మొదలైన ఫోక్స్‌వ్యాగన్ టి-రాక్ బుకింగ్స్; త్వరలో ప్రారంభం కానున్న డెలివరీలు

ఫోక్స్‌వ్యాగన్ టి-రాక్ తో పాటు మొత్తం నాలుగు మోడల్స్ ఇండియా 2.0 ప్రాజెక్ట్ కింద ఉత్పత్తి చేయబడి కంపెనీ MQB ప్లాట్‌ఫాంపై నిర్మించబడ్డాయి. ఈ నాలుగు ఎస్‌యూవీల్లో టర్బోచార్జ్డ్ స్ట్రాటిఫైడ్ ఇంజెక్షన్ ఇంజన్ ఉంది. త్వరలో కంపెనీ ఈ మోడళ్లను కూడా తీసుకురానుంది. దీనికి సంబంధించిన అన్ని సన్నాహాలను ఇప్పటికే సిద్ధం చేస్తోంది.

ఫోక్స్‌వ్యాగన్ ఈ కారును రూ. 19.99 లక్షల ఎక్స్-షోరూమ్ ధర వద్ద విడుదల చేసింది. అయితే ఈ కారు ధర ఇప్పుడు రూ. 21.35 లక్షల (ఎక్స్-షోరూమ్) ధరకు చేరుకుంది. అంటే టి-రాక్ ధర మునుపటికంటే రూ. 1.36 లక్షలు అధిక ధరను కలిగి ఉంది.

కంపెనీ ఇప్పటికే అనేక డీలర్‌షిప్‌లలో దీని బుకింగ్స్ ప్రారంభించింది. కంపెనీ యొక్క యొక్క ఈ ఫోక్స్‌వ్యాగన్ ఎస్‌యూవీకి మార్కెట్లో మంచి డిమాండ్ ఉంది. ఫోక్స్‌వ్యాగన్ టి-రాక్ ఎస్‌యూవీని భారత మార్కెట్ కి సిబియు మార్గంలోకి తీసుకువస్తున్నారు. కాబట్టి కొత్త నిబంధన ప్రకారం కంపెనీలు సంవత్సరానికి కేవలం ఈ మార్గం ద్వారా 2500 యూనిట్లను మాత్రమే దిగుమతి చేసుకోగలవు.

గత సంవత్సరం ఫోక్స్‌వ్యాగన్ టి-రాక్ ఎస్‌యూవీ యొక్క 1000 యూనిట్లు ప్రవేశపెట్టిన అతితక్కువ కాలంలోనే మొత్తం అమ్ముడయ్యాయి. ఫోక్స్‌వ్యాగన్ టి-రాక్ ఎస్‌యూవీ చూడటానికి చాలా ఆకర్షణీయంగా ఉండి, మంచి అప్డేటెడ్ ఫీచర్స్ కలిగి ఉంటుంది. కావున ఇది దేశీయ మార్కెట్లో మంచి స్పందన పొందింది.

ఫోక్స్‌వ్యాగన్ టి-రాక్ ఎస్‌యూవీ యొక్క డిజైన్ విషయానికి వస్తే, ఇందులో హెక్సాగోనల్ గ్రిల్, ఎల్ఈడి హెడ్ లైట్ మరియు ఎల్ఇడి డిఆర్ఎల్ తో పాటు, డ్యూయల్ టోన్ బంపర్‌లను ఉపయోగించింది మరియు ఫ్రంట్ ఫాగ్‌ల్యాంప్‌లు కూడా ఇవ్వబడ్డాయి.

ఇక ఈ ఫోక్స్‌వ్యాగన్ టి-రాక్ ఎస్‌యూవీ యొక్క ఇంటీరియర్ విషయానికి వస్తే, ఇందులో 3 స్పోక్ స్టీరింగ్ వీల్ మరియు డిజిటల్ ఇన్స్ట్రుమెంట్ క్లస్టర్‌తో టచ్‌స్క్రీన్ ఇన్ఫోటైన్‌మెంట్ సిస్టమ్‌ కలిగి ఉంటుంది. దీనితో పాటు, ఈ కారులో ప్రీమియం లెదర్ అపోల్స్ట్రే కూడా కలిగి ఉంది.

ఈ ఎస్‌యూవీలో 6 ఎయిర్‌బ్యాగులు, ఎబిఎస్, ఎలక్ట్రానిక్ స్టెబిలిటీ కంట్రోల్, ట్రాక్షన్ కంట్రోల్, రివర్స్ పార్కింగ్ కెమెరా, టైర్ ప్రెజర్ మానిటరింగ్ సిస్టమ్ వంటి సేఫ్టీ ఫీచర్స్ ఉన్నాయి. ఫోక్స్‌వ్యాగన్ టి-రాక్ పనోరమిక్ సన్‌రూఫ్, ఆటోమేటిక్ క్లైమేట్ కంట్రోల్, కీ-ఎంట్రీ మరియు ఇంజిన్ స్టార్ట్ / స్టాప్ బటన్లు వంటి ఫీచర్స్ కూడా పొందుతుంది.

ఫోక్స్‌వ్యాగన్ టి-రాక్ ఎస్‌యూవీ భారత మార్కెట్లో, 1.5-లీటర్ బిఎస్ 6 పెట్రోల్ ఇంజిన్‌తో విడుదల చేసింది. ఇది 150 బిహెచ్‌పి పవర్ మరియు 250 ఎన్ఎమ్ టార్క్ ఉత్పత్తి చేస్తుంది. ఇంజిన్ 7 స్పీడ్ డిఎస్జి డ్యూయల్ క్లచ్ ఆటోమేటిక్ గేర్‌బాక్స్ తో జతచేయబడి ఉంటుంది.