క్రాష్ టెస్ట్‌లో 5-స్టార్ రేటింగ్‌ పొందిన Honda Civic: పూర్తి వివరాలు

ఇటీవల టాటా మోటార్స్ యొక్క కొత్త టాటా పంచ్ సేఫ్టీ విషయంలో ఏకంగా 5 స్టార్ రేటింగ్ సొంతం చేసుకుని మంచి అమ్మకాలతో మంచి ఆదరణ పొందుతోంది. అయితే ఇప్పుడు హోండా (Honda) కంపెనీ యొక్క న్యూ జనరేషన్ హోండా సివిక్ (Honda Civic) ఇటీవల ఆగ్నేయాసియా కొత్త కార్ అసెస్‌మెంట్ ప్రోగ్రామ్ (ASEAN NCAP) లో క్రాష్ టెస్ట్‌కు గురైంది. ఈ క్రాష్ టెస్ట్‌లో Honda Civic 5 స్టార్ రేటింగ్ పొందింది.

నివేదికల ప్రకారం, ఇప్పుడు క్రాష్ టెస్ట్ కి గురైన న్యూ జనరేషన్ 'హోండా సివిక్' థాయ్‌లాండ్‌లో విక్రయించబడుతున్న ఈఎల్ ప్లస్ వేరియంట్. సింగపూర్ మరియు ఇండోనేషియా వంటి ఇతర దేశాలలో విక్రయించబడే అన్ని వేరియంట్‌లకు ASEAN అనేది రేటింగ్ అందిస్తుంది. దీని ద్వారానే ఏ కారు ఎంతవరకు సురక్షితమైనది అని తెలుస్తుంది.

ఈ క్రాష్ టెస్ట్ లో కొత్త సివిక్ పెద్దల రక్షణలో కొత్త సివిక్‌కు 32 పాయింట్లకు 29.28 పాయింట్లు లభించాయి. ఈ హోండా ప్రొడక్షన్ వెహికల్ ముఖ్యంగా లేటరల్ కొలిషన్ టెస్ట్‌లో మంచి స్కోర్ కైవసం చేసుకుంది. కొత్త 2021 సివిక్ ఫ్రంటల్ తాకిడిని తట్టుకునేలా మరియు ప్రయాణీకుల తల ప్రాంతాలకు రక్షణ కల్పించేలా రూపొందించబడింది.

హోండా సివిక్ యొక్క కొత్త తరం మోడల్ పిల్లల భద్రతలో 24 మార్కులు పొందింది. ఈ విధంగా, కారు రూపకల్పనకు మించి, కొత్త సివిక్ సెడాన్ కారు చాలా భద్రతా సాంకేతికతలను పొందింది. దీని కోసం ఈ కారుకు 19.07 పాయింట్లలో 19 లభించాయి. అంటే మార్కెట్లో ఇది ఉత్తమైన కారు అని నిస్సంకోచంగా చెప్పవచ్చు.

2021 సివిక్ రియర్ సీట్‌బెల్ట్ రిమైండర్ వంటి కొన్ని భద్రతా లక్షణాలను పొందలేదు. ఆసియా మార్కెట్ కోసం కొత్త హోండా సివిక్ ప్రామాణిక భద్రతా లక్షణాలతో 6 ఎయిర్‌బ్యాగ్‌లను అందిస్తుంది. సెడాన్ హోండా సెన్సార్ ప్యాకేజీలతో కూడా వస్తుంది. హోండా సెన్సార్ ప్యాకేజీలో CMBS, తక్కువ-వేగంతో కూడిన అడాప్టివ్ క్రూయిజ్ కంట్రోల్ మరియు టర్న్ సిగ్నల్‌ను యాక్టివేట్ చేయకుండా రోడ్డుకు దూరంగా ఉండమని హెచ్చరిక ఉన్నాయి.

హోండా సివిక్ ప్రస్తుతం భారత మార్కెట్లో అమ్మకానికి లేదు. కొత్త తరం సివిక్ 2021లో భారతదేశంలో విడుదల చేయబడుతుందా లేదా అనే దానిపై హోండా తరపున ఎటువంటి ప్రకటన వెలువడలేదు. అయితే ఇది అధునాతన ఫీచర్స్ మరియు పరికరాలతో ఉంటుంది, కావున వాహన వినియోగదారులకు చాలా అనుకూలంగా ఉంటుంది.

కొత్త తరం సివిక్ సెడాన్ లో అటానమస్ ఎమర్జెన్సీ బ్రేకింగ్, లేన్ డిస్పాచ్ వార్నింగ్, లేన్ కీప్ అసిస్ట్, డ్రైవర్ ప్రొటెక్షన్ మానిటర్ మరియు ఆటోమేటిక్ హై బీమ్ వంటి ఫీచర్లు ఉన్నాయి. కొత్త హోండా సివిక్ డిజైన్ విషయానికొస్తే, ఇది తక్కువ బాడీ క్రీజ్‌లు మరియు స్పోర్ట్స్ క్లీనర్ డిజైన్‌తో మరింత పరిణతి చెందినట్లు కనిపిస్తుంది.

ఈ కొత్త సివిక్ మోడల్ సాధారణ సెడాన్-వంటి రియర్ ప్రొఫైల్‌ను కలిగి ఉంది. కొత్త తరం హోండా సివిక్ కారు 4,673 మిమీ పొడవు, 1,800 మిమీ వెడల్పు మరియు 1,414 మిమీ పొడవు కలిగి ఉంటుంది. అంతే కాకుండా దీనికి 2,735 మిమీ వీల్ బేస్ కూడా అందుబాటులో ఉంటుంది.

ఈ కొత్త హోండా సివిక్ మునుపటి మోడల్‌తో పోలిస్తే 32 మిమీ పొడవు మరియు 35 మిమీ వీల్‌బేస్‌ పెరిగింది. ఈ కొత్త సివిక్ కారులో 419 లీటర్స్ బూట్ స్పేస్ అందుబాటులో ఉంటుంది, కావున వాహన వినియోగదారుల లగేజ్ ఉంచుకోవడానికి చాలా అనుకూలంగా ఉంటుంది.

కొత్త హోండా సివిక్ కారు లోపలి భాగంలో 7-ఇంచెస్ నుండి 9-ఇంచెస్ వరకు ఎంపిక చేసుకునే ఫ్లోటింగ్ డిస్‌ప్లేను కలిగి ఉంది. దీని ఇన్ఫోటైన్‌మెంట్ యూనిట్‌లో వైర్‌లెస్ ఆండ్రాయిడ్ ఆటో మరియు ఆపిల్ కార్ ప్లే కనెక్టివిటీ ఉన్నాయి. కొత్త సివిక్ టూరింగ్ 10.2-ఇంచెస్ ఫుల్ ఇన్స్ ట్రూ క్లస్టర్‌ను కలిగి ఉంది. ఇది స్మార్ట్‌ఫోన్‌ల కోసం వైర్‌లెస్ ఛార్జర్ మరియు 12 స్పీకర్లతో కూడిన బోస్ సౌండ్ సిస్టమ్‌తో వస్తుంది.

కొత్త హోండా సివిక్ 2.0-లీటర్ పెట్రోల్ ఇంజన్ ను కలిగి ఉంటుంది. ఈ ఇంజన్ 6,500 ఆర్‌పిఎమ్ వద్ద 160 బిహెచ్‌పి పవర్‌ మరియు 4,200 ఆర్‌పిఎమ్ వద్ద 186 ఎన్ఎమ్ టార్క్ ఉత్పత్తి చేస్తుంది.

అదేవిధంగా ఈ కొత్త హోండా సివిక్ హై-ఎండ్ వేరియంట్‌లు 1.5-లీటర్ 4-సిలిండర్ టర్బోచార్జ్డ్ పెట్రోల్ ఇంజన్‌ను కలిగి ఉన్నాయి, ఇది 6,000 ఆర్‌పిఎమ్ వద్ద 182 బిహెచ్‌పి పవర్‌ మరియు 1,700 ఆర్‌పిఎమ్ వద్ద 240 ఎన్ఎమ్ టార్క్ ఉత్పత్తి చేస్తుంది. ఇవి రెండు ఇంజిన్లు CVT ఆటోమేటిక్ గేర్‌బాక్స్‌కు జత చేయబడి ఉంటాయి.