XUV700 లో వేరియంట్ల వారీగా లభించే ఫీచర్లు

మహీంద్రా ఎక్స్‌యూవీ700 కోసం అక్టోబర్ 7, 2021వ తేదీ నుండి బుకింగ్స్ ప్రారంభమయ్యాయి. ఈ కారు యొక్క వేరియంట్లు మరియు ధరలను కంపెనీ గత వారం వెల్లడించింది. కస్టమర్ల డిమాండ్ ఆధారంగా కంపెనీ ఇందులో రెండు కొత్త వేరియంట్‌లను కూడా ప్రవేశపెట్టింది. ఈ ఎస్‌యూవీ రెడ్ రేజ్, మిడ్‌నైట్ బ్లాక్, ఎవరెస్ట్ వైట్, డాజిలింగ్ సిల్వర్ మరియు ఎలక్ట్రిక్ బ్లూ అనే ఐదు కలర్ ఆప్షన్లలో లభ్యం కానుంది.

ఎక్స్‌యూవీ700 (సెవన్ డబుల్ ఓ అని పలకాలి) ఎస్‌యూవీ మొత్తం నాలుగు ట్రిమ్ ఆప్షన్లలో ప్రవేశపెట్టబడింది. ఇందులో MX, AX3, AX5 మరియు AX7 ట్రిమ్‌లు ఉన్నాయి. వీటితో పాటుగా, టాప్-ఎండ్ వెర్షన్ కోసం ఆప్షనల్ లగ్జరీ ప్యాక్ లను కూడా కంపెనీ అందుబాటులోకి తెచ్చింది. మరి ఈ ఎస్‌యూవీ యొక్క ఏయే వేరియంట్‌లో ఏయే ఫీచర్లు అందుబాటులో ఉన్నాయో ఈ కథనంలో తెలుసుకుందాం రండి.

Mahindra XUV700 MX

ఈ ట్రిమ్ 5-సీటర్ డీజిల్ మాన్యువల్ మరియు 5-సీటర్ పెట్రోల్ మాన్యువల్ వేరియంట్లలో మాత్రమే లభిస్తుంది. వీటిలో లభించే ఫీచర్ల వివరాలు ఇలా ఉన్నాయి:

• 8 ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్
• 7 ఇంచ్ ఇన్స్ట్రుమెంట్ క్లస్టర్
• ఆండ్రాయిడ్ ఆటో కనెక్టివిటీ
• స్మార్ట్ డోర్ హ్యాండిల్
• మొదటి మరియు రెండవ వరుస సీట్ల వద్ద యూఎస్‌బి టైప్-సి పోర్ట్స్
• టిల్ట్ అడ్జస్టబల్ స్టీరింగ్ వీల్
• స్పీడ్ సెన్సింగ్ ఆటో డోర్ లాక్
• స్టోరేజ్‌తో కూడిన ఫ్రంట్ సెంటర్ ఆర్మ్‌రెస్ట్
• ఫాలో-మీ-హోమ్ హెడ్‌ల్యాంప్‌లు
• నాలుగు స్పీకర్లు
• ఎలక్ట్రికల్లీ అడ్జస్టబల్ సైడ్ మిర్రర్స్
• ఎల్ఈడి టెయిల్ లైట్లు



Mahindra XUV700 AX3

ఈ ట్రిమ్ 5-సీటర్ డీజిల్ మ్యాన్యువల్, 7-సీటర్ డీజిల్ మ్యాన్యువల్, 5-సీటర్ డీజిల్ ఆటోమేటిక్, 5-సీటర్ పెట్రోల్ మ్యాన్యువల్ మరియు 5-సీటర్ పెట్రోల్ ఆటోమేటిక్ వేరియంట్లలో లభిస్తుంది. వీటిలో లభించే ఫీచర్ల వివరాలు ఇలా ఉన్నాయి:

• రెండు పెద్ద 10.25 ఇంచ్ స్క్రీన్‌లు (ఒకటి ఇన్ఫోటైన్‌మెంట్ సిస్టమ్ కోసం, మరొకటి ఇన్‌స్ట్రుమెంట్ కన్సోల్ కోసం)
• వైర్‌లెస్ ఆపిల్ కార్‌ప్లే మరియు ఆండ్రాయిడ్ ఆటో
• AdrenoX ఒక సంవత్సరం కాంప్లిమెంటరీ ఉచిత సబ్‌స్క్రిప్షన్ మరియు అలెక్సా కనెక్టివిటీతో పాటుగా
• ఆరు స్పీకర్లు
• మూడవ వరుసలోని ప్రయాణీకుల కోసం ఏసి వెంట్స్
• వ్యక్తిగతీకరించిన భద్రతా హెచ్చరికలు (పర్సనలైజ్డ్ సేఫ్టీ అలెర్ట్స్)
• ఎల్ఈడి డేటైమ్ రన్నింగ్ లైట్లు
• ఫ్రంట్ ఫాగ్ ల్యాంప్స్
• రెండవ వరుసలో ఆర్మ్ రెస్ట్‌ విత్ కప్ హోల్డర్స్



Mahindra XUV700 AX5

ఈ ట్రిమ్ 5-సీటర్ డీజిల్ మ్యాన్యువల్, 7-సీటర్ డీజిల్ మ్యాన్యువల్, 5-సీటర్ డీజిల్ ఆటోమేటిక్, 7-సీటర్ డీజిల్ ఆటోమేటిక్, 5-సీటర్ పెట్రోల్ మ్యాన్యువల్, 7-సీటర్ పెట్రోల్ మ్యాన్యులల్ మరియు 5-సీటర్ పెట్రోల్ ఆటోమేటిక్ వేరియంట్లలో లభిస్తుంది. వీటిలో లభించే ఫీచర్ల వివరాలు ఇలా ఉన్నాయి:

• 17 ఇంచ్ డైమండ్-కట్ అల్లాయ్ వీల్స్
• పానోరమిక్ సన్‌రూఫ్/స్కై రూఫ్
• ఆటో-బూస్టర్ ఫంక్షన్‌తో ఎల్ఈడి హెడ్‌ల్యాంప్‌లు
• ESP (ఎలక్ట్రానికి స్టెబిలిటీ ప్రోగ్రామ్)
• మూడు వరుసలోని ప్రయాణీకుల కోసం కర్టెన్ ఎయిర్‌బ్యాగులు
• ఎల్ఈడి సీక్వెన్షియల్ టర్న్ ఇండికేటర్

  కార్నర్ లైట్

• డ్రైవ్ మోడ్స్ (డీజిల్ వేరియంట్లలో మాత్రమే)



Mahindra XUV700 AX7

ఈ ట్రిమ్ 7-సీటర్ డీజిల్ మ్యాన్యువల్, 7-సీటర్ డీజిల్ ఆటోమేటిక్, 7-సీటర్ డీజిల్ మ్యాన్యువల్, 7-సీటర్ డీజిల్ ఆటోమేటిక్ 4x4, 7-సీటర్ పెట్రోల్ మ్యాన్యువల్ మరియు 7-సీటర్ పెట్రోల్ ఆటోమేటిక్ వేరియంట్లలో లభిస్తుంది. వీటిలో లభించే ఫీచర్ల వివరాలు ఇలా ఉన్నాయి:

• ADAS (అడ్వాన్స్డ్ డ్రైవర్ అసిస్టెన్స్ సిస్టమ్
• సైడ్ ఎయిర్‌బ్యాగ్స్
• TPMS (టైర్ ప్రెజర్ మోనిటరింగ్ సిస్టమ్)
• పుష్-బటన్ స్టార్ట్ / స్టాప్ ఫీచర్
• 18 ఇంచ్ డైమండ్-కట్ అల్లాయ్ వీల్స్
• లీథెరెట్ సీట్, స్టీరింగ్ వీల్ మరియు గేర్ లివర్ అప్‌హోలెస్ట్రీ
• మెమరీ మరియు వెల్‌కమ్ రిట్రాక్ట్ ఫంక్షన్‌తో కూడిన 6-వే ఎలక్ట్రికల్లీ అడ్జస్టబుల్ ఫ్రంట్ సీట్స్
• ఆటోమేటిక్ హెడ్‌ల్యాంప్స్
• రెయిన్ సెన్సింగ్ వైపర్స్
• రివర్స్ కెమెరా
• ఎయిర్ ప్యూరిఫయర్
• డ్రైవర్ డ్రౌజీనెస్ డిటెక్షన్
• ఎలక్ట్రికల్లీ ఫోల్డబుల్ సైడ్ మిర్రర్స్
• డ్యూయెల్ జోన్ టెంపరేచర్ కంట్రోల్
• AdrenoX రెండు సంవత్సరాల కాంప్లిమెంటరీ సబ్‌స్క్రిప్షన్‌



Mahindra XUV700 AX7 Luxury Pack

ఈ లగ్జరీ ప్యాక్ AX7 ట్రిమ్ యొక్క 7-సీటర్ డీజిల్ మ్యాన్యువల్, 7-సీటర్ డీజిల్ ఆటోమేటిక్ 4x4 (ఆల్-వీల్ డ్రైవ్) మరియు 7-సీటర్ పెట్రోల్ ఆటోమేటిక్ వేరియంట్ల కోసం మాత్రమే అందుబాటులో ఉంది. ఈ లగ్జరీ ప్యాక్‌లో అదనంగా లభించే ఫీచర్ల వివరాలు ఇలా ఉన్నాయి:

• బ్లైండ్ వ్యూ మానిటర్
• కంటిన్యూస్ డిజిటల్ వీడియో రికార్డింగ్
• 12 స్పీకర్లతో కూడిన 3డి ఆడియో సిస్టమ్
• 360 డిగ్రీ కెమెరా
• మోకాలి ఎయిర్‌బ్యాగ్
• పాసివ్ కీలెస్ ఎంట్రీ
• ఎలక్ట్రానిక్ పార్కింగ్ బ్రేక్
• అనుకూల క్రూయిజ్ కంట్రోల్ కోసం స్టాప్ అండ్ గో ఫంక్షన్
• టెలిస్కోపిక్ అడ్జస్టబల్ స్టీరింగ్
• ఎలక్ట్రిక్ స్మార్ట్ డోర్ హ్యాండిల్
• వైర్‌లెస్ ఛార్జింగ్



ఇవీ మహీంద్రా ఎక్స్‌యూవీ700 లో వేరియంట్ల వారీగా లభించే ఫీచర్లు. ఇక దీని ఇంజన్ ఆప్షన్స్ విషయానికి వస్తే, ఇది 2.0 లీటర్ టర్బో-పెట్రోల్ ఇంజన్ మరియు 2.2 లీటర్ టర్బో-డీజిల్ ఇంజన్ ఆప్షన్లతో లభిస్తుంది. ఇందులోని పెట్రోల్ ఇంజన్ 200 బిహెచ్‌పి పవర్ మరియు 300 న్యూటన్ మీటర్ టార్క్‌ను ఉత్పత్తి చేస్తుంది. అలాగే, డీజిల్ ఇంజన్ 185 బిహెచ్‌పి పవర్ మరియు 420 న్యూటన్ మీటర్ టార్క్‌ను జనరేట్ చేస్తుంది.