MG Astor ఫస్ట్ లుక్ రివ్యూ.. లేటెస్ట్ ఫీచర్స్ & లేటెస్ట్ టెక్నాలజీ

MG Astor ఎక్స్టీరియర్ మరియు డిజైన్:

దేశీయ మార్కెట్లో ఆవిష్కరించబడిన కొత్త MG Astor బ్రాండ్ యొక్క MG ZS EV ప్లాట్‌ఫారమ్‌పై ఆధారపడి ఉంటుంది. ఇది ఐదు కలర్ ఆప్సన్స్ లో అందుబాటులో ఉంటుంది.

ఈ కారు యొక్క డిజైన్ చాలా ఆకర్షణీయంగా ఉంటుంది. దీని ముందు భాగంలో హాక్-ఐ ఎల్ఈడీ హెడ్‌ల్యాంప్స్ అని పిలిచే ఒక సొగసైన ఎల్ఈడీ హెడ్‌లైట్ క్లస్టర్‌ ఉంటుంది. ఈ SUV యొక్క ఆకర్షణీయమైన భాగాలలో ఒకటి ఇందులోని గ్రిల్. ఇందులో ఫ్రంట్ పార్కింగ్ కెమెరా కూడా అందుబాటులో ఉంటుంది. ఇది 360-డిగ్రీ కెమెరా ఫంక్షన్‌లో ఒక భాగం.

వెనుక భాగంలో ADR సిస్టంలో భాగమైన IRVM వెనుక భాగంలో ఒక కెమెరా కూడా ఉంది. గ్రిల్ యొక్క దిగువ భాగంలో, కంపెనీ IRVM వెనుక ఉన్న కెమెరాతో సమకాలీకరించే రాడార్ సిస్టం అమర్చబడి ఉంటుంది. ఇది SUV ని లేన్ కీప్ అసిస్ట్, అడాప్టివ్ క్రూయిజ్ కంట్రోల్, యాక్టివ్ బ్రేక్ అసిస్ట్ వంటి సేఫ్టీ ఫీచర్స్ కలిగి ఉండటానికి అనుమతిస్తుంది.

MG Astor లో హాలోజన్ బల్బ్-పవర్డ్ ఫాగ్ లైట్లు ఉండే స్పోర్టీ బంపర్ లభిస్తుంది. అదే ఫాగ్ లైట్లు కూడా కార్నింగ్ లైట్‌లుగా పనిచేస్తాయి. ఫాగ్‌లైట్ల హౌసింగ్ గ్లోస్ బ్లాక్‌లో పూర్తయింది. వెలుపలి భాగంలో తక్కువ క్రోమ్ ఉంటుంది, మరియు గ్రిల్ చుట్టూ బ్రష్డ్ అల్యూమినియంలో అలంకరించబడి ఉటుంది.

MG Astor మరింత ఆకర్షణీయంగా కనిపించేలా చేసే 5 స్పోక్ డ్యూయల్ టోన్ 17 ఇంచెస్ అల్లాయ్ వీల్స్‌ ఉన్నాయి. అవి 215/55 సైజు కాంటినెంటల్ టైర్లతో ఉన్నాయి. వీటితో పాటు కారు యొక్క స్పోర్ట్‌నెస్‌ని పెంచడానికి, దీనికి నాలుగు చివర్లలో రెడ్ కాలిపర్‌లను అమర్చింది.

సైడ్ ప్రొఫైల్‌లో సూక్ష్మమైన బాడీ లైన్స్ మరియు క్రీజ్‌లు ముందు నుండి టైల్ లైట్స్ వరకు కొనసాగుతాయి. ఇది ఇరువైపులా కెమెరాలు అమర్చిన ORVM లను కూడా బ్లాక్ చేస్తుంది. ఇంటిగ్రేటెడ్ ఇండికేటర్‌లో హాలోజన్ బల్బ్ ఉంది. కానీ ఇది ఎల్ఈడీ సెటప్ అయి ఉంటే ఇంకా అద్భుతంగా ఉంటుందని భావిస్తున్నాము.

MG Astor వెనుక భాగంలో చక్కగా కనిపించే LED టెయిల్ లైట్ యూనిట్స్ ఉన్నాయి. అంతే కాకుండా, MG లోగోకి దిగువన 'ASTOR' బ్యాడ్జింగ్ ఉంది. ADAS మరియు ZS బ్యాడ్జ్‌లు బూట్ లిడ్ కి ఇరువైపులా ఉన్నాయి. ఇందులోని బూట్ స్పేస్ గురించి కంపెనీ అధికారికంగా వెల్లడించలేదు, కానీ ఇందులో ZS EV వలె అదే 470-లీటర్ బూట్ స్పేస్‌ని కలిగి ఉంటుందని భావిస్తున్నాము. ఇందులో రివర్స్ పార్కింగ్ కెమెరా కూడా అందుబాటులో ఉంటుంది. ఇది గట్టి ప్రదేశాల్లో పార్కింగ్ చేయడానికి అనుమతిస్తుంది.

MG Astor ఇంటీరియర్:

MG Astor లోపలి అడుగుపెట్టగానే మీకు అద్భుతమైన క్యాబిన్ స్వాగతం పలుకుతుంది. ఇందులోని పెద్ద పనోరమిక్ సన్‌రూఫ్ క్యాబిన్ మరింత పెద్దదిగా కనిపించడానికి సహాయపడుతుంది. కొత్త Astor లోపలి భాగం డ్యూయల్ టోన్ (బ్లాక్ అండ్ రెడ్) లో పూర్తయింది.

MG Astor డాష్‌బోర్డ్‌ యొక్క సెంటర్ స్టేజ్ లో 10.1 ఇంచెస్ ఇన్ఫోటైన్‌మెంట్ సిస్టమ్ ఉంటుంది. ఇందులో వైర్‌లెస్ ఆపిల్ కార్ప్లే మరియు ఆండ్రాయిడ్ ఆటో ఉన్నాయి. ఇందులోని టచ్‌స్క్రీన్ మంచి రెస్పాన్స్ అందిస్తుంది. అయితే ఇందులో 360-డిగ్రీ కెమెరాల ఇమేజ్ క్వాలిటీ స్పష్టంగా లేదు. అయితే దీనిని మరింత మెరుగుపరుస్తుంది.

ఇందులోని 7 ఇంచెస్ ఇన్స్ట్రుమెంట్ క్లస్టర్ వాహనం గురించి చాలా సమాచారాన్ని అందిస్తుంది. అలాగే, స్టీరింగ్ ఒక ఫ్లాట్ బాటమ్ మరియు రెండు స్క్రీన్‌ల ద్వారా నావిగేట్ చేయడానికి సహాయపడే ఇరువైపులా స్టీరింగ్ మౌంటెడ్ కంట్రోల్స్ కలిగి ఉంటుంది.

మూడవ స్క్రీన్ ఇంటీరియర్ యొక్క హైలైట్ మరియు అది డాట్బోర్డ్‌లో మనిషిలాంటి ఎక్స్‌ప్రెషన్‌లు ప్రదర్శించబడే బోట్‌తో ఆర్టిఫిషియల్ ఇంటెలిజెన్స్ (AI) అసిస్టెన్స్ స్క్రీన్. ఆర్టిఫిషియల్ ఇంటెలిజెన్స్ అసిస్ట్ కోసం వాయిస్ పద్మశ్రీ, ఖేల్ రత్న అవార్డు గ్రహీత మరియు పారాలింపిక్ పతక విజేత డాక్టర్ దీపా మాలిక్ అందించారు.

ఆర్టిఫిషియల్ ఇంటెలిజెన్స్ (AI) లోని ఫీచర్స్ విషయానికి వస్తే, ఇందులో వికీపీడియా యాక్సెస్, చిట్-చాట్ & జోక్ ఫంక్షన్, న్యూస్ రీడింగ్, నావిగేషన్ ప్లే, మ్యూజిక్, సెలెక్ట్ ఇన్ కార్ వార్ణింగ్, క్రిటికల్ ఇన్-కార్ వార్ణింగ్ వంటి వాటితో పాటు ఇది హింగ్లీష్‌ను కూడా అర్థం చేసుకుంటుంది.

అంతే కాకుండా, కంపెనీ ఇందులో బ్లూటూత్ టెక్నాలజీతో కూడిన డిజిటల్ కీని కూడా అందిస్తోంది. ఇది భౌతిక కీ అవసరం లేకుండా MG ఆస్టర్‌ని యాక్సెస్ చేయడానికి సహాయపడుతుంది. ఇది మీ ఫోన్‌లోని iSmart యాప్ ద్వారా చేయవచ్చు. ఇది వాహనదారులకు చాలా అనుకూలంగా ఉంటుంది.

MG Astor లోని సీట్లు వాహనదారులకు చాలా అనుకూలంగా ఉంటాయి. ఇవి మాన్యువల్‌గా అడ్జస్టబుల్ చేయగలవు. డ్రైవర్ వైపు, సీటు హైట్ అడ్జస్టబుల్ పొందుతుంది. అది, టిల్ట్ మరియు టెలిస్కోపిక్ స్టీరింగ్ అడ్జస్ట్ ఫీచర్‌తో పాటు డ్రైవర్ సరైన డ్రైవింగ్ పొజిషన్‌ను కనుగొనడంలో సహాయపడుతుంది.

వెనుక సీటు కూడా సౌకర్యవంతంగా అనిపిస్తుంది, ఇందులో కప్‌హోల్డర్‌లతో సెంటర్ ఆర్మ్‌రెస్ట్ ఉంది. ఇవి మాత్రమే కాకుండా ఇందులో రియర్ ఏసీ వెంట్‌లు మరియు 2 యుఎస్బి ఛార్జింగ్ సాకెట్‌లను కూడా పొందుతుంది. ఈ కారులో మొత్తం 5 ఛార్జింగ్ పోర్ట్‌లు అందుబాటులో ఉంటాయి.

ఇంజిన్ మరియు ట్రాన్స్మిషన్:

MG Astor SUV రెండు పెట్రోల్ ఇంజిన్లను కలిగి ఉంటుంది. ఇందులో ఒకటి 1.3-లీటర్ టర్బో పెట్రోల్ ఇంజిన్ కాగా మరొకటి 1.5-లీటర్ న్యాచురల్లీ ఆస్పిరేటెడ్ యూనిట్. ఇందులోని 1.3-లీటర్ టర్బో పెట్రోల్ ఇంజిన్ 138 బిహెచ్‌పి పవర్ మరియు 220 ఎన్ఎమ్ గరిష్ట టార్క్ ఉత్పత్తి చేస్తుంది. ఈ ఇంజన్ 6-స్పీడ్ ఆటోమాటిక్ ట్రాన్స్‌మిషన్‌తో జత చేయబడింది.

ఇక రెండవ ఇంజిన్ అయిన 1.5-లీటర్ న్యాచురల్లీ ఆస్పిరేటెడ్ ఇంజిన్ 108 బిహెచ్‌పి మరియు 144 ఎన్ఎమ్‌లను ఉత్పత్తి చేస్తుంది. ఈ ఇంజిన్ 6-స్పీడ్ మాన్యువల్ లేదా 8-దశల CVT గేర్‌బాక్స్‌తో జత చేయబడి ఉంటుంది.

MG Astor లోని సేఫ్టీ ఫీచర్స్:

MG Astor బ్రాండ్ నుండి ADAS ఫీచర్ తో అందించిన రెండవ మోడల్. Astor లో 2 ADAS ని కలిగి ఉంది. దీనితో పాటు ఇందులో అడాప్టివ్ క్రూయిజ్ కంట్రోల్ (ACC), ఫార్వర్డ్ కొలీషియన్ వార్ణింగ్ (FCW), ఆటోమేటిక్ ఎమర్జెన్సీ బ్రేకింగ్ (AEB), లేన్ కీప్ అసిస్ట్ (LKA), లేన్ డిపార్చర్ వార్ణింగ్ (LDW) మరియు లేన్ డిపార్చర్ ప్రివెన్షన్ (LDP) వంటివి ఉన్నాయి.

పైన చెప్పిన వాటితో పాటుగానే, ఇది స్పీడ్ అసిస్ట్ సిస్టమ్, వార్నింగ్ మోడ్, ఇంటెలిజెంట్ మోడ్ స్పీడ్ అసిస్ట్ సిస్టమ్, మాన్యువల్ మోడ్ రియర్ డ్రైవ్ అసిస్ట్, క్రాస్-ట్రాఫిక్ అలర్ట్ రియర్ డ్రైవ్ అసిస్ట్, లేన్ చేంజ్ అలర్ట్ మరియు బ్లైండ్ స్పాట్ డిటెక్షన్ వంగతి వాటిని కూడా పొందుతుంది.

కొత్త MG Astor SUV లో లెవల్ -2 ADAS కాకుండా, మరో 27 స్టాండర్డ్ ఫీచర్లను అందిస్తోంది. ఇందులో 6 ఎయిర్‌బ్యాగులు, ఎలక్ట్రానిక్ స్టెబిలిటీ ప్రోగ్రామ్ (ESP), ట్రాక్షన్ కంట్రోల్ సిస్టమ్ (TSC), ఏబిఎస్ విత్ ఈబిడి మరియు హిల్ డీసెంట్ కంట్రోల్ (HDC) కూడా ఉన్నాయి. ఇవన్నీ కూడా వాహనదారుని భద్రతను నిర్ధరిస్తాయి.

డ్రైవ్‌స్పార్క్ అభిప్రాయం:

MG Astor అనేది భారతీయ మార్కెట్లో విడుదల కానున్న బ్రాండ్ యొక్క అధునాతన SUV అవుతుంది. ఇది లెవల్ 2 ADAS తో, దేశంలో విక్రయించబడే అత్యంత సురక్షితమైన కార్లలో ఒకటి. MG Astor భారతీయ మార్కెట్లో విడుదలైన తర్వాత Hyundai Creta, Kia Seltos, Nissan Kicks మరియు Jeep Compass వంటి వాటికి ప్రత్యర్థిగా ఉంటుంది.