డిసెంబర్ 2020లో టాప్ 10 కార్లు; స్విఫ్ట్‌ను ఓడించిన మారుతి ఆల్టో

దేశంలోనే అత్యధికంగా అమ్ముడైన హ్యాచ్‌బ్యాక్‌గా పేరు దక్కించుకున్న మారుతి సుజుకి ఆల్టో, గత నెలలో నెంబర్ వన్ స్థానంలో నిలిచింది. డిసెంబర్ 2019లో 15,489 ఆల్టో కార్లను విక్రయించగా, డిసెంబర్ 2020లో మొత్తం 18,140 కార్లను విక్రయించి 17 శాతం వృద్ధిని నమోదు చేసింది.

గత నవంబర్ నెలలో నెంబర్ వన్ స్థానంలో కొనసాగిన మారుతి సుజుకి స్విఫ్ట్, ఇప్పుడు ఈ జాబితాలో రెండవ స్థానానికి పడిపోయింది. గత డిసెంబర్ 2020 నెలలో 18,131 స్విఫ్ట్ కార్లు అమ్ముడవగా, అంతకు ముందు సంవత్సరం ఇదే నెలలో (డిసెంబర్ 2019లో) వీటి సంఖ్య 14,749 యూనిట్లుగా ఉండి 23 శాతం వృద్ధిని నమోదు చేసింది.

మారుతి సుజుకి బాలెనో ప్రీమియం హ్యాచ్‌బ్యాక్ అమ్మకాలు డిసెంబర్ 2019తో పోలిస్తే డిసెంబర్ 2020లో స్వల్పంగా క్షీణించాయి. గత నెలలో మొత్తం 18,030 బాలనె కార్లు అమ్ముడుపోగా అంతకు ముందు సంవత్సరం ఇదే సమయంలో వీటి సంఖ్య 18,464 యూనిట్లుగా నమోదై 2 శాతం క్షీణతను నమోదు చేశాయి.

మారుతి సుజుకి అందిస్తున్న మరో పాపులర్ హ్యాచ్‌బ్యాక్ వ్యాగన్ఆర్ ఈ జాబితాలో నాల్గవ స్థానంలో నిలిచింది. డిసెంబర్ 2020 నెలలో మారుతి సుజుకి మొత్తం 17,684 యూనిట్ల వ్యాగన్ఆర్ కార్లను విక్రయించింది. అంతకు ముందు సంవత్సరం ఇదే నెలలో (డిసెంబర్ 2019లో) వీటి సంఖ్య 10,781 యూనిట్లుగా ఉండి గరిష్టంగా 64 శాతం వృద్ధిని నమోదు చేసింది.

కాగా, ఈ జాబితాలో టాప్-5 స్థానాన్ని కూడా మారుతి సుజుకి వాహనమేనే దక్కించుకుంది. ఇందులో స్విఫ్ట్ తోబుట్టువైన స్విఫ్ట్ డిజైర్ ఈ స్థానాన్ని ఆక్రమించింది. మారుతి సుజుకి డిజైర్ దేశంలో అత్యధికంగా అమ్ముడైన కాంపాక్ట్-సెడాన్‌గా కొనసాగుతోంది. గడచిన డిసెంబర్ 2020లో 13,868 స్విఫ్ట్ డిజైర్ కార్లు అమ్ముడు కాగా, డిసెంబర్ 2019లో వీటి సంఖ్య 15,286 యూనిట్లుగా ఉండి 9 శాతం క్షీణతను నమోదు చేసింది.

ఈ జాబితాలో ఆరవ స్థానంలో ఉన్నది హ్యుందాయ్ వెన్యూ. డిసెంబర్ 2020లో మొత్తం 12,313 వెన్యూ ఎస్‌యూవీలు అమ్ముడయ్యాయి. అంతకు ముందు సంవత్సరం ఇదే నెలలో (డిసెంబర్ 2019లో) వీటి సంఖ్య 9,521 యూనిట్లుగా ఉండి 29 శాతం వృద్ధిని నమోదు చేసింది.

డిసెంబర్ 2020 టాప్-10 కార్ల జాబితాలో 7వ స్థానంలో ఉన్నది మారుతి సుజుకి విటారా బ్రెజ్జా. గత డిసెంబర్ 2020లో మారుతి సుజుకి మొత్తం 12,251 విటారా బ్రెజ్జా ఎస్‌యూవీలను విక్రయించింది. అంతకు ముందు సంవత్సరం ఇదే నెలలో (డిసెంబర్ 2019లో) వీటి సంఖ్య 13,658 యూనిట్లుగా ఉండి 10 శాతం క్షీణతను నమోదు చేసింది.

ఈ జాబితాలో ఎనిమిదవ స్థానాన్ని దక్కించుకుంది మారుతి సుజుకి ఈకో ఎమ్‌పివి. గడచిన డిసెంబర్ 2020లో కంపెనీ మొత్తం 11,215 ఈకో వాహనాలను విక్రయించింది. అంతకు ముందు సంవత్సరం ఇదే నెలలో (డిసెంబర్ 2019లో) వీటి సంఖ్య 7,634యూనిట్లుగా ఉండి 47 శాతం వృద్ధిని నమోదు చేసింది.

హ్యుందాయ్ అందిస్తున్న పాపులర్ మిడ్-సైజ్ ఎస్‌యూవీ క్రెటా గడచిన డిసెంబర్ 2020 నెలలో 10,592 యూనిట్ల అమ్మకాలను నమోదు చేసి ఈ జాబితాలో 9 స్థానానికి పడిపోయింది. అంతకు ముందు సంవ్సరం ఇదే సమయంలో వీటి సంఖ్య 6,713 యూనిట్లగా ఉండి, 58 శాతం వృద్ధిని నమోదు చేసింది.

ఇకపోతే, హ్యుందాయ్ అందిస్తున్న ఐ10 గ్రాండ్ మోడల్ ఈ జాబితాలో 10వ స్థానంలో ఉంది. హ్యుందాయ్ ఐ10 హ్యాచ్‌బ్యాక్ లైనప్‌లో గ్రాండ్ మరియు నియోస్ మోడళ్లు అమ్మకానికి ఉన్నాయి. గడచిన డిసెంబర్ 2020 నెలలో కంపెనీ మొత్తం 10,263 ఐ10 కార్లను విక్రయించింది. అంతకు ముందు సంవత్సరం ఇదే నెలలో (డిసెంబర్ 2019లో) వీటి సంఖ్య 7,598 యూనిట్లుగా ఉండి 35 శాతం వృద్ధిని నమోదు చేసింది.

గత డిసెంబర్ 2020 నెలలో హ్యుందాయ్ వెన్యూ అత్యధికంగా అమ్ముడైన ఎస్‌యూవీగా మారి మారుతి బ్రెజ్జా, హ్యుందాయ్ క్రెటా మోడళ్లను అధిగమించింది. ఈ కొత్త సంవత్సరం (2021)లో అనేక కొత్త మోడళ్లు మార్కెట్లో విడుదల కానున్న నేపథ్యంలో, ఈనెల అమ్మకాల్లో ఏయే మోడళ్లు టాప్-10 జాబితాలో ఉంటాయో వేచి చూడాలి.

Source: Autopunditz