2021 లో దేశీయ మార్కెట్లో విడుదలైన లగ్జరీ కార్లు.. వివరాలు

ఆస్టన్ మార్టిన్ డిబిఎక్స్ (Aston Martin DBX):

2021 లో భారతీయ మార్కెట్లో విడుదలైన లగ్జరీ కార్లలో ఆస్టన్ మార్టిన్ డిబిఎక్స్ (Aston Martin DBX) ఒకటి. ఈ కంపెనీ తన మొదటి SUV ని భారతదేశానికి తీరాలకు తీసుకువచ్చింది. ఈ లగ్జరీ కారు ధర రూ. 3.82 కోట్లు (ఎక్స్-షోరూమ్). లగ్జరీ కార్లకు విపరీతమైన ఆదరణ పెరుగుతున్న సమయంలో కంపెనీ ఈ కారుని తీసుకువచ్చింది.

ఆస్టన్ మార్టిన్ డిబిఎక్స్ (Aston Martin DBX) 4.0 లీటర్, ట్విన్ టర్బో, వి8 ఇంజిన్‌ కలిగి ఉంటుంది. ఈ ఇంజన్ 550 బిహెచ్‌పి పవర్ మరియు 700 ఎన్ఎమ్ టార్క్‌ అందిస్తుంది. ఇది 9 స్పీడ్ టార్క్ కన్వర్టర్ ఆటోమేటిక్ గేర్‌బాక్స్‌తో జతచేయబడి ఉంటుంది. ఈ కారు కేవలం 4.5 సెకన్లలో 0 నుంచి 100 కిమీ/గం వరకు వేగవంతం అవుతుంది. అదే సమయంలో ఈ కారు యొక్క గరిష్ట వేగం గంటకు 290 కిమీ వరకు ఉంటుంది.

2021 మెర్సిడెస్ ఎస్-క్లాస్ (2021 Mercedes S-Class):

జర్మన్ లగ్జరీ కార్ తయారీ సంస్థ మెర్సిడెస్ బెంజ్ దేశీయ మార్కెట్లో తన కొత్త 2021 మెర్సిడెస్ ఎస్-క్లాస్ విడుదల చేసింది. ఈ లగ్జరీ కారు ధర రూ. 2.17 కోట్లు. 2021 మెర్సిడెస్ S-క్లాస్ రెండు వేరియంట్లలో తీసుకురాబడింది. అవి ఒకటి S 400d 4matic కాగా మరొకటి S 450 4matic. వీటి ధరలు వరుసగా రూ. 2.17 కోట్లు మరియు రూ. 2.19 కోట్లు (ఎక్స్-షోరూమ్).

కొత్త 2021 మెర్సిడెస్ ఎస్-క్లాస్‌ అనేక అప్డేటెడ్ ఫీచర్స్ మరియు పరికరాలను పొందుతుంది. కొత్త మెర్సిడెస్ S-క్లాస్ S450 (పెట్రోల్) మరియు S400 d (డీజిల్)లో ప్రవేశపెట్టబడింది. ఇది 3.0-లీటర్, సిక్స్-సిలిండర్ పెట్రోల్ ఇంజన్‌తో 367 బిహెచ్‌పి పవర్ మరియు 500 ఎన్ఎమ్ టార్క్‌ ఉత్పత్తి చేస్తుంది. ఇది కేవలం 5.1 సెకన్లలో గంటకు 0 నుంచి 100 కి.మీ వేగాన్ని అందుకుంటుంది. అదే సమయంలో దీని గరిష్ట వేగం గంటకు 250 కి.మీ.

2021 మెర్సిడెస్ మేబ్యాక్ జిఎల్ఎస్600 (2021 Mercedes Maybach GLS600):

మెర్సిడెస్ బెంజ్ భారత మార్కెట్లో తన కొత్త మేబాచ్ జిఎల్‌ఎస్ 600 ఎస్‌యూవీని విడుదల చేసింది. మెర్సిడెస్-మేబాచ్ లైనప్ నుండి వస్తున్న మొట్టమొదటి ఎస్‌యూవీ ఈ జిఎల్‌ఎస్ 600. ఈ కొత్త మేబాచ్ జిఎల్‌ఎస్ 600 ధర దేశీయ మార్కెట్లో రూ. 2.43 కోట్లు. ఈ కొత్త ఆధునిక SUV లో లేటెస్ట్ ఫీచర్స్ మరియు పరికరాలు అందుబాటులో ఉన్నాయి.

మెర్సిడెస్-మేబాచ్ జిఎల్‌ఎస్ 600 ఎస్‌యూవీలో 4.0-లీటర్ వి8 ఇంజన్‌ను ఉపయోగించారు. ఈ ఇంజన్ గరిష్టంగా 550 బిహెచ్‌పి పవర్ మరియు 730 ఎన్ఎమ్ టార్క్‌ను ఉత్పత్తి చేస్తుంది. ఈ ఇంజన్ 21 బిహెచ్‌పి శక్తిని మరియు 249ఎన్ఎమ్ టార్క్‌ను ఉత్పత్తి చేసే ఇంటిగ్రేటెడ్ ఈక్యూ బూస్ట్ స్టార్టర్-జనరేటర్‌ను కూడా కలిగి ఉంటుది.

ఈ కారులోని ఇంజన్ 9 జి-ట్రోనిక్ ఆటోమేటిక్ ట్రాన్స్‌మిషన్‌కు జతచేయబడి ఉంటుంది మరియు ఇది ఇంజన్ నుండి వచ్చే పవర్ నాలుగు చక్రాలకు సమానంగా పంపిణీ చేస్తుంది. మేబాక్ జిఎల్‌ఎస్ 600 కేవలం 4.9 సెకన్లలోనే గంటకు 0 నుండి 100 కిలోమీటర్ల వేగాన్ని చేరుకుంటుంది. ఈ కారు గరిష్ట వేగం గంటకు 250 కిలోమీటర్ల వరకు ఉంటుంది.

జాగ్వార్ ఎఫ్ పేస్ SVR (Jaguar F-Pace SVR):

ప్రముఖ లగ్జరీ కార్ల తయారీ సంస్థ జాగ్వార్ (Jaguar) తన జాగ్వార్ ఎఫ్-పేస్ ఎస్‌విఆర్ (Jaguar F-Pace SVR) ధర రూ. 1.51 కోట్లు (ఎక్స్ షోరూమ్ ఇండియా). ఇది కూడా అప్డేటెడ్ ఫీచర్స్ మరియు పరికరాలను కలిగి ఉండి, వాహన వినియోగదారులకు చాలా అనుకూలంగా ఉంటుంది.

Jaguar F-Pace SVR యొక్క ఇంజిన్ విషయానికి వస్తే, ఇది బ్రాండ్ యొక్క 5.0-లీటర్ సూపర్ ఛార్జ్డ్ వి8 పెట్రోల్ ఇంజిన్‌ను కలిగి ఉంది. ఈ ఇంజన్ 543 బిహెచ్‌పి పవర్ మరియు 700 ఎన్ఎమ్ టార్క్ అందిస్తుంది. కొత్త జాగ్వార్ ఎఫ్-పేస్ SVR SUV మునుపటి మోడల్‌తో పోలిస్తే 20 ఎన్ఎమ్ టార్క్ అధికంగా ఉత్పత్తి చేయగలదు. ఈ SUV కేవలం 0.3 సెకన్లలో గంటకు 0 నుండి 100 కిమీ వేగవంతం చేయగలదు. అంతే కాకుండా ఈ Jaguar F-Pace SVR యొక్క గరిష్ట వేగం గంటకు 286 కి.మీ.

భారత మార్కెట్లో లగ్జరీ కార్లకు కూడా మంచి ఆదరణ ఉంది. ఈ కారణంగానే చాలా కంపెనీలు దేశీయ మార్కెట్లో విలాసవంతమైన లగ్జరీ కార్లను విడుదక చేస్తున్నాయి. ఈ సంవత్సరం మాత్రమే కాకుండా రానున్న కొత్త సమత్సరం 2022 లో కూడా మరిన్ని లగ్జరీ కార్లు విడుదలవుతాయి.