ఇది 16 ఏళ్ల పాత హ్యుందాయ్ శాంత్రో కారు అంటే నమ్మగలరా?

అయితే, పాతకాలపు హ్యుందాయ్ శాంత్రోకి మార్కెట్లో ఓ ప్రత్యేకమైన గుర్తింపు ఉంది. మధ్యతరగతి ప్రజల కారుగా నిలిచిన ఈ కారుతో సదరు కారు యజమానులకు ఉన్న అనుబంధం చాలా ప్రత్యేకమైనది. అలాంటి ఓ పాత హ్యుందాయ్ శాంత్రో కారును ఓ యజమానికి సరికొత్తగా మార్చారు.

సుమారు 16 సంవత్సరాల వయస్సు ఉన్న ఈ పాత హ్యుందాయ్ శాంత్రో జింగ్ మోడల్‌ను పూర్తిగా రీస్టోర్ చేశారు. ప్రస్తుతం శాంత్రో జింగ్ మోడల్ మార్కెట్లో అమ్మకానికి లేదు. అయినప్పటికీ, ఈ కార్ ప్రియుడు తన శాంత్రో జింగ్ కారును తాను కొన్నప్పుడు ఎలా ఉందో ఇప్పుడు కూడా అలానే ఉండేలా కస్టమైజ్ చేయించుకున్నాడు.

MOST READ:ఈ టిప్స్ వాడండి, వాహన దొంగతనాలకు చెక్ పెట్టండి

బ్రోటోమోటివ్ యూట్యూబ్ ఛానెల్‌లో పోస్ట్ చేసిన వీడియో ప్రకారం, ఇందులో సదరు హ్యుందాయ్ శాంత్రో జింగ్ కారు మెకానిక్ షాపుకు రాక మునుపు మరియు వచ్చిన తర్వాత ఎలా ఉందో చూడొచ్చు. ఈ కారు ఫుల్ రీస్టోరేషన్ తర్వాత, దాని అవుట్‌పుట్ చూస్తే ఎవ్వరైనా అవాక్కవ్వాల్సిందే.

చిత్ర సౌజన్యం: BROTOMOTIV

ఈ పాత హ్యుందాయ్ శాంత్రో జింగ్ కారుకి 16 ఏళ్ల వయస్సు ఉన్నప్పటికీ, ఇది పెద్దగా డ్యామేజ్ కాలేదు. అంతేకాకుండా ఈ కారుకి ఎలాంటి మేజర్ యాక్సిడెంట్స్ కూడా జరగలేదు. రెగ్యులర్ వేర్ అండ్ టేర్, రస్ట్ మినహా ఈ కారు మంచి కండిషన్‌లోనే ఉంది. అందుకే, దీనిని ఫ్యాక్టరీ కండిషన్‌లోకి రీస్టోర్ చేయటం సులువైంది.

MOST READ:మాట నిలబెట్టుకున్న ఆనంద్ మహీంద్రా; థార్ ఎస్‌యూవీ పొందిన మహ్మద్ సిరాజ్

హ్యుందాయ్ శాంత్రో జింగ్ రీస్టోరేషన్ ప్రక్రియలో కారుపై ఉండే పెయింట్‌ను పూర్తిగా తొలగించి డెంట్స్ మరియు డింగ్స్‌ను పూడ్చి కొత్తగా రీపెయింట్ చేశారు. ఈ రీపెయిటింగ్ ప్రక్రియలో అవసరమైన చోట టింకరింగ్ చేశారు. తుప్పు పట్టిన భాగాలను తొలగించడం లేదా తిరిగి వెల్డింగ్ చేయటం చేశారు.

ఈ కారులోని ఇంజన్ ప్రాంతంలో కొన్ని చోట్ల వైరింగ్‌ను పూర్తిగా మార్చారు. అక్కడ కూడా తుప్పు పట్టిన భాగాలను కొత్త భాగాలతో భర్తీ చేశారు. కారు యొక్క హెడ్‌లైట్స్ మరియు టెయిల్ లైట్లను కూడా రీపాలిష్ చేశారు. మొత్తంగా ఈ కారు రీస్టోరేషన్ ప్రక్రియలో సదరు మెకానిక్ పనితీరు గొప్పగా ఉంది. ఈ కారు చూడటానికి పూర్తిగా కొత్తదానిలా అనిపిస్తుంది.

MOST READ:మీకు తెలుసా.. ప్రపంచంలో మొట్టమొదటి ఎలక్ట్రిక్ ఫైర్ ట్రక్, ఇదే

ప్రస్తుతం మార్కెట్లో లభిస్తున్న హ్యుందాయ్ శాంత్రో హ్యాచ్‌బ్యాక్ కారులో 1.1-లీటర్ పెట్రోల్ ఇంజన్‌తో లభిస్తుంది. ఈ ఇంజన్ గరిష్టంగా 68 బిహెచ్‌పి పవర్‌ను మరియు 99 ఎన్ఎమ్ టార్క్‌ను ఉత్పత్తి చేస్తుంది. ఈ ఇంజన్ మ్యాన్యువల్ లేదా ఆటోమేటిక్ గేర్‍‌బాక్స్ ఆప్షన్లలో అందుబాటులో ఉంటుంది.