కార్ల అమ్మకాలలో కొత్త రికార్డు సృష్టించిన జమ్మూ కాశ్మీర్

జమ్మూ కాశ్మీర్ లో దేశంలోనే అత్యధిక కార్ల అమ్మకాలు జరిగాయి. 2019-20 ఆర్థిక సంవత్సరంలో జమ్మూ కాశ్మీర్ రాష్ట్రంలో కార్ల అమ్మకాలు దాదాపు 53.4% ​​పెరిగాయి. 2020 హోండా సిటీ కారు క్రాష్ టెస్ట్‌లో ఏకంగా 5 స్టార్ సాధించింది.

ఢిల్లీలో కార్ల అమ్మకాలు మాత్రం 43.6% తగ్గాయి. నివేదికల ప్రకారం కేంద్ర భూభాగమైన జమ్మూ కాశ్మీర్‌ ఇతర రాష్ట్రాల కంటే కార్ల అమ్మకాలు మెరుగ్గా ఉన్నాయి. లాక్ డౌన్ కారణంగా మార్చి నెలలో అమ్మకాలు బాగా తగ్గాయి. 2019-20 ఆర్థిక సంవత్సరం దేశ ఆటో మొబైల్ పరిశ్రమకు చాలా కష్టాలను తెచ్చిపెట్టింది.

ఇప్పుడు కరోనా వైరస్ లాక్ డౌన్ కారణంగా ఆటో ఉత్పత్తులు ఆగిపోయాయి. దేశంలోని చాలా ఆటోమొబైల్ కంపెనీలు చైనా మరియు దక్షిణ కొరియా నుండి 10% ముడి పదార్థాలను దిగుమతి చేసుకుంటాయి. చైనా మరియు దక్షిణ కొరియాలో ఉత్పత్తి ఆగిపోయినప్పటి నుండి భారతదేశ ఆటో మొబైల్ పరిశ్రమ ముడి పదార్థాల సరఫరాపై ప్రభావం చూపింది.

ఇదే సమయంలో భారతదేశంలో బిఎస్ 6 కాలుష్య నిబంధనలు 2020 ఏప్రిల్ 1 నుంచి అమలులోకి వచ్చాయి. కానీ భారతదేశంలోని ఆటోమొబైల్ కంపెనీలు బిఎస్ 4 వాహనాల అమ్మకం నుండి సుమారు 10,000 కోట్ల రూపాయలు నష్టపోయే అవకాశం కూడా ఉంది. కానీ సుప్రీం కోర్టు తీర్పు ప్రకారం లాక్ డౌన్ ముగిసిన తర్వాత బిఎస్ 4 వాహనాల అమ్మకలకు అదనంగా 10 రోజులు గడువు కూడా ఇచ్చింది.

అయితే మిగిలిన వాహనాలను విక్రయించడానికి ఎక్కువ సమయం ఇవ్వాలని ఆటో మొబైల్ కంపెనీలు భావిస్తున్నాయి. ఈ నెల చివరి వరకు బిఎస్ 4 వాహనాలను అమ్మలేమని ఆటోమొబైల్ డీలర్లు తెలిపారు. ఎందుకంటే ఈ నెల 14 న లాక్ డౌన్ ముగియనుంది. కానీ ఈ కరోనా వైరస్ మరింత ఎక్కువగా వ్యాపించడం వల్ల ఈ లాక్ డౌన్ మరింత పొడిగించే అవకాశం కూడా ఉంది.