కరోనా ఎఫెక్ట్: రెండేళ్ల విరామం తర్వాత జరగనున్న జెనీవా మోటార్ షో

ప్రపంచ ఆటోమొబైల్ పరిశ్రమలో అత్యంత కీలకమైన ఆటో ప్రదర్శన కార్యక్రమాలలో జెనీవా మోటార్ షో ఒకటి. ఈ ఈవెంట్ ప్రతి ఏటా జెనీవాలో జరుగుతుంది. ఈ కార్యక్రమానికి ప్రపంచ నలుమూలల నుండి అనేక ఆటోమొబైల్ కంపెనీలు విచ్చేసి తమ ఉత్పత్తులను ప్రదర్శనకు ఉంచుతాయి.

అయితే, 2020 మరియు 2021లో కరోనా వైరస్ వ్యాప్తి నేపథ్యంలో నిర్వాహకులు ఈ మోటార్ షోను పూర్తిగా నిలిపివేశారు. ఫలితంగా, మార్కెట్లోకి రావల్సిన ఎన్నో సరికొత్త ఉత్పత్తులు కూడా నిలిచిపోయాయి. ఈ నేపథ్యంలో, రెండేళ్ల విరామం తర్వాత తిరిగి ప్రారంభం కానున్న జెనీవా మోటార్ షో 2022 పై ప్రపంచ వ్యాప్తంగా భారీ అంచనాలు నెలకొన్నాయి.

MOST READ:మీకు తెలుసా.. భారతదేశపు మొట్టమొదటి కమర్షియల్ పైలట్ ఈ యువతి

కరోనా వైరస్ వ్యాప్తి నేపథ్యంలో, పూర్తి మార్గదర్శకాలను పాటిస్తూ ఈ 2022 సీజన్‌ను నిర్వహించాలని జెనీవా మోటార్ షో నిర్వాహకులు భావిస్తున్నారు. తాజాగా, ఈ సీజన్‌కు సంబంధించిన జెనీవా మోటార్ షో 2022 తేదీలను కూడా సదరు షో నిర్వాహకులు వెల్లడించారు.

జెనీవా మోటార్ షో 2022వ ఎడిషన్ ఫిబ్రవరి 17, 2022వ తేదీన ప్రారంభమై ఫిబ్రవరి 27, 2022వ తేదీన ముగుస్తుంది. ఈ తేదీలలో 17 మరియు 18 తేదీలను ప్రత్యేకించి మీడియా ప్రతినిధుల కోసం కేటాయించగా, 19 నుండి 27 వరకు ప్రజల సందర్శనార్థం కేటాయించారు.

MOST READ:విధుల్లో ఉన్న అంబులెన్స్ డ్రైవర్ తన తల్లి మరణ వార్త విన్నాడు.. తరువాత ఏం జరిగిందంటే?

కాగా, వచ్చే ఏడాది జరగబోయే ఈ కార్యక్రమానికి హాజరయ్యే ఎగ్జిబిటర్లు ముందుగానే తమ వివరాలను నమోదు చేసుకోవాలని నిర్వాహకులు అభ్యర్థించారు. వచ్చే ఏడాది జరగబోయేది 91వ ఎడిషన్ జెనీవా మోటార్ షో అవుతుంది.

ఈ మోటార్ షో నిర్వాహకులు తెలిపిన వివరాల ప్రకారం, వచ్చే ఏడాది జరగబోయే ప్రదర్శన దాని మునుపటి ప్రదర్శనల కన్నా 'గణనీయంగా భిన్నంగా ఉంటుంద'ని పేర్కొన్నారు. ఈ నేపథ్యంలో, జెనీవా మోటార్ షో 2022పై సర్వత్రా ఆసక్తి నెలకొంది.

MOST READ:విధుల్లో ఉన్న అంబులెన్స్ డ్రైవర్ తన తల్లి మరణ వార్త విన్నాడు.. తరువాత ఏం జరిగిందంటే?

జెనీవా మోటార్ షో 2022 ఈవెంట్‌కి సంబంధించిన మరిన్ని వివరాలను రాబోయే వారాల్లో వెల్లడి చేస్తామని నిర్వాహకులు తెలిపారు. రెండేళ్ల విరామం తర్వాత జరుగుతున్న ఈ ఈవెంట్ ఖచ్చితంగా ఎగ్జిబిటర్లను మరియు అభిమానులను ఆశ్చర్యపరుస్తుందని నిర్వాహకులు పేర్కొన్నారు.