ఆ దేశంలో డ్రైవర్ రహిత కార్ల వినియోగానికి గ్రీన్ సిగ్నల్

కాగా, తమ దేశంలో ఇప్పుడు పూర్తిగా డ్రైవర్ రహిత కార్లకు అనుమతి ఇచ్చేందుకు జర్మనీ ప్రభుత్వం ముందుకొచ్చింది. బహిరంగ రహదారులపై డ్రైవర్లు అవసరం లేని వాహనాలను నడిపించే కొత్త చట్టానికి జర్మన్ పార్లమెంట్ ఆమోదం తెలిపింది.

ఇప్పటికే, ప్రపంచవ్యాప్తంగా డ్రైవింగ్ రహిత టెక్నాలజీతో ఆటోమేటిక్‌గా నడిచే కార్ల అభివృద్ధిలో వివిధ ఆటోమోటివ్ మరియు టెక్నాలజీ కంపెనీలు చురుకుగా పనిచేస్తున్నాయి. ప్రస్తుతం ఇలాంటి కార్లు కొంతమేర అందుబాటులోకి వచ్చినప్పటికీ, వీటిని పబ్లిక్ రోడ్లపై డ్రైవర్ లేకుండా నడపటానికి అనుమతి లేదు.

కానీ, ఇప్పుడు ట్రెండ్ మారుతోంది. మన పొరుగు దేశమైన చైనా కూడా ఓ నగరంలో మాత్రమే డ్రైవర్ రహిత కార్లను నడిపేందుకు ఆమోదం తెలిపింది. ఇప్పుడు తాజాగా జర్మనీ ప్రభుత్వం ఇప్పుడు బహిరంగ రహదారులపై డ్రైవర్‌లేని కార్లను నడపడానికి ఓ కొత్త చట్టాన్ని రూపొందించింది.

ఈ కొత్త చట్టాన్ని జర్మన్ పార్లమెంట్ గత వారం ఆమోదించింది. డ్రైవర్ సీట్లో డ్రైవర్ పర్యవేక్షణ అవసరం లేకుండా పబ్లిక్ రోడ్లపై లెవల్-4 కార్లను పూర్తిగా ఆటోమేట్ చేయడాన్ని ఈ కొత్త చట్టం అనుమతిస్తుంది.

అదే సమయంలో, ఇలాంటి డ్రైవర్ రహిత కార్లను కొన్ని ప్రాంతాలలో మాత్రమే నడపటానికి ఈ చట్టం అనుమతిస్తుంది. ఆటోబాన్ మరియు ప్రభుత్వ నియంత్రణలో ఉన్న రహదారులపై ఈ కార్లను నడపడానికి మార్గం లేదని నివేదికలు చెబుతున్నాయి.

అంటే, ఎక్కువ జనాభా ఉన్న నగరాల్లో ఇవి రోబోట్ టాక్సీలు అని పిలువబడే డ్రైవర్‌లెస్ టాక్సీ కార్లుగా పనిచేయడానికి అనుమతించబడతాయి. నివేదికల ప్రకారం, రవాణా మరియు డెలివరీ సేవల కోసం కూడా ఇలాంటి డ్రైవర్ రహిత కార్లు ఉపయోగించబడతాయి.

ఈ రోబోట్ టాక్సీ కార్ల కోసం టాక్సీ కంపెనీలు ప్రత్యేక బీమా పొందవలసి ఉంటుంది. అదేవిధంగా, ఈ కార్లు రిమోట్‌గా పర్యవేక్షించడానికి మరియు పనిచేయడానికి ప్రత్యేక పర్యవేక్షణ వ్యవస్థను కూడా కలిగి ఉండాలి.

డ్రైవర్ లేని అద్దె కార్లు అని కూడా పిలువబడే ఈ రోబోట్ టాక్సీలను వచ్చే ఏడాది నుండి జర్మనీలో ప్రవేశపెట్టనున్నారు. ప్రజా రహదారులపై ఈ సేవను తీసుకువచ్చిన మొదటి దేశంగా జర్మనీ అవతరిస్తుందని నివేదికలు చెబుతున్నాయి.