టాప్ మరియు ఆటోమేటిక్ క్లైమేట్ కంట్రోల్ మరియు రెయిన్ సెన్సింగ్ వైపర్స్ వంటి వాటిని చెప్పుకోవచ్చు.

ఇంకా ఇందులో క్రూయిజ్ కంట్రోల్‌తో పాటుగా ఎలక్ట్రోక్రోమిక్ రియర్‌వ్యూ మిర్రర్ మరియు కప్ హోల్డర్‌లతో కూడిన రియర్ సీట్ ఆర్మ్‌రెస్ట్ ఉంటాయి. మారుతి అందిస్తున్న ‘స్మార్ట్‌ప్లే స్టూడియో' ఇన్ఫోటైన్‌మెంట్ సిస్టమ్‌ను టొయోటా 'స్మార్ట్ ప్లేకాస్ట్'గా రీబ్రాండ్ చేసి విక్రయిస్తోంది. ఇందులో 7 ఇంచ్ టచ్‌స్క్రీన్ ఇన్ఫోటైన్‌మెంట్ డిస్‌ప్లే ఉంటుంది.గా ఇది ఆపిల్ కార్‌ప్లే, ఆండ్రాయిడ్ ఆటోతో పాటుగా బ్రాండ్ కనెక్టింగ్ టెక్నాలజీని సపోర్ట్ చేస్తుంది.

ఇక టొయోటా అర్బన్ క్రూయిజర్ ఎక్స్టీరియర్ వివరాలను గమనిస్తే, ముందు వైపు రెండు హారిజాంటల్ గ్రిల్‌తో కూడిన కొత్త బంపర్‌ను చూడొచ్చు. ఈ గ్రిల్ మధ్యలో ‘టొయోటా' లోగో ఉంటుంది. ఎల్‌ఈడి ప్రొజెక్టర్ హెడ్‌ల్యాంప్‌లు, టర్న్ ఇండికేటర్లుగా మారే ఎల్‌ఈడి డిఆర్‌ఎల్‌లు, ఫ్రంట్ బంపర్‌పై ఎల్‌ఈడి ఫాగ్ లాంప్స్‌, సెంట్రల్ ఎయిర్ డ్యామ్, సిల్వర్ ఫినిష్‌లో కూడిన ఫాక్స్ స్కిడ్ ప్లేట్స్ వంటి మార్పులు ఉన్నాయి.

టొయోటా అర్బన్ క్రూయిజర్‌లో 16 ఇంచ్ డైమండ్-కట్ అల్లాయ్ వీల్స్, వెనుక వైపు ఎల్‌ఈడి టెయిల్ లైట్స్, ఎల్‌ఈడి స్టాప్ లైట్‌తో కూడిన రియర్ స్పాయిలర్ ఉన్నాయి. ఇది మొత్తం 9 కలర్ ఆప్షన్లలో లభ్యం కానుంది. ఇందులో ఆరు సాలిడ్ కలర్ ఆప్షన్స్ మరియు మూడు డ్యూయెల్ టోన్ కలర్ ఆప్షన్స్ (టాప్-ఎండ్ వేరియంట్లలో మాత్రమే) ఉంటాయి.

ఇక ఇంజన్ విషయానికి వస్తే, ప్రస్తుతం కొత్త మారుతి సుజుకి విటారా బ్రెజ్జా బిఎస్6లో ఉపయోగిస్తున్న పెట్రోల్ ఇంజన్‌నే కొత్త అర్బన్ క్రూయిజర్‌లోనూ ఉపయోగించనున్నారు. ఇందులో సుజుకి మైల్డ్-హైబ్రిడ్ టెక్నాలజీతో కూడిన 1.5-లీటర్ కె-సిరీస్ ఇంజన్‌ను ఉపయోగించనున్నారు.

ఈ ఇంజన్ 104 బిహెచ్‌పి శక్తిని మరియు 138 ఎన్ఎమ్ టార్క్‌ను ఉత్పత్తి చేస్తుంది. ఇది 5-స్పీడ్ మాన్యువల్ లేదా 4-స్పీడ్ టార్క్-కన్వర్టర్ ఆటోమేటిక్ గేర్‌బాక్స్ ఆప్షన్లతో లభ్యం కానుంది.

టొయోటా అర్బన్ క్రూజర్ ఇంటీరియర్స్‌పై డ్రైవ్‌స్పార్క్ అభిప్రాయం.

టొయోటా అర్బన్ క్రూయిజర్ ఉత్పత్తి వ్యయాన్ని తగ్గించేందుకు కంపెనీ దీని ఇంటీరియర్స్‌లో పెద్దగా మార్పులు చేయలేదు. దీని క్యాబిన్ మొత్తం మారుతి సుజుకి విటారా బ్రెజ్జా మాదిరిగానే అనిపిస్తుంది. మార్కెట్లో ఇది కియా సోనెట్, హ్యుందాయ్ వెన్యూ, ఫోర్డ్ ఎకోస్పోర్ట్ మరియు మారుతి విటారా బ్రెజ్జా వంటి మోడళ్లకు పోటీగా నిలుస్తుంది.