Just In
- 53 min ago జనాలు ఎక్కువగా కొంటున్న టాప్-3 SUVలు ఇవే.. జాబితాలో లేని టాటా కార్లు!!
- 3 hrs ago జాన్ అబ్రహం మనసుదోచిన కొత్త బైక్ ఇదే!.. మీరూ చూడండి
- 4 hrs ago టోల్గేట్ల వద్ద ఇకపై ఈ బోర్డులు ఉండవు.. కేంద్ర ప్రభుత్వం కీలక నిర్ణయం
- 4 hrs ago ట్రయంఫ్ టైగర్ 900 బైకులు మరింత కొత్తగా వచ్చేశాయ్!.. ధర ఎంతో తెలుసా?
Don't Miss
- News రుణమాఫీపై రైతులకు గుడ్ న్యూస్.. ఒక్కొక్కరికి రూ.2 లక్షలు
- Lifestyle Happy Birthday Wishes In Telugu : పుట్టినరోజు శుభాకాంక్షలను ఇలా అందంగా తెలపండి..
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Sports CSK Playing XI: స్టార్ ప్లేయర్పై వేటు.. LSGతో ఆడే తుదిజట్టు ఇదే
- Technology వన్ప్లస్ 11R 5G కొత్త వేరియంట్ విడుదల.. అమెజాన్లో ఈ కార్డులపై రూ.1000 తగ్గింపు..!
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
- Movies Devara: ఎన్టీఆర్ ఫ్యాన్స్ను భయపెడుతున్న రాజమౌళి.. దేవరను వెంటాడుతున్న ఆ సెంటిమెంట్!
హ్యుందాయ్ క్రెటా ఫేస్లిఫ్ట్ విడుదల; ఇప్పుడు కొత్త ఆల్-వీల్ డ్రైవ్ సిస్టమ్తో..
కొరియన్ కార్ బ్రాండ్ హ్యుందాయ్, భారతదేశంలో విక్రయిస్తున్న పాపులర్ మిడ్-సైజ్ ఎస్యూవీ క్రెటాను పలు అంతర్జాతీయ మార్కెట్లలో కూడా విక్రయిస్తోంది. హ్యుందాయ్ గతేడాది ఆరంభంలో సెకండ్ జనరేషన్ 2020 క్రెటా ఎస్యూవీని అనేక కొత్త అప్డేట్లతో భారత మార్కెట్లో విడుదల చేసిన సంగతి తెలిసినదే.
కాగా, ఈ కొరియన్ కంపెనీ ఇప్పుడు రష్యా మార్కెట్లో తమ కొత్త తరం క్రెటా ఎస్యూవీలో తాజాగా ఓ ఫేస్లిఫ్ట్ వెర్షన్ను ప్రవేశపెట్టింది. రష్యన్ మార్కెట్లో విక్రయించే హ్యుందాయ్ క్రెటా ఇప్పుడు ఆల్-వీల్ డ్రైవ్ ఆప్షన్తో రానుంది. దీని ఇంటీరియర్ చూడటానికి కంపెనీ ఇటీవల విడుదల చేసిన అల్కజార్ 7-సీటర్ ఎస్యూవీలా అనిపిస్తుంది.
రషన్ మార్కెట్లో హ్యుందాయ్ క్రెటా ఫేస్లిఫ్ట్ ఎస్యూవీ రెండు ఇంజన్ ఆప్షన్స్తో పాటుగా ఆల్-వీల్-డ్రైవ్ సిస్టమ్ను కూడా పొందుతుంది. కానీ, భారత మార్కెట్లో లభిస్తున్న హ్యుందాయ్ క్రెటాలో మాత్రం ఆల్-వీల్ డ్రైవ్ ఆప్షన్ అందుబాటులో లేదు.
కొత్త తరం హ్యుందాయ్ క్రెటాలో క్యాస్కేడింగ్ ఫ్రంట్ గ్రిల్, స్ప్లిట్ ఎల్ఇడి హెడ్ల్యాంప్ క్లస్టర్, అర్ధచంద్రాకారంలో ఉన్న ఎల్ఇడి డేటైమ్ రన్నింగ్ లైట్స్, ఫాగ్ల్యాంప్స్తో కూడిన వ్యక్తిగత కార్నరింగ్ లైట్లు, ఉబ్బినట్లుగా ఉండే వీల్ ఆర్చెస్ మరియు బాడీ చుట్టూ ఫ్లోటింగ్ క్రీజ్ లైన్స్ ఉంటాయి.
అంతేకాకుండా, ఇంకా ఇందులో కొత్త ఎల్ఇడి టెయిల్ లాంప్స్, సిల్వర్ రూఫ్ రైల్స్, స్పోర్టీ అల్లాయ్ వీల్స్, ఫ్రంట్ అండ్ రియర్ స్కిడ్ ప్లేట్స్, ఫ్రంట్ గ్రిల్ చుట్టూ క్రోమ్ సరౌండింగ్, షార్క్ ఫిన్ యాంటెన్నా, ఎలక్ట్రికల్లీ అడ్జస్టబల్ సైడ్ మిర్రర్స్, ఇంటిగ్రేటెడ్ స్పాయిలర్ మరియు హై-మౌంటెడ్ స్టాప్ లాంప్ వంటి ఫీచర్లు కూడా ఉన్నాయి.
ఈ ఫేస్లిఫ్ట్ వెర్షన్ హ్యుందాయ్ క్రెటా ఎస్యూవీ కొలతలను గమనిస్తే, ఇది 4,300 మిమీ పొడవును మరియు 1,790 మిమీ వెడల్పును కలిగి ఉంటుంది. దీని వీల్ బేస్ పొడవు 2,610 మిమీ మరియు ఎత్తు 1,620 మిమీగా ఉంటుంది.
ఇండియన్ వెర్షన్ క్రెటాతో పోల్చుకుంటే, ఈ రష్యన్ వెర్షన్ క్రెటా 30 మిమీ ఎక్కువ పొడవు, 10 మిమీ ఎక్కువ వెడల్పు మరియు 10 మిమీ తక్కువ గ్రౌండ్ క్లియరెన్స్ను కలిగి ఉంటుంది. అలాగే, వీల్బేస్ కూడా 20 మిమీ ఎక్కువగా ఉంటుంది. పెరిగిన కొలత కారణంగా, ఇందులో ఇంటీరియర్ స్పేస్ కూడా పెరుగుతుంది.
ఇక ఇందులోని ఇంటీరియర్ ఫీచర్లను గమనిస్తే, లోపలి భాగంలో కొత్త సెంటర్ కన్సోల్ మరియు డాష్బోర్డ్తో మరింత సమగ్ర స్వభావాన్ని కలిగి ఉంటుంది. ఇంకా ఇందులో D-ఆకారపు 4-స్పోక్ ఫ్లాట్-బాటమ్ స్టీరింగ్ వీల్ మరియు గేర్ సెలెక్టర్, ఎనిమిది స్పీకర్లతో కూడిన బోస్ ఆడియో సిస్టమ్, లేటెట్ బ్లూలింక్ టెక్నాలజీతో కూడిన ఆప్షనల్ 10.25 ఇంచ్ టచ్స్క్రీన్ ఇన్ఫోటైన్మెంట్ వంటి ఫీచర్లు ఉన్నాయి.
క్యాబిన్ లేఅవుట్ డ్యూయెల్ టోన్ థీమ్ను కలిగి ఉంటుంది. ఇది చూడటానికి హ్యుందాయ్ అల్కజార్ 7-సీటర్ టాప్-ఎండ్ వేరియంట్ ఇంటీరియర్ థీమ్ను పోలి ఉంటుంది. క్రెటా ఫేస్లిఫ్ట్ మోడల్లో స్పోర్ట్, నార్మల్ మరియు ఎకో అనే డ్రైవింగ్ మోడ్స్ కూడా ఉన్నాయి. ఈ డ్రైవింగ్ మోడ్లను ఎంచుకునేందుకు కొత్త డ్రైవ్ మోడ్ సెలెక్టర్ డయల్ కూడా ఉంటుంది.
ఇక చివరిగా ఇంజన్ ఆప్షన్స్ విషయానికి వస్తే, రష్యన్ మార్కెట్లో కొత్త హ్యుందాయ్ క్రెటా రెండు ఇంజన్ ఆప్షన్లలో లభిస్తుంది. ఇందులో మొదటి 1.6-లీటర్ ఎమ్పిఐ పెట్రోల్ ఇంజన్ మరియు రెండవది 2.0-లీటర్ ఎమ్పిఐ పెట్రోల్ ఇంజన్.
వీటిలో మొదటి ఇంజన్ 123 హెచ్పి శక్తిని ఉత్పత్తి చేస్తుంది మరియు ఇది ఫ్రంట్-వీల్-డ్రైవ్, ఆల్-వీల్-డ్రైవ్ కాన్ఫిగరేషన్లను కలిగి ఉంటుంది. ఇకపోతే, రెండవ ఇంజన్ 150 హెచ్పి శక్తిని ఉత్పత్తి చేస్తుంది. అన్ని ఇంజన్లు కూడా సిక్స్-స్పీడ్ మాన్యువల్ మరియు ఆటోమేటిక్ గేర్బాక్స్ ఆప్షన్లతో లభిస్తాయి.