Maruti Baleno Facelift కొత్త ఫీచర్‌తో రానుంది.. టీజర్‌లో చూడండి

కంపెనీ విడుదల చేసిన ఈ టీజర్ వీడియోలో బాలెనో కనెక్టెడ్ కార్ టెక్నాలజీని చూడవచ్చు. ఈ ఫీచర్స్ ప్రస్తుతం అందుబాటులో ఉన్న దాదాపు చాలా కార్లలో అందుబాటులో ఉంది. ఇది కారులోని చాలా ఫీచర్స్ ని కంట్రోల్ చేస్తుంది. కావున ఇది ఇది వాహన వినియోగదారులు కోరుకునే ఫీచర్స్ లో ఒకటి.

ఈ కొత్త టీజర్‌లో కనిపిస్తున్నట్లుగా, ఈ కార్ కనెక్ట్ ఫీచర్ మొబైల్‌కు కనెక్ట్ చేయడం ద్వారా కారులోని అనేక ఫీచర్లను కంట్రోల్ చేయవచ్చు. కానీ ఇందులో ఎన్ని ఫీచర్స్ ఉంటాయి అనే విషయం మాత్రం కంపెనీ వెల్లడించలేదు. అయితే ఇందులో ఫ్యూయల్ గేజ్ రీడింగ్, డిస్టెన్స్ టు ఎంప్టినెస్, ఓడోమీటర్ మొదలైన సమాచారాలను చూడవచ్చు.

మారుతి సుజుకి అందిస్తున్న ఈ కొత్త ఫీచర్ కారు పరిస్థితి గురించి సమాచారాన్ని అందిస్తుంది. అంతే కాకూండా కారు యొక్క హజార్డ్ లైట్‌ను ఆన్ చేయవచ్చు, కారును రిమోట్‌గా లాక్ మరియు అన్‌లాక్ కూడా చేయవచ్చు. ఇది ప్రస్తుతం ఉపయోగపడుతున్న ఆధునిక ఫీచర్.

కంపెనీ ఇప్పటికే తన మారుతి బాలెనో ఫేస్‌లిఫ్ట్ యొక్క బుకింగ్స్ ప్రారంభించింది. కావున కొనుగోలుదారులు రూ. 11,000 చెల్లించి బుక్ చేసుకోవచ్చు. డెలివరీలు ఇది మార్కెట్లో విడుదలైన వెంటనే ప్రారంభమవుతాయి. బాలెనో ఫేస్‌లిఫ్ట్ యొక్క మాన్యువల్‌ వేరియంట్ 22.35 కిమీ/లీ మైలేజ్ అందిస్తుంది. అదే విధంగా దాని ఆటోమాటిక్ వేరియంట్ 22.94 కిమీ/ లీ అందిస్తుందని వెల్లడయ్యింది. ఇది దాని మునుపటి మోడల్స్ కంటే కూడా ఎక్కువ మైలేజ్ ఇస్తుందని కంపెనీ నిర్దారించింది.

మారుతి బాలెనో భారతదేశంలో ఒకే ఇంజన్ ఆప్సన్ అందుబాటులోకి వచ్చింది. కంపెనీ ఈ బాలెనో యొక్క ఇంజిన్‌ను మార్చలేదు. కావున మొదటిది 1.2-లీటర్ పెట్రోల్ ఇంజన్, ఇది 83 బిహెచ్‌పి పవర్ మరియు 113 ఎన్ఎమ్ గరిష్ట టార్క్‌ ఆడిస్తుంది. ఈ ఇంజన్ 5 స్పీడ్ మ్యాన్యువల్ మరియు AMT గేర్‌బాక్స్‌తో అందుబాటులో ఉంటుంది.

మారుతి బాలెనోలో మెరుగైన స్టీల్‌తో తయారు చేయబడిన కొత్త బాడీ ప్యానెల్‌లు ఇన్‌స్టాల్ చేయబడింది. ఇప్పుడు ఈ మోడల్ యొక్క ముందు భాగం చాలా వరకు కొత్తగా ఉంటుంది. ఇందులో మెష్ గ్రిల్ తో పాటి హెడ్‌లైట్స్ మరియు వెనుక భాగంలో ఎల్ఈడీ డిఆర్ఎల్ వంటి వాటిని పొందుతుంది. వీటితో పాటు ఇది పెద్ద బంపర్, విశాలమైన ఎయిర్ డ్యామ్ మరియు రౌండ్ ఫాగ్ లైట్లను పొందుతుంది.

బాలెనో యొక్క బానెట్ కూడా రీడిజైన్ చేయబడింది. ఇది మునుపటితో పోలిస్తే చాలా ఫ్లాట్‌గా అనిపిస్తుంది. వెనుక భాగంలో రీడిజైన్ చేయబడిన టెయిల్‌గేట్, L-ఆకారపు టైల్‌లైట్ క్లస్టర్ మరియు ఎల్ఈడీ ఇంటర్నల్‌లు మరియు కొత్త బంపర్ ఇవ్వబడ్డాయి. సైడ్ ఫ్రొఫైల్ లో కొత్త అల్లాయ్ వీల్స్ కనిపించినప్పటికీ, డిజైన్ అలాగే ఉంచబడింది. మొత్తం మీద బాలెనొ చాలా వరకు ఆకర్షణీయమైన డిజైన్ కలిగి, చూడగానే ఆకట్టుకునే విధంగా ఉంది.

ఈ కొత్త 2022 బాలెనొ కూడా మంచి సేఫ్టీ ఫీచర్స్ కలిగి ఉంటుందని ఆశిస్తున్నాము. ఇది బహుశా 4 స్టార్ రేటింగ్ లేదా 5 స్టార్ రేటింగ్ పొందే విధంగా తయారుచేయబడే అవకాశం ఉంటుంది. కొత్త 2022 బాలెనొ 6 ఎయిర్‌బ్యాగ్‌లతో పాటు, ఎలక్ట్రానిక్ స్టెబిలిటీ కంట్రోల్, ఏబీఎస్ విత్ ఈబిడి, ఇమ్మొబిలైజర్, రియర్ పార్కింగ్ సెన్సార్ మరియు కెమెరా, హై స్పీడ్ వార్నింగ్ వంటి వాటిని పొందుతుంది.

కంపెనీ ఇటీవల విడుదల చేసిన ఒక కొత్త టీజర్ వీడియోలో బాలెనో ఫేస్‌లిఫ్ట్ యొక్క 360-డిగ్రీ కెమెరాను చూపించింది. అంతే కాకుండా ఈ కొత్త మోడల్ 9-అంగుళాల స్మార్ట్‌ప్లే ప్రో+ టచ్‌స్క్రీన్ ఇన్ఫోటైన్‌మెంట్ సిస్టమ్‌ను కూడా పొందుతుంది. 9-ఇంచెస్ పెద్ద డిస్‌ప్లే మొదటిసారిగా డిసెంబర్ 2021 లో యూరప్‌లోని కొత్త మారుతి S-క్రాస్‌లో కనిపించింది.

అయితే ఇప్పుడు త్వరలో రానున్న కొత్త ప్రీమియం మారుతి బాలెనో ఫేస్‌లిఫ్ట్ మోడల్ లోని ప్రస్తుత 7-ఇంచెస్ యూనిట్ స్థానంలో ఇదే విధమైన 9-ఇంచెస్ పెద్ద డిస్‌ప్లే రానుంది. ఈ కొత్త డిస్ప్లే యావరేజ్ స్పీడ్, డ్రైవింగ్ టైమ్ మరియు యావరేజ్ ఫ్యూయెల్ వినియోగం వంటి సమాచారాన్ని ప్రదర్శిస్తుంది. అంతే కాకుండా టచ్-ఎనేబుల్ చేయబడిన వాల్యూమ్ అప్/డౌన్, హోమ్, మ్యూజిక్ ప్లే, కాల్ రిసీవ్/ఎండ్ మరియు వాయిస్ కమాండ్ బటన్‌లను చూడవచ్చు.

2022 మారుతి బాలెనో ఫేస్‌లిఫ్ట్ బరువు మునుపటికంటే కూడా దాదాపు 70 కేజీలు ఎక్కువగా ఉంటుంది. కావున దీని బరువు ఇప్పుడు 1410 కేజీలు. ఇది ఇప్పుడు మునుపటికంటే కూడా మెరుగైన నిర్మాణం కలిగి ఉంటుంది. అంతే కాకూండా ఇది మొత్తం సిగ్మా, డెల్టా, జీటా, జీటా (ఓ), ఆల్ఫా, ఆల్ఫా (ఓ) వంటి మొత్తం 11 వేరియంట్‌లలో అందుబాటులోకి రానుంది. మారుతి బాలెనో ఫేస్‌లిఫ్ట్ భారతీయ మార్కెట్లో విడుదలైన తరువాత హ్యుందాయ్ ఐ20 మరియు టాటా ఆల్ట్రోజ్‌ వంటి వాటికి ప్రత్యర్థిగా ఉంటుంది.