వెబ్‌సైట్ నుంచి స్కోడా కరోక్ ఎస్‌యూవీ ఔట్.. ఎందుకంటే?

స్కోడా కరోక్‌కు భారతీయ మార్కెట్లో వినియోగదారుల నుండి మంచి ఆదరణ లభించింది. ఈ కారణంగా ఇది సిబియు మోడల్ అయినప్పటికీ త్వరలో విక్రయించబడింది. దీని కారణంగా కంపెనీ దానిని తిరిగి తీసుకురావాలని ఆలోచిస్తోంది, అయితే ప్రస్తుతం కంపెనీ రాపిడ్, ఆక్టేవియా ఆర్ఎస్ 245 మరియు సూపర్బ్ అనే మూడు మోడళ్లను మాత్రమే మార్కెట్లో విక్రయిస్తోంది.

ఈ ఏడాది కంపెనీ కొత్త మోడల్ కుషాక్‌ను తీసుకురానుంది. తర్వాత కూడా ఇంకా కొత్త మోడల్స్ తీసుకు వస్తుందా అన్న సంగతి ఇంకా స్పష్టం కాలేదు.

ఇక స్కోడా కరోక్ విషయానికి వస్తే ఇది 2020 అక్టోబర్ చివరి నాటికి పూర్తిగా అమ్ముడైంది. కాని కొత్త బ్యాచ్‌ను తీసుకువస్తుండగా అనేదాని గురించి ఇంకా అధికారిక ప్రకటన ఇంకా చేయలేదు. కొత్త నిబంధన ప్రకారం, కంపెనీ భారతదేశంలో హోమోలోగేషన్ లేకుండా సంవత్సరానికి 2500 యూనిట్ల వాహనాలను సికెడి మరియు సిబియు మార్గంలో తీసుకురాగలదు.

ప్రస్తుతానికి స్కోడా కరోక్ ఎస్‌యూవీ యొక్క 1000 యూనిట్లను భారతదేశంలో తీసుకువచ్చారు. ఈ ఎస్‌యూవీని సింగిల్ వేరియంట్, ఆరు కలర్ ఆప్షన్లలో అందుబాటులో ఉంచారు. స్కోడా కైరోక్ యొక్క ఫీచర్స్ విషయానికి వస్తే, ఇందులో ఎల్‌ఈడీ హెడ్‌లైట్, 17 ఇంచెస్ అల్లాయ్ వీల్స్, 8 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ ఇన్‌స్ట్రుమెంట్ క్లస్టర్, పనరోమిక్ సన్‌రూఫ్, 12-వే అడ్జస్టబుల్ డ్రైవర్ సీట్ ఉన్నాయి.

వీటితో పాటు కరోక్ స్మార్ట్‌లింక్ కనెక్టివిటీ, డ్యూయల్ జోన్ క్లైమేట్ కంట్రోల్, యాంబియంట్ లైటింగ్ వంటి ఫీచర్లను కలిగి ఉంది. ఇందులో సేఫ్టీ పరంగా 9 ఎయిర్‌బ్యాగులు, ఎబిఎస్, ఇబిడి మరియు ఇఎస్‌సి వంటివి ఉన్నాయి. స్కోడా కరోక్ ఎస్‌యూవీని చాలామంది కస్టమర్లు ఇష్టపడుతున్నారు.

స్కోడా కరోక్ ఎస్‌యూవీ 1.5-లీటర్ టర్బో-పెట్రోల్ ఇంజిన్‌తో పనిచేస్తుంది. ఇది 148 బిహెచ్‌పి శక్తిని మరియు 250 ఎన్ఎమ్ టార్క్ అందిస్తుంది. ఇది 7-స్పీడ్ DSG ఆటోమేటిక్ గేర్‌బాక్స్ కలిగి ఉంది. ఈ ఇంజన్ లీటరుకు 14.49 కిమీ మైలేజీని అందిస్తుంది.

ప్రస్తుతం భారత మార్కెట్లో స్కోడా ఇప్పుడిప్పుడే కోలుకుంటోది. ఈ సమయంలో తమ కొత్త ఉత్పత్తులను ప్రవేశపెట్టడం వల్ల మరింత ముందుకు సాగే అవకాశం ఉంది. స్కోడా కంపెనీ తన కొత్త మోడల్ కుషాక్‌ను ఈ సంవత్సరం మొదటి భాగంలో తీసుకురావచ్చు. దాని ప్రీ-ప్రొడక్షన్ వెర్షన్ ఇటీవల వెల్లడించింది.